新系列【我的酒吧地圖】登場啦!!!有網友係IG見我成日飲酒，提議我不如介紹下d好既Happy Hour場啦~又的確，新工返金鐘都有大半年了，放工後的確多左係中西區一帶飲返幾杯relax下~坊間講打卡餐廳小食的文章多的是，但專講杯中物同Happy Hour的又真係少d咁一於同大家分享下，一d我珍藏或常去，大路或隱秘的特色酒吧啦~ =========================================== 《Please Don’t Tell》地點 : 中環主打酒類 : Cocktail一杯價位 : $150 – $200適宜場合 : 一人獨酌 / 老友吹水 / 情侶談心 / 溝通與被溝通Happy Hour優惠 : 無簡介 : 世界最佳酒吧紐約Please Don’t Tell全世界唯一分店 (資訊來源)=====================================開始之前，請大家Follow我Instagram啦~ Thank you!Instagram : https://www.instagram.com/fung_garcia_backpacker/ =====================================文章概要 :地點環境酒小食 1. 地點第一次去Please Don’t Tell，無人教無做過資料搜集的話，真係無咩可能去到~ 因為Please Don’t Tell係一間「Bar中Bar」，而且進入既方法非常特別!首先要從由Landmark皇后大道中入口旁進入MO Bar，穿過酒吧座位再上樓梯，便會見到一道電話亭門，開門囉起聽筒，輸入電#01，酒吧大門便會隨即而開~ 十足007咁非常有趣~聽聞以前更加神秘，係要落返MO Bar細細聲問Bartender先知password!唔知係Bartender怕煩定唔想d客行嚟行去阻住哂啦，不過真心覺得以前好玩d~ (photo from “https://www.worldsbestbars.com/bar/hong-kong/central/pdt-hong-kong-please-dont-tell/“) Photo from openrice user “Iamphoebe15” (暴露年齡 —- 講起電話亭，第一時間諗起call戰神號~) 2. 環境開門後，會發現Please don’t tell原來係一間閣樓式的小酒吧~全場座位不過20-30左右，counter後放著兩大列閃閃發光的威士忌~四周燈光微昏，音樂輕柔，一睇就知係 溝女聖地 輕飲傾心事既好地方~ (官網圖片)點擊圖片放大 至於座位最好當然係Bar枱啦~睇住專業調酒師係妳面前表演簡直係一種享受~加上間Bar人少少，變相妳易左同小鮮肉Bartender傾偈溝通，有咩特別要求(I mean杯酒)都可以隨便提出~ 3. 酒坐低後Bartender首先會送上free welcome drink ”Virgin Island” 幫妳醒一醒味蕾先~係一杯用鮮榨完果汁剩餘果皮所造的無酒精環保飲料 (!?咩term嚟??)雖然佢地原意只係唔想浪費，但痴線呢杯野超好飲law! 要我比錢買都制呀! 開胃酒Virgin Island 入正題啦~佢地個cocktail 選擇唔算極多，但大部份都非常有特色，且非常好飲中伏率係0%!我未有米到試哂佢成個cocktail list，所以只講我飲過ge~ Drink Menu : 呢度~Wine and Food Menu : 呢度~ Please Don’t Tell押上自己店名的酒多數有返咁上下~甜度與酒味完美融合，仲有粒小蜜蠟比你多一重口感，或溶水後補充味道~ Please Don’t Tell Benton’S Old Fashioned由紐約店傳過嚟既原創cocktail (Bartender話)，用煙肉油整成的whisky cocktail有煙肉香，怪、勁、濃!好味! 但女士飲唔慣硬野既要小心! Benton’S Old Fashioned Espresso Martini澄清透明但滿滿咖啡味，小餅乾令杯酒更添趣味~ Espresso Martini The New Granit「An aromatic cocktail with bitter-sweetness balanced with touches ‑oral notes, to revive the classic Bamboo, which gained popularity by Louis Eppinger at The New Grand Hotel in Yokohama Japan.」我懶到直接copy and paste官網個menu~咁呢杯我只係飲左一兩啖鬼記得咩……記憶中個酒味勁得嚟好香，同行「硬野」愛好者美女超級滿意~ The New Granit4. 小食Takoyaki Tots $148每次我都會叫呢個Takoyaki Tots~Tots二三十年前KFC有賣過，果陣叫「薯寶」，簡單講就係粒狀既M記薯餅Please don’t tell呢度係加上日式照燒汁、蛋黃醬、蔥和鰹魚片，正正就係章魚小丸子口味~超大一盤，慢慢食慢慢吹水，連凍左都脆卜卜，炸得靚~ 章魚小太子味薯寶Takoyaki Tots 另外熱狗都3此處名物~聽聞係由文華東方酒店的米芝蓮二星大廚主理~不過我幾次都無機會食到，網友們如果試完正既記得話我知ar~ (官網圖片) 如果要夾硬要數缺點的話，就係間Bar實在太細!一來好易無位，二來講野太大聲會嘈親人or比人聽到妳講乜，同埋價錢真係偏貴不過一流氣氛，頂級cocktail，完美服務，仲係五星級酒店酒吧，咁既價格對得住有餘啦~ 難得出場 — 唔係女友係Best friend既美女死黨(成篇文無人樣好似有d寡，唯有出賣佢啦~) 另外，請原諒小弟文字功力有限，再加上無飲完即時mark底，表達唔出上面呢幾杯雞尾酒既味道但我可以話每一杯都非常好飲! 有層次得嚟又非常和諧舒服!話哂都係全球最佳酒吧紐約Please Don’t Tell既唯一分店，真係點都有返咁上下~以前出街飲野我死都唔叫cocktail，因為十之八九都係伏，Sex on the beach只會講句beach，Nothing真係飲左Nothing ga!而因為PDT，我竟然開始接受返雞尾酒~ 而家仲多左去發掘cocktail bar tim!好啦~ 下回再同大家介紹另一間Cocktail bar~ =======================================《Please Don’t Tell》地址: 皇后大道中15號置地文華東方酒店大堂營業時間: 17:00-00:00/02:00電話: 2132 0110https://www.mandarinoriental.com.hk/hong-kong/the-landmark/fine-dining/bars/pdthttps://www.openrice.com/zh/hongkong/r-please-dont-tell-%E4%B8%AD%E7%92%B0-%E8%A5%BF%E5%BC%8F-r561758=======================================請大家Follow我Instagram啦~Instagram : https://www.instagram.com/fung_garcia_backpacker/ ===================================== 我既Youtube Channel已經開通啦!!!!快d Click入 「鋒加西亞 / 旅人瘋語」Subscribe 睇片再比個Like禁個鐘仔啦!~ 鋒加西亞/旅人瘋語 Youtube Channel 主要影片 ：【泰國】【芭堤雅】誤入邪骨!? 芭堤雅色情行業真相!【歐洲】人有三急在歐洲怎辦? 卑鄙無恥! 歐洲免費廁所全攻略【希臘遊記】絕美海濱! 雨傘雕塑! 寫意的希臘「塞薩洛尼基」一日漫遊!【希臘】型爆海盜船酒吧扮魔盜王！超值60蚊一杯包遊船河！？ 白濱系列 :【和歌山】【白浜】白浜七大溫泉評價! 熱到烚腸仔? hea到似街市? 浸哪個好一一盡錄!【和歌山】【白浜】超高性價比溫泉酒店介紹!(上集) 最平最型，兩層複式+望海露天風呂，竟然港幣千零蚊!?【白浜】【和歌山】超高性價比溫泉酒店介紹!(下集) 「白浜館」好味到難以置信的一泊二食︱房內優雅露天溫泉+市中心對正沙灘，勁抵住! 旅行故事系列 :【台北】誤闖台灣三溫暖，內裡竟然係......嚇死人咩！【格魯吉亞】最慘的4小時! 格魯吉亞地獄小巴之旅!【波蘭】在納粹集中營，我竟聽到了......一世難忘的恐怖回憶!【台灣】我在台北拾屍的經驗︱美女強吻? 艷福無邊? 浪漫奇遇? (新片呀!!!!!!!!!)=================================相關篇章 :香港郊遊系列１小時內攪掂 ：《005 - 沙田行去慈雲山，原來超級簡單》《006 - 大埔三門仔，零難度的全海景輕遠足》《009 - 粉嶺鹿頸至谷埔︱夕陽下的隱世蘆葦田》《011 - 大美督家樂徑︱4大隱世絕美風景》《013 - 長洲小長城︱驚喜十足的奇岩怪石小徑》《014 - 紅香爐峰10分鐘極速攻頂︱維港日落全景最佳選擇》《015 - 西貢泥涌︱大海、夕陽與天空之鏡》《016 - 長洲行山︱北晀亭輕鬆看長洲全景》 ２至３小時行完：《003 - 香港仔自然教育徑》《007 - 西貢大灘郊遊徑，長者行山無問題》《008 - 飛鵝山芒草之行》《010 - 青衣自然徑︱馬灣海峽+青馬大橋無敵日落美景》《017 - 深涌大草原︱無障礙郊遊︱輕鬆無壓力散步路線》《018 - 田下山︱簡易版釣魚翁路線︱意料之外的易行靚景》行完會攰：《001 - 夜登鳳凰山︱我得罪了日出之神》《004 - 赤徑與鹹田灣，宛如沙巴的美麗海灣》《012 - 上窰郊遊徑+曝罟灣堤圍︱超強打卡+輕鬆行山首選》《002 - 簡單快速+靚景，龍蝦灣郊遊徑》《019 - 西貢獨木舟初心者路線+準備大全︱羊洲白沙洲︱大鏟洲堤圍秘景打卡》發掘香港系列城市偷閒系：《1 - 香港Staycation首選，皇家太平洋酒店住後心得》《2 - 城市步行︱鯉魚門的絕美日落》《5 - 訊號山花園︱尖沙咀鬧市中的秘密綠洲》《13 - 銅鑼灣避風塘堤壩︱維港海中心看夕陽︱鬧市的避世角落》 影相打卡系 :《2.5 - 鯉魚門石礦場︱夕陽下的芒草群》《3 - 己連拿利︱港島攝影秘景，宛如荒涼未來的異世界》《6 - 石峽尾公園粉色牆壁︱網紅火熱打卡點實測》《8 - 歌連臣角炮台打卡位︱網紅不會告訴妳的兩三事》《10 - 白樓「機場核心計劃展覽中心」︱夏天影相一流地點》《11 - 孫中山紀念館︱Mirror教主MV拍攝場地，真係值得去打卡?》《15 - 青衣西草灣︱青馬大橋日落+驚喜蘆葦群》美食推薦系：《4 - 香港的希臘小店，味覺的新衝擊》《7 - 石峽尾一日遊︱美食推薦+文青打卡位懶人包》《9 - 愛文生大排檔︱性價比超高的街邊豪氣滋味》《12 - 上環紅葉餐廳︱9 蚊生蠔性價比超高!》《14 - 銅鑼灣鐵板燒小店︱日本水準的大阪燒》《16 - Cafe Deco Pizzeria︱超巨型海鮮拼盤︱流心蛋Pizza》《17 - 中環中東菜Bedu︱超高質Fine Dining》===============================Email : funggarcia@gmail.com www.facebook.com/Garcia.in.Germany 文章同時刊於以下平台，請各位多多支持呀!!!!!!!!!!!!!UBlogDC Fever TravelBlogspot遊牧爆谷Medium
