Day2.2行程+文章概要:龍頭岩海邊睇飛機龍頭岩海水汗蒸幕最強黑毛豬餐廳 續上回~離開海邊時,我雙腳痛到真真正正完全郁唔到企左係度,死火啦點算呢……今日先Day4 ja……睇嚟唔搵d野recover唔得!但尋晚搵過下d濟州韓式按腳,卻100%是國內大媽按雀 思前想後,諗到既只有去汗蒸幕加速身陳代謝吧!上網搵到附近的龍頭岩海水汗蒸幕「용두암해수랜드」,二話不說立即飛的去~ 1. 龍頭岩海邊睇飛機誰不知間汗蒸幕樓下海岸都係一個有d名既景點,又忍唔住走落去欣賞左先~明明我已經每行一步都痛到咆哮…….不過呢條海岸線係唔錯的,呢個位仲可以清楚睇到飛機每3分鐘係你頭頂飛過,近到可以打架飛機落嚟,完全係舊九龍城既感覺呀~ 點擊圖片放大 +5 2. 龍頭岩海水汗蒸幕講返龍頭岩海水汗蒸幕,Google map and Kakao map既評論都話衛生麻麻,但我又覺得幾乾淨ok wor! 最多咪同深圳皇室假期差不多入場費KWD11000~$61.6,任玩任浸任焗至夜晚9點,聽聞以前可以過夜tim~比錢後門口staff比套勁hea PE衫你就可以上去更衣室了 weiwei,乜有浴池ge???我一直大鄉里以為韓國汗蒸幕只係入間房乾焗齋坐on居居,原來有齊暖池熱池凍池按摩池,仲有沖涼位and乾濕桑拿,同日本錢湯無咩分別,正!於是我方唐鏡式熱水凍水、彈入彈出、彈出彈入,十幾轉後對腳終於復活啦! (浴場內不能影相,google完亦無官方圖片,大家唯有腦補我出浴既樣啦~) 其實就咁浸完係common room休息下睇下中學生情侶嚟 偷情 拍拖已經好舒服~誰不知佢地下個蒙古包式巨型古法汗蒸先係精髓所在!古法汗蒸幕要內進先要打開兩重門,內部高約兩、三層樓,粗略估計攝氏80度起跳,絕對係玩命! 大部份人入嚟果一下已經頂唔順要立即走出去! 大佬真係人肉叉燒包咩!但如果你捱得住,就會聞到陣陣令人舒暢的木香,和feel到體內水份毒素極速排出,半分鐘內出汗到玩完ocamp水戰一樣!極辛苦但又極爽,最後我前後入左去3次每次5分鐘! 唔通我係M底?? (又係搵唔到相,用住首爾東大門汗蒸幕果個超熱爐頂住先,名為79度,但我覺得龍頭岩既汗蒸幕熱好多!) 如果想進入玩命桑拿必需先注意幾件事~有無心臟病或懷孕記得戴口罩同毛巾入去,唔係防疫,而係濾一濾令吸入肺既空氣無咁熱,令肺部無咁易灼傷之餘又可以頂得耐d必須除哂所有金屬物品,至於手機…….各位自己諗啦…….出嚟後必需飲水! 另外避免出大汗後冷熱差太大”攝”親,最好搵條毛巾披一披,或者快d去沖涼啦總之玩完後呢個汗蒸幕後我成身爽哂~精力回復100%,可以繼續去玩啦! 龍頭岩海水汗蒸幕地址 : 濟州特別自治道濟州市西海岸路 630 /제주특별자치도 제주시 서해안로 630開放時間 : 理論上係24小時,但唔知係咪疫情,我果日收20:00 3. 最強黑毛豬餐廳巴士回到酒店附近搵野食,比KWD800,000 ~ $450 1kg既鰻魚嚇襯唔敢食終於亂咁search左間新式摩登d既黑豚店「돌담흑돼지」,google translate叫「石窟黑豚」~ 係呀又係黑豚肉呀!前晚用鐵板煎,今晚用炭火燒,唔同ge~呢間「石窟黑豚」主打自家熟成濟州黑毛豬,但我一向普通熟成呢家野,所以要普通version黑毛豬100g約KWD9800 ,一舊約500幾g即係約港紙 $300幾蚊,以濟州島既物價來說算係幾貴下!落單後waiter會扮哂serve 紅酒咁先比舊豬肉妳過目,再比師傅大火燒熟表面後切件,排到靚靚仔仔先上枱,好似好高級咁wor~ 係外國食野好多時真係一分錢一分錢貨,賣咁貴係有理由的!濟州黑豚油香味濃就一定,佢呢度既肉味卻比前晚係黑豚一條街名店食既更加香濃!加上明火炭香,令本身已頂級既黑豚肉再升華,每一口都如瀨尿牛丸般在口內肉汁爆發!毫無疑問係我整個韓國之旅最最好味既一餐! 每次提起都流哂口水呀! 同場加映濟州島獨有既漢拏山燒酒,傳聞係用濟州島既火山岩礦物水和自家大米釀造,只限本島供應~ (但我尋日係樓下惠康見到賣$18.....)我個人覺得比普通爛鬼真露清純易入口無腥味,配燒烤真係一絕! Day2 in濟州島就係咁於腳痛之中度過~雖然比個不友善阿珠媽媽叉,但食左咁多好野又有浸浴桑拿,超滿足啦!聽日又要操勞對腳了,希望佢撐得住啦……… =======================================請大家Follow我Instagram啦~Instagram : https://www.instagram.com/fung_garcia_backpacker/ ===================================== 我既Youtube Channel已經開通啦!!!!快d Click入 「鋒加西亞 / 旅人瘋語」Subscribe 睇片再比個Like禁個鐘仔啦!~ 鋒加西亞/旅人瘋語 Youtube Channel 主要影片 :【泰國】【芭堤雅】誤入邪骨!? 芭堤雅色情行業真相!【歐洲】人有三急在歐洲怎辦? 卑鄙無恥! 歐洲免費廁所全攻略【希臘遊記】絕美海濱! 雨傘雕塑! 寫意的希臘「塞薩洛尼基」一日漫遊!【希臘】型爆海盜船酒吧扮魔盜王!超值60蚊一杯包遊船河!? 白濱系列 :【和歌山】【白浜】白浜七大溫泉評價! 熱到烚腸仔? hea到似街市? 浸哪個好一一盡錄!【和歌山】【白浜】超高性價比溫泉酒店介紹!(上集) 最平最型,兩層複式+望海露天風呂,竟然港幣千零蚊!?【白浜】【和歌山】超高性價比溫泉酒店介紹!(下集) 「白浜館」好味到難以置信的一泊二食︱房內優雅露天溫泉+市中心對正沙灘,勁抵住! 旅行故事系列 :【台北】誤闖台灣三溫暖,內裡竟然係……嚇死人咩!【格魯吉亞】最慘的4小時! 格魯吉亞地獄小巴之旅!【波蘭】在納粹集中營,我竟聽到了……一世難忘的恐怖回憶!【台灣】我在台北拾屍的經驗︱美女強吻? 艷福無邊? 浪漫奇遇? (新片呀!!!!!!!!!)=================================相關篇章 : 富山、石川、琵琶湖 :《【北陸之行】 – 系列》和歌山、白浜 :《【紀伊半島】 – 系列》東京雜記 :《1 – VR館簡短Game評及小貼士》《2 – 東京千本鳥居+爆料天丼》《3 -池袋的災害體驗》《4 – 日本第一炸豬扒》《5 – 那夜凌晨,我坐上了東京開往大阪的巴士》《6 – 蠔大大小店,性價比超掂》日本美食系列 :《1 – 東京壽司「梅丘壽司之美登利」如何抵食?》《2 – 大阪隱世超平炸串》京都紅葉系列 :《1 – 京都紅葉隧道此生必去︱貴船神社、琉璃光院︱叡山電車紅葉路線介紹》《2 – 京都天龍寺巨型紅葉樹》《3 – 京都北野天滿宮 – 紅葉之海洋》================================Email : funggarcia@gmail.comwww.facebook.com/Garcia.in.Germany 文章同時刊於以下平台,請各位多多支持呀!!!!!!!!!!!!!UBlogDC Fever TravelBlogspot遊牧爆谷Medium