今次我去左另一個近市區得嚟又唔近市區 (我講緊乜Q??) 既影相靚景點----- 青衣西草灣! 唔好見佢西就唔理佢，都不知幾多人去果邊拍戲，仲有勁多IG美女去果邊打卡tim! 而到訪過後先知， 西草灣不止係望青馬賞日落的好地方，仲有秋天限定蘆葦群比大家影相tim! 同小弟上年介紹的青衣自然徑又係另一種玩法! 襯今年藍天多又唔太凍，快d去追下草尾啦~ +++++++++++++++++++++++++++++++++++++++++++++++++ 相關篇章: 《青衣自然徑︱馬灣海峽+青馬大橋無敵日落美景【香港郊遊10】》 https://travelblog-fung-garcia.com/tsing-yi-nature-trails/ 《粉嶺鹿頸至谷埔︱夕陽下的隱世蘆葦田【香港郊遊9】》 https://travelblog-fung-garcia.com/fanling-lukkeng-kukpo +++++++++++++++++++++++++++++++++++++++++++++++++ 內容概要: 交通 青馬橋下蘆葦群 西草灣日落 青馬橋底 青馬大橋夜景 1. 交通 西草灣位於青衣西部油廠船廠一帶，偏僻到無人有，一般入去都係車人士的專利 但原來似我呢d窮人平民，只需係葵芳地鐵站外巴士站右邊的小巴站，乘坐88M小巴到總站「聯合船塢」就得~ 車費$7.7，全程約不多於30分鐘 2. 青馬大橋下蘆葦群 落車後直行轉左穿過廣闊的停車場，在車閘前右方有條好窄好迫既陰暗小路 唔使驚，係佢ga la~ 行入去啦~ 點擊圖片放大 +3 穿出小路就會見到有一大片-------雜草呀~~~~~~ 咁係雜草ar嗎，呢片青馬大橋下的土地佈滿等腰高的枯黃雜草，本身就無咩特別~ 不過係呢個秋冬時節，竟然有某d範圍聚滿蘆葦! 點擊圖片放大 其實呢度都有少少似鯉魚門石礦場~ 不過範圍無咁大~ 不過此處的蘆葦有太陽和青馬大橋做背景~ 有另一半既，如果唔幫佢影返一百幾廿萬張相打卡放IG，跪lego 3日走唔甩啦! (當然影得唔靚都一樣) 至於我就當然維持一貫運氣，係任何人氣打卡位想搵個靚女KOL都唔見啦~ 算~ 我影草呀! +++++++++++++++++++++++++++++++++++++++++++++++++ 相關篇章: 《鯉魚門石礦場︱夕陽下的芒草群【發掘香港2.5】》 https://travelblog-fung-garcia.com/leiyuemunmiscanthus/ +++++++++++++++++++++++++++++++++++++++++++++++++ 點擊圖片放大 +2 3. 西草灣日落 由雜草場向海邊方向行就會見到西草灣了~ 聽聞正式名稱是「茜草灣」，「茜」與「西」的粵語正音完全相同 (無錯，「茜」字好多人都會讀錯做「善」)，叫叫下變埋字，成了「西草灣」，連街名同google map都變埋 不過話之佢乜西，呢個灘都真係幾------唔靚wor~ 又多石又多垃圾，旁邊是船廠油廠，亦係大型貨船的主要航道，水質絕對有返咁上下保證啦! 除非想試下變X man，否則都係搵舊石坐低飲下酒好過啦~ 點擊圖片放大 個灘唔靚je，其他地方靚咪得law~ 西草灣係香港最近青馬大橋的海灘，近到你伸手就可以掂到~ 如果你係路飛的話~ 係正旁邊g ma~ 加上此地向西，係影青馬大橋一落既超一流地方! 點擊圖片放大 +2 4. 青馬橋底 如果大家google下，會見到某d相係直接影到青馬橋底非常正! 但事實係要去大橋底的路有指示寫明「青馬管制區 擅自闖入 即屬違法」 我呢個Blog絕對唔會叫大家做d犯法事ge~ 如果大家真係要行入去釣魚呀影相呀跳海呀的話………….. 我咩都唔知ar~ 5. 青馬大橋夜景 一場嚟到，當然要等到日落哂先走啦~ 入夜的青馬大橋開燈後，又係另一番迷人景致~ 點擊圖片放大 +3 (終於識少少用腳架影夜景了! 好感動呀!) 西草灣就係咁簡單~ 唔使行唔會攰，卻是一個遠離煩囂，比人靜靜地坐下hea下欣賞美景的好地方~ 最後的注意事項: 西草灣都算有d垃圾，請大家到訪時唔好再增加了，自己帶返走啦! 回程車都只有88M，夜mama又荒涼又無車站牌又唔知等幾耐係有d驚驚的，不過放心啦尾班車係23:00，放心等啦~ 雖然蘆葦唔係咩貴重野，但保護大自然，唔好拔走佢啦plz! ==================================== 請大家Follow我Instagram啦~ Instagram : https://www.instagram.com/fung_garcia_backpacker/ ===================================== 我既Youtube Channel已經開通啦!!!! 快d Click入 「鋒加西亞 / 旅人瘋語」Subscribe 睇片再比個Like禁個鐘仔啦!~ 鋒加西亞/旅人瘋語 Youtube Channel 主要影片 ： 【泰國】【芭堤雅】誤入邪骨!? 芭堤雅色情行業真相! 【歐洲】人有三急在歐洲怎辦? 卑鄙無恥! 歐洲免費廁所全攻略 【希臘遊記】絕美海濱! 雨傘雕塑! 寫意的希臘「塞薩洛尼基」一日漫遊! 【希臘】型爆海盜船酒吧扮魔盜王！超值60蚊一杯包遊船河！？ 白濱系列 : 【和歌山】【白浜】白浜七大溫泉評價! 熱到烚腸仔? hea到似街市? 浸哪個好一一盡錄! 【和歌山】【白浜】超高性價比溫泉酒店介紹!(上集) 最平最型，兩層複式+望海露天風呂，竟然港幣千零蚊!? 【白浜】【和歌山】超高性價比溫泉酒店介紹!(下集) 「白浜館」好味到難以置信的一泊二食︱房內優雅露天溫泉+市中心對正沙灘，勁抵住! 旅行故事系列 : 【台北】誤闖台灣三溫暖，內裡竟然係......嚇死人咩！ 【格魯吉亞】最慘的4小時! 格魯吉亞地獄小巴之旅! 【波蘭】在納粹集中營，我竟聽到了......一世難忘的恐怖回憶! ================================= 相關篇章 : 香港郊遊系列 １小時內攪掂 ： 《005 - 沙田行去慈雲山，原來超級簡單》 《006 - 大埔三門仔，零難度的全海景輕遠足》 《009 - 粉嶺鹿頸至谷埔︱夕陽下的隱世蘆葦田》 《011 - 大美督家樂徑︱4大隱世絕美風景》 《013 - 長洲小長城︱驚喜十足的奇岩怪石小徑》 《014 - 紅香爐峰10分鐘極速攻頂︱維港日落全景最佳選擇》 《015 - 西貢泥涌︱大海、夕陽與天空之鏡》 《016 - 長洲行山︱北晀亭輕鬆看長洲全景》 ２至３小時行完： 《003 - 香港仔自然教育徑》 《007 - 西貢大灘郊遊徑，長者行山無問題》 《008 - 飛鵝山芒草之行》 《010 - 青衣自然徑︱馬灣海峽+青馬大橋無敵日落美景》 行完會攰： 《001 - 夜登鳳凰山︱我得罪了日出之神》 《004 - 赤徑與鹹田灣，宛如沙巴的美麗海灣》 《012 - 上窰郊遊徑+曝罟灣堤圍︱超強打卡+輕鬆行山首選》 《002 - 簡單快速+靚景，龍蝦灣郊遊徑》 發掘香港系列 城市偷閒系： 《1 - 香港Staycation首選，皇家太平洋酒店住後心得》 《2 - 城市步行︱鯉魚門的絕美日落》 《5 - 訊號山花園︱尖沙咀鬧市中的秘密綠洲》 《13 - 銅鑼灣避風塘堤壩︱維港海中心看夕陽︱鬧市的避世角落》 影相打卡系 : 《2.5 - 鯉魚門石礦場︱夕陽下的芒草群》 《3 - 己連拿利︱港島攝影秘景，宛如荒涼未來的異世界》 《6 - 石峽尾公園粉色牆壁︱網紅火熱打卡點實測》 《8 - 歌連臣角炮台打卡位︱網紅不會告訴妳的兩三事》 《10 - 白樓「機場核心計劃展覽中心」︱夏天影相一流地點》 《11 - 孫中山紀念館︱Mirror教主MV拍攝場地，真係值得去打卡?》 美食推薦系： 《4 - 香港的希臘小店，味覺的新衝擊》 《7 - 石峽尾一日遊︱美食推薦+文青打卡位懶人包》 《9 - 愛文生大排檔︱性價比超高的街邊豪氣滋味》 《12 - 上環紅葉餐廳︱9 蚊生蠔性價比超高!》 《14 - 銅鑼灣鐵板燒小店︱日本水準的大阪燒》 =============================== Email : funggarcia@gmail.com www.facebook.com/Garcia.in.Germany https://mewe.com/p/fung_garcia_backpacker 文章同時刊於以下平台，請各位多多支持呀!!!!!!!!!!!!! UBlog DC Fever Travel Blogspot 遊牧爆谷 Medium
