上回講到我終於完成11日唔長唔短的保加利亞、北馬其頓及希臘三國之旅由希臘Thessaloniki Airport Makedonia機場乘坐卡塔爾航空Qatar返香港，中途再次來到多哈轉機點擊圖片放大 和起程時不同既係，今次我將在多哈stay近15小時~係無錯~ 上次我係有介紹過多哈機場多野睇多野玩又有地方訓，但十幾粒鐘係機場困獸鬥都唔係路ga，你話長期有Catherine Zeta Jones係度陪我玩機場客運站就話開心je所以我同大部份有相同遭遇(超長轉機時間)的旅客一樣，會選擇參加卡塔爾航空著名的Free City Tour有趣的是網上講有呢個安排的朋友好多，但介紹tour內容的卻近乎沒有所以我都忍唔住要打兩隻字 --------- 究竟幫你消磨時間的卡塔爾航空多哈FREE CITY TOUR，值唔值得你花費時間參加呢?文章概要 :多哈伊斯蘭藝術博物館Shopping Mall都係Shopping Mall瓦吉夫市集Souq Waqif Westin Hotel +++++++++++++++++++++++++多哈Free City Tour官網https://www.qatarairways.com/zh-hk/offers/doha-city-tour.html+++++++++++++++++++++++++ 延伸閱讀 :《漫遊保加利亞 - 出發前資訊總匯集》https://garcia-in-germany.blogspot.com/2019/09/blog-post.html +++++++++++++++++++++++++ 好啦我由頭講起啦~想參加free city tour，首要資格係轉機時間要多過5小時，即係機票上寫明donation time 4小時59分都唔該byebye~唔係歧視你得太少時間可以浪費，而係個tour前後出入境+通勤時間非常長其實諗深d就會明白 ---------個tour guide 要帶成村人過關離境，4-50人中總會有d護照問題or個樣太衰比海關捉住，我記得只係呢part都用左45分鐘仲有點名呀……..解說呀………..起碼粒幾鐘先出到去機場外上旅遊巴回程時再嚟多轉，仲要怕呀貴客你趕唔切送機尾，到時唔使用潔而亮個人都省到「立立零」!所以5個鐘，少tim啦! 好啦花左成粒鐘，終於出到機場上旅遊巴了!雖然係大巴但座位有d迫，大概係大學校巴既level，不過隔離坐個大隻鬼佬我唔expect係伊朗果種伸直隻腳都得，但都唔好咁迫ar……….每人送支水係唯一貼心之處~ +++++++++++++++++++++++++ 延伸閱讀 :《伊朗獨行1st - 初階入門資料篇+Day1@德黑蘭》https://garcia-in-germany.blogspot.com/2017/05/1st-day1.html +++++++++++++++++++++++++ 點擊圖片放大 1. 多哈伊斯蘭藝術博物館開車啦~第一站我地來到多哈伊斯蘭藝術博物館 ------ 外面~梗係啦當時已經係晚上9點幾，鬼得閒等登開門比你班友仔咩~咁無所謂~ 呢座由華裔國際建築大師貝聿銘設計的外型非常精緻美觀~而呢處亦可遠望對岸的多哈城市夜景~有少少維港feel wor~ 唔錯!而此處停留時間約15-20分鐘 點擊圖片放大 2. 疑似Shopping Mall之後來到一個唔記得叫咩名的地方，感覺係一個現代化的shopping mall夜mama無野行，但唔少建築物都充滿中東特色，有d位影相都ok如果係第一次嚟中東應該都會有興趣不過我唔係，所以只有行利東街既感覺此處停留時間約30分鐘 點擊圖片放大 +3 3. 真係Shopping Mall第三站來到一個正式的shopping mallWei大佬呀，呢種以宣傳城市為目的既半官方free tour唔好都玩購物行程啦!妳話民間手作都算，名牌服裝香水手袋點解要係呢個物價貴到hihi既地方買ar…………唯一可以望下只有一個充滿遊艇主義既海邊，明顯d有錢佬係坐遊艇嚟shopping…………..呢個K11 Musea咁既地方仲要我stay半個鐘，我直情覺得浪費緊我生命呀! 點擊圖片放大 +3 4.瓦吉夫市集Souq Waqif 最後一站嚟到傳統市集Souq Waqif (瓦吉夫市集)，終於叫做有d野睇下了!因為同大部份中東國家一樣，市集滿滿都是當地產品，名牌服裝香水手裝樣樣齊~…………………………………………………….Wei咁咪同上面個遊艇主義一樣?唔同~ 呢d話哂都係民間工藝嗎而且呢處雖然較遊客向，但的確有大量本地居民來此消遣，不論街邊小食檔定fine dinning餐廳都應有盡有可以話係短時間內認識卡塔爾的好地方!唉一早帶我地嚟呢處咪好law! 點擊圖片放大 +11 如果係普通情況，係度stay約1小時就要回程返機場了不過我因為有轉機免費酒店優惠，一早就同領隊講左我係唔返機場的，所以係老巴剎呢個last stop我可以hea幾耐都得~但係我遇上了一個意想不到的問題，而呢個問題我相信大家都有機會碰到的…………就係無卡塔爾幣ar!!!!!!!!!!!!!!!!!!!!!!!!!!!!!!!一時大意唔記得係機場唱定，身上得保加利亞列弗同美元，買唔到野都算啦，點食飯ar???傻豬嚟ge~ 遊客區一定有找換店ga嗎~但我唔記得當時係夜晚10點幾收哂工g嗎~導遊話有ATM，但我搵極都搵唔到係邊，何況海外提款個手續費超高呀!咁簽卡law~收先得ga，我望住間排哂隊勁受歡迎既燒烤店都因為唔收卡唔入得去呀……諗住精緻d既餐廳ok la掛~但個價格係精緻到港幣$350一個普通main dish………….我其實只係想食$35一個kebab ga ja……….. 終於無辦法，餓住行哂成個市集，再好不容易搵到架肯收美金既的士去酒店可惜酒店亦因為太夜唱唔到錢，附近唯一的食肆KFC亦唔收卡最終，攪左幾粒鐘，我既晚餐就係凌晨2點的Room Service公司三文治，盛惠港幣$170……….. 點擊圖片放大 +2 5. Westin Hotel (私人行程)我知大家好有興趣呢個係咩酒店優惠ga啦~事緣2018-2019年卡塔爾航空為促進過境旅客消費，於是轉機超過15小時就可以享有免費酒店住宿一晚，同我上次坐Air Astana係哈薩克阿拉木圖轉機相似更過份的係我係阿拉木圖係「1美元住4星Holiday Inn」，而今次竟然係「免費揀5星級大酒店」，我住左Westin呀!!!!!大鄉里表示咁大個仔未住過咁大間酒店呀!!!!!有個超大法式浴缸邊浸邊睇nba不知幾爽~ +++++++++++++++++++++++++ 延伸閱讀 :《過境哈薩克 - 阿拉木圖一日漫步》https://garcia-in-germany.blogspot.com/2019/05/blog-post.html +++++++++++++++++++++++++ 點擊圖片放大 +2 不過此優惠到2019年中已經cancelled，而家2020咁既形勢更加唔使講啦………… 都唔知幾時先有得去返旅行…….所以，純粹記事，大家「哦」左佢well noted算啦第二朝一早去機場坐飛機返香港，就正正式式完結我total 12日的巴爾幹再臨之旅了 點擊圖片放大 +4 Wa!!!!!!!!!!! 終於寫完呢個系列既遊記啦!!!!!!!!痴線個旅程係2018年12月尾ga!!!! 就嚟兩年啦!!!!!!!好多時一個終結就係另一個開始，但呢篇文章落筆之際，全球新冠疫情仍未有任何減退跡象，我地呢d旅行人真係唔知幾時先有得再出發了再加上Facebook的頹廢，IG分享文章不便，望住瀏覽量由以前閒閒地4-500到而家2-30，文字Blog呢樣野係拍片為主的新世代真係唔知仲可以存在幾耐，甚至開始有d絕望了不過，我仍然想盡自己最大的努力去維持呢個旅遊Blog，始終寫開有感情，我知道仍然有朋友想睇的係可以再飛之前，我會寫返d歐洲旅遊散文、日本美食、香港郊遊與隱秘為主同時會多d拍片放Youtube，大家記得subscribe我個channel 「鋒加西亞 / 旅人鋒語」呀!如果有d咩內容想我講下既，隨時歡迎留言或pm我ga!希望快d可以飛返寫新系列長篇遊記比大家啦!請繼續多多支持呀!!!!!!! ====================================IG果邊間中會有d和Blog及fb page不一樣的相片和story，大家有興趣既去follow下支持下啦~INSTAGRAM : https://www.instagram.com/fung_garcia_backpacker==============================相關篇章 :《【希臘快閃1】 塞薩洛尼基Thessaloniki一天漫遊》《【希臘快閃2】登上加勒比海盜船酒吧! 出海啦!》《【希臘快閃3】塞薩洛尼基Thessaloniki美食巡禮》《【希臘快閃4】希臘都有靚溫泉?》================================我既Youtube Channel正式開通啦!!!!快d Click入 「鋒加西亞 / 旅人瘋語」Subscribe 睇片再禁個like啦!~岩岩開始，完全未有人睇呀~ =================================Email : funggarcia@gmail.comwww.facebook.com/Garcia.in.Germanyhttps://mewe.com/p/fung_garcia_backpacker 文章同時刊於以下平台，請各位多多支持呀!!!!!!!!!!!!!UBlogDC Fever TravelBlogspot 遊牧爆谷Medium
