經過上回行完漢拿山，今朝一起身 --------- ee對腳痛到落唔到床wor!~痴線~ 當年行完富士山第日都生龍活虎健步如飛，今次行果6粒幾鐘對腳就直筆甩郁都郁唔到，中過covid je有無咁弱ar?? (其實主要係落山太急 Orz…….)Anyway，膝頭已廢，加上今日天陰落雨，不如輕鬆周圍行個圈食下好野，比自己休息下算啦~但休息又唔代表hea，我性格都係唔chur唔安落，輕鬆的一天無意中又變成疲勞既一天…… +++++++++++++++++++++++++相關文章 :【韓國雜記系列】https://travelblog-fung-garcia.com/category/asia-2/korea/【富士山攻頂】《【帶著爸爸行富士山】 – 系列》+++++++++++++++++++++++++ Day2.1行程+文章概要:豬肉湯麵국수만찬東門市場濟州海鮮飯卷 =======================================請大家Follow我Instagram啦~Instagram : https://www.instagram.com/fung_garcia_backpacker/ ===================================== 1. 豬肉湯麵국수만찬係我住果間Urban Island Hotel後面的豬肉湯麵「 국수만찬」，google同kakao map上的比分都非常高，只係估唔到weekday都要排隊咁誇張四周勁多食肆得佢一間一群本地人等位，睇嚟真係堅野~最後等左廿分鐘先入座 呢張係走果陣影，已經過左食飯時間都仲有人等緊 招牌菜豬肉湯麵分豬骨湯味同鏗魚湯味，即係撈麵ver，其他招牌菜有白煮五花腩、燒豬腳同餃子等目測份量都幾大，兩條友都係一個豬骨湯麵+餃子睇下咩料子先果然，份量係香港既1.5倍，但價錢平一半有多……..有時都諗其實唔係外國食物份量大，只係香港普遍細碟…… 上菜了~豬骨湯麵湯底拍得住大阪質素，麵條滑溜彈牙，真心好味!唯一可惜五花肉仍有少量豬臊味，加辣即不見~ 餃子呢……個份量呢…… 一碟三十幾隻係咩玩法呢……韮菜豬肉餃加上芝麻、花生碎及麻醬，再飽都停唔到口! 雖然只係兩碟，但我地真係食唔哂，埋單KRW17000~$95，香港食一碗拉麵都唔得!可惜既係我對呢間店既回憶比當時既隔離枱分散左佢地4個本地人兩男兩女，一人一碗湯麵，再另加一個撈麵做餸究竟係咩玩法……換個角度，即係一人一碟乾炒牛河再side bet碟星洲炒米做餸! 真係大開眼界呀!!!!!!! 2. 東門市場坐巴士去到東門市場，只係想輕鬆行下kill下time，根據經驗呢d市場不嬲都係遊客向名過於實誰不知今次「中伏」，東門市場勁多野睇呀!市場內滿滿是從未見過既有趣食材，只係醃菜都多到嚇死人! 如果鍾意行超市既朋友應該勁開心! 至於其他海鮮、肉類，無一不是又平又新鮮~作為一個烹飪愛好者，見到平香港10倍既頂級1++韓牛只係約$32 100g，大過我手板既石九公，仲有”令”到starwar激光劍咁既牙帶魚，好難唔大力揼心口點解我book果間酒店無廚房ga wor….(哭) 點擊圖片放大 +5 不過令我大惑不解既係，由細到大都話蟹一死就有毒素唔食得，點解呢度d阿珠媽會一隻隻劏哂佢先嚟醃ga呢?……… 除左生ouou既食材，市場仲有大量熟食、水果、手信、乾貨、紀念品等等，認真行的話2個鐘以上都無問題~而且真係唔算遊客價，大量入貨都唔肉赤~ 點擊圖片放大 至於東門市場下的地下商店街有興趣都可以行下不過我就覺同羅湖商業城無咩分別啦，好似旺角荷里活仲好行d…… 至於係東門市場所發生既不愉快事件就唔重覆了，大家可以睇返我上回既總篇集啦 只係可惜無緣食到超新鮮既魷魚刺身了……. 3. 濟州海鮮飯卷제주시 새우리 본점比個阿珠媽嘈完心情不爽又有d餓，一於出市場外影下濟州石頭爺爺，再去買d野食啦~於是行10分鐘左右去一早bookmark左既「濟州海鮮飯卷제주시 새우리 본점」買個外賣，再行出海邊一邊食飯卷一邊食風~ 幾咁詩情畫意~ 點擊圖片放大 但我點會估到濟州島北呢條海濱長廊寫到明唔比食野……..更重點係尋日仲係28度短袖衫，今日下晝已經係10度，d海風吹埋嚟，我著住長袖絨毛衛衣都好鬼凍呀!!!!!終於要縮埋係樓梯靜雞雞食………「제주시 새우리 본점」個飯卷唔係傳統式，舊protein話蝦餅但似香港仔魚旦，加埋紫椰菜同沙律醬，係幾好味ge ~ KWD7500 ~$42抵唔抵盲見人見智啦~但個海邊真係好x凍，此地不宜久留，快口食完快Q d走! 雖然話快Q d走，但完全唔知自己應該去邊……明明打算只行個零鐘hea下，但此時已經有17000步，我仲話要比對腳休息，但又矛盾地唔想返酒店訓覺浪費一日……離開海邊時，我雙腳痛到真真正正完全郁唔到企左係度，死火啦點算呢……下回繼續~ =======================================請大家Follow我Instagram啦~Instagram : https://www.instagram.com/fung_garcia_backpacker/ ===================================== 我既Youtube Channel已經開通啦!!!!快d Click入 「鋒加西亞 / 旅人瘋語」Subscribe 睇片再比個Like禁個鐘仔啦!~ 鋒加西亞/旅人瘋語 Youtube Channel 主要影片 ：【泰國】【芭堤雅】誤入邪骨!? 芭堤雅色情行業真相!【歐洲】人有三急在歐洲怎辦? 卑鄙無恥! 歐洲免費廁所全攻略【希臘遊記】絕美海濱! 雨傘雕塑! 寫意的希臘「塞薩洛尼基」一日漫遊!【希臘】型爆海盜船酒吧扮魔盜王！超值60蚊一杯包遊船河！？ 白濱系列 :【和歌山】【白浜】白浜七大溫泉評價! 熱到烚腸仔? hea到似街市? 浸哪個好一一盡錄!【和歌山】【白浜】超高性價比溫泉酒店介紹!(上集) 最平最型，兩層複式+望海露天風呂，竟然港幣千零蚊!?【白浜】【和歌山】超高性價比溫泉酒店介紹!(下集) 「白浜館」好味到難以置信的一泊二食︱房內優雅露天溫泉+市中心對正沙灘，勁抵住! 旅行故事系列 :【台北】誤闖台灣三溫暖，內裡竟然係……嚇死人咩！【格魯吉亞】最慘的4小時! 格魯吉亞地獄小巴之旅!【波蘭】在納粹集中營，我竟聽到了……一世難忘的恐怖回憶!【台灣】我在台北拾屍的經驗︱美女強吻? 艷福無邊? 浪漫奇遇? (新片呀!!!!!!!!!)=================================相關篇章 : 富山、石川、琵琶湖 :《【北陸之行】 – 系列》和歌山、白浜 ：《【紀伊半島】 – 系列》東京雜記 ：《1 – VR館簡短Game評及小貼士》《2 – 東京千本鳥居+爆料天丼》《3 -池袋的災害體驗》《4 – 日本第一炸豬扒》《5 – 那夜凌晨，我坐上了東京開往大阪的巴士》《6 – 蠔大大小店，性價比超掂》日本美食系列 ：《1 – 東京壽司「梅丘壽司之美登利」如何抵食?》《2 – 大阪隱世超平炸串》京都紅葉系列 ：《1 – 京都紅葉隧道此生必去︱貴船神社、琉璃光院︱叡山電車紅葉路線介紹》《2 – 京都天龍寺巨型紅葉樹》《3 – 京都北野天滿宮 – 紅葉之海洋》================================Email : funggarcia@gmail.comwww.facebook.com/Garcia.in.Germany 文章同時刊於以下平台，請各位多多支持呀!!!!!!!!!!!!!UBlogDC Fever TravelBlogspot遊牧爆谷Medium
