田下山，聽過既人應該唔算多，至少我話「我去田下山行山呀~」我d friend會話「去照田雞ja下話~」 好無聊的對話，但都反應到呢座山真係名不經傳 但如果我話釣魚翁就大把人知wor! 「釣魚翁! 打邊爐ga ma~」 ………夠啦d無聊說話…………. 貴為香港出名的險山之一，釣魚翁真係唔係個個人都上到去，最慘係上到落唔到呢! 但位於其下方的田下山，就正正可以欣賞到同釣魚翁同等級的優美風景，但輕鬆易行10倍! 連小朋友都攪得掂~ 岩哂我呢d又要靚風景、又要易行、又要短途既麻煩友~ 好~ 開場白太多了，開始啦! ===================================== 開始之前，請大家Follow我Instagram啦~ Thank you! Instagram : https://www.instagram.com/fung_garcia_backpacker/ ===================================== 文章概要: 地理位置+交通方法 起點 – 蝦山篤 田下山 – 上樓梯啦 真正的山頂道路 影相位1 影相位2 落山方法+離開交通 注意事項 1. 地理位置+交通方法 田下山位於清水灣半島，即係近將軍澳，屬於釣魚翁郊遊徑上其中一座山 如果由北至南行哂成條釣魚翁郊遊徑，釣魚翁會係尾二，田下山就係最後一座山了 多數行得釣魚翁郊遊徑都係想挑戰釣魚翁，行完都無半條人命，鬼得閒再上多座山咩 所以，齋行田下山既人真係少之又少~ Google Map locate果個地方係錯的，正式應該係我mark果個位 講下呢條路線先~ 我的行程由清水灣二灘開始，由蝦山篤上釣魚翁郊遊徑，再上田下山，最後落布袋澳作終點，全程約兩小時，未計影相 另外我真係要講 —— 去田下山的好多網上資料都係錯的!!!! 有d話清水灣落車位置有路直接上山，有d話係五塊田落車一行上去就係 就係混吉ar嗎，五塊田上係釣魚翁郊遊徑既起點，而田下山係近終點呀!!!!! 五塊田係釣魚翁郊遊徑起點，即圖中最右，而上田下山最快係圖中黃色的蝦山篤……. Anyway啦 根據小弟的個人中伏體驗，如果想跟足我既路線齋行田下山，起點應該清水灣二灘 唔怕暈的，可以從鑽石山巴士總站坐91巴士，頭文字D一個鐘到總站清水灣二灘 唔想未開波先扣一半血，我會選擇由將軍澳Popcorn巴士總站，坐小巴103M至上述總站 當然仲有一架16號小巴於寶琳站開會經二灘，不過架車12-30分鐘一班，唔太建議 小提示 : 由於排隊位置的設計問題，經常有乘客排錯位打埋尖都唔知的，注意 清水灣二灘巴士總站，行返出馬路轉左plz 2. 起點 – 蝦山篤 開始啦~ 首先由清水灣二灘出返大坳門路繼續前行 (即係背向海面向山轉左) 雖然有行人路，大坳門路車亦不算多，但個個司機都舒麥加上身，都係小心d好 大約行15分鐘左右就會到達正式入口「蝦山篤」，呢度亦係釣魚翁郊遊徑4個入口其中一個~ 如果大家係駕私家車，咁以上所有交通資料可以完全skip哂，直接片嚟呢度就得啦~ 不過首要係有車位比你泊~ 此處係睇哂成個清水灣的影相靚位呢~ 點擊圖片放大 +3 影埋隻雀就開波啦~ 一開始會行約5分鐘樓梯~ 超~ 區區5分鐘樓梯~ 我點會——-唔喘哂氣呢………. 第5波疫情後運動再少左，再加上戴住兩個口罩行山，點可能會唔chur wor………. 行個山je點解會變死亡行軍……. 衝鋒21真係超好睇，搵呢張圖時唔小心睇左1粒鐘漫畫…… 5分鐘後見到下圖呢個分叉路，代表你已經接上釣魚翁郊遊徑了~ 轉左前行，穿過林蔭小路，睇埋個更清晰既清水灣靚景後，就可以慢慢向下落多一小段路，非常輕鬆~ 點擊圖片放大 +2 3. 田下山 – 上樓梯啦 輕鬆既時間過得特別快，話咁快嚟到田下山既正式上山位置了~ Wa好多樓梯呀~~~~~~~~~~ 行山係咁ga la~ 比架纜車你好唔好~ 其實唔算辛苦呀，此處石級又闊又矮，仲間中有平路抖抖，比起龍蝦灣郊遊徑直上直落硬爆幾百級樓梯，呢度真係舒服得多了~ ++++++++++++++++++++++++++++++++++++++++ 小弟YouTube Channel~ 快d subscribe啦! ++++++++++++++++++++++++++++++++++++++++ 仲可以睇住釣魚翁山頂睇行tim~ 呢邊係清水灣工業區果邊，唔太sure做緊咩大工程~ 樓梯係多，但都算幾易行~ 4. 真正的山頂道路 大約行半小時就會變成一大片平路~ 如果按照正常的釣魚翁郊遊徑路線，繼續前行就會開始落山去布袋澳，咁就完ga啦~ 唔係掛????? hea到咁?? 所謂靚景就係頭先果d?? 咁都唔係je~ 如果要上田下山山頂睇今次行山的主菜，就必須偏離大路，沿前人mark左絲帶的小路上去~ 紅絲帶不難發現 只要係上述的「一大片平路」一直前行，好易就會見到右手邊有上圖的絲帶小路 我當時都心大心細「喂係唔係呢條路ga??」但先前方有對情侶已經沿此路衝緊上頂，應該無死ge~ 上啦~ 「喂等等先!」 突然有個大叔標出嚟刀下留人，咩事???? 「你想上去ar ma，呢條路好斜好多碎石好危險ga，唔好亂嚟ar!」 睇真d，果對男女又好似行得好慢好辛苦咁wor 好彩有大叔提提ja~ 根據地勢，前方山坡無咁高，由果邊上可能會易d~ 於是沿大路繼續前行，不數分鐘，真係比我見到另一條mark左絲帶的小路! 繼續前行—— 會發現第二條紅絲帶路! 真係比我胡亂估中~ 呢條路真係上山頂的~ 係迂迴少少，而且頗為狹窄，但碎石唔算勁多，只要唔係著平底鞋，有正常郁動人士要上應該都無咩問題~ 5. 影相位1 沿小路上到山脊會分左右，右方會繼續上田下山頂，左方則少上幾步至一大石高處，而我認為呢度係此行程最無敵既影相靚位! 到山腰十字路位，右望就係呢個田下山頂，但我地去左邊先~ 就係呢個十字位~ 上左呢個影相位1先啦~ 眼前廣闊開揚，前方望哂東龍島及果洲群島，後方則有將軍澳鯉魚門全景，唔止成個香港東南方海域一覽無遺毫無阻擋，直情360度任何角度都有美景入目! 功利d計算，行果粒幾鐘就有呢個質素的美景，性價比超勁高啦!! 清水灣鄉村俱樂部 東龍島全景~正! 呢個海灣好似叫佛堂門 將軍澳工業邨~ 遠處望埋鯉魚門tim! 呢張全景清楚d~ 6. 影相位2 係舊石影到唔想走，到有人行近先醒起仲未上田下山頂! 咁都要讓返個位比人影相ge~ 呢條上山路都唔難行，跟住絲帶就無錯ga la~ 終於上到嚟山頂啦! 個人覺得呢個山頂個人覺得無之前舊石個位咁正，可能同田下山頂較平坦唔係尖起所致，少左岩岩「影相位1」果種居高臨下的氣勢feel~ 望返頭先上山時的view，釣魚翁聽聞多人到要排隊上山呀! 從後方影返剛剛的影相位1~ 清水灣半島南全景~ 呢個view其實同釣魚灣望的差不多 不過~ 呢邊有亂石群做佈景代表~ 一樣非常唔錯ga! 就下位，扮下野，似乎可以影到d扮哂係懸崖好危險既相wor~ (但其實都有少少危的…..) 點擊圖片放大 我最鍾意就係山上睇埋咸蛋黃ga la~ 呢度咁開揚當然無問題啦~ 但呢邊向西，想睇太陽與海ge，唔該朝早嚟晨運ar plz~ 以我放假無12點唔起身計，睇嚟唔到退休都睇唔到了…… 點擊圖片放大 +2 7. 落山方法+離開交通 由山頂可從頭先上山既原路落去，唔算好冼腳(至少無紅香爐峰咁過份)，小心d就無問題~ 接返釣魚翁郊遊徑平路繼續前行，非常輕鬆無難度~ +++++++++++++++++++++++ 相關篇章 : 《【香港郊遊14】紅香爐峰10分鐘極速攻頂︱維港日落全景最佳選擇》 +++++++++++++++++++++++ 點擊圖片放大 望到清水灣golf club及布袋澳後就開始落樓梯了~ 意想不到的係下山時間比想像中耐，梯級較高較斜，印象中都落左近半小時 我落到山後腳都有d震，真係少運動呢………. 點擊圖片放大 布袋澳~ 但停緊晚市，無海鮮食 落返大坳門路左轉行幾步就會見到位於分歧路的16號小巴站~ 但正如上文所說，16號成廿分鐘一班起跳，如果你好似我咁見到前面起碼有6 pair人等緊車，勸妳見到的士就跳上去啦! 無錢ge，車返去清水灣二灣巴士小巴總站都得 但我當時連的士都無，所以選擇另一個最唔想的離開方法，就係繼續行落去布袋澳16號小巴總站等車 無錯，都係行多10零分鐘落斜g ma，但度氣一洩左就唔想郁ga啦嗎~ 果個moment，如果碌落山係唔會死人既我一定碌! 幸運的是，比我上到最後一個座位 晚上7時正，小巴沿我剛走過的路疾速前行，我望住岩岩果6 pair人，佢地果個年初四的樣 ——- 唉，真係令我非常內疚ga je 布袋澳16號小巴總站 好啦~ 田下山遊記就係咁多先~ 田下山上所望既view其實同釣魚翁的差不太多，但登山難度低得多，所需時間亦少得多! 只能講性價比真係超高呀!!! 每次最後既 — 8. 注意事項 田下山頂的亂石雖然好岩打卡，但亦有一定危險性，千萬唔好大意 成段路無任何垃圾桶及洗手間位，出發前可以係清水灣清腸胃，垃圾都要自己帶走ar~ 兩個影相位的空間都非常有限，望各位有返咁上下公德心，有人等候就快d影完閃人，唔好死霸住唔走呢 落山的樓梯多且高，無充分裝備下，唔好等到太陽落哂入黑先走呀 ======================================= ==================================== 請大家Follow我Instagram啦~ Instagram : https://www.instagram.com/fung_garcia_backpacker/ ===================================== 我既Youtube Channel已經開通啦!!!! 快d Click入 「鋒加西亞 / 旅人瘋語」Subscribe 睇片再比個Like禁個鐘仔啦!~ 鋒加西亞/旅人瘋語 Youtube Channel 主要影片 ： 【泰國】【芭堤雅】誤入邪骨!? 芭堤雅色情行業真相! 【歐洲】人有三急在歐洲怎辦? 卑鄙無恥! 歐洲免費廁所全攻略 【希臘遊記】絕美海濱! 雨傘雕塑! 寫意的希臘「塞薩洛尼基」一日漫遊! 【希臘】型爆海盜船酒吧扮魔盜王！超值60蚊一杯包遊船河！？ 白濱系列 : 【和歌山】【白浜】白浜七大溫泉評價! 熱到烚腸仔? hea到似街市? 浸哪個好一一盡錄! 【和歌山】【白浜】超高性價比溫泉酒店介紹!(上集) 最平最型，兩層複式+望海露天風呂，竟然港幣千零蚊!? 【白浜】【和歌山】超高性價比溫泉酒店介紹!(下集) 「白浜館」好味到難以置信的一泊二食︱房內優雅露天溫泉+市中心對正沙灘，勁抵住! 旅行故事系列 : 【台北】誤闖台灣三溫暖，內裡竟然係……嚇死人咩！ 【格魯吉亞】最慘的4小時! 格魯吉亞地獄小巴之旅! 【波蘭】在納粹集中營，我竟聽到了……一世難忘的恐怖回憶! ================================= 相關篇章 : 香港郊遊系列 １小時內攪掂 ： 《005 – 沙田行去慈雲山，原來超級簡單》 《006 – 大埔三門仔，零難度的全海景輕遠足》 《009 – 粉嶺鹿頸至谷埔︱夕陽下的隱世蘆葦田》 《011 – 大美督家樂徑︱4大隱世絕美風景》 《013 – 長洲小長城︱驚喜十足的奇岩怪石小徑》 《014 – 紅香爐峰10分鐘極速攻頂︱維港日落全景最佳選擇》 《015 – 西貢泥涌︱大海、夕陽與天空之鏡》 《016 – 長洲行山︱北晀亭輕鬆看長洲全景》 ２至３小時行完： 《003 – 香港仔自然教育徑》 《007 – 西貢大灘郊遊徑，長者行山無問題》 《008 – 飛鵝山芒草之行》 《010 – 青衣自然徑︱馬灣海峽+青馬大橋無敵日落美景》 《017 – 深涌大草原︱無障礙郊遊︱輕鬆無壓力散步路線》 行完會攰： 《001 – 夜登鳳凰山︱我得罪了日出之神》 《004 – 赤徑與鹹田灣，宛如沙巴的美麗海灣》 《012 – 上窰郊遊徑+曝罟灣堤圍︱超強打卡+輕鬆行山首選》 《002 – 簡單快速+靚景，龍蝦灣郊遊徑》 發掘香港系列 城市偷閒系： 《1 – 香港Staycation首選，皇家太平洋酒店住後心得》 《2 – 城市步行︱鯉魚門的絕美日落》 《5 – 訊號山花園︱尖沙咀鬧市中的秘密綠洲》 《13 – 銅鑼灣避風塘堤壩︱維港海中心看夕陽︱鬧市的避世角落》 影相打卡系 : 《2.5 – 鯉魚門石礦場︱夕陽下的芒草群》 《3 – 己連拿利︱港島攝影秘景，宛如荒涼未來的異世界》 《6 – 石峽尾公園粉色牆壁︱網紅火熱打卡點實測》 《8 – 歌連臣角炮台打卡位︱網紅不會告訴妳的兩三事》 《10 – 白樓「機場核心計劃展覽中心」︱夏天影相一流地點》 《11 – 孫中山紀念館︱Mirror教主MV拍攝場地，真係值得去打卡?》 《15 – 青衣西草灣︱青馬大橋日落+驚喜蘆葦群》 美食推薦系： 《4 – 香港的希臘小店，味覺的新衝擊》 《7 – 石峽尾一日遊︱美食推薦+文青打卡位懶人包》 《9 – 愛文生大排檔︱性價比超高的街邊豪氣滋味》 《12 – 上環紅葉餐廳︱9 蚊生蠔性價比超高!》 《14 – 銅鑼灣鐵板燒小店︱日本水準的大阪燒》 =============================== Email : funggarcia@gmail.com www.facebook.com/Garcia.in.Germany https://mewe.com/p/fung_garcia_backpacker 文章同時刊於以下平台，請各位多多支持呀!!!!!!!!!!!!! UBlog DC Fever Travel Blogspot 遊牧爆谷 Medium
