我錯了!!!!!!!!!!!!!!!!!! 上次介紹的城市步行，由觀塘行至鯉魚門，我竟然唔知道條路線仲可以有後續! 上網睇返，先知道天后廟不是終站而是中途站! 前方仲有著名的鯉魚門石礦場!!! 更係香港其中一個著名的芒草欣賞地點~ 想起上回的維港日落美景，如果再加埋金黃色的芒草，諗起都覺美不勝收! 秋意漸濃，就一於繼續上次的旅程，再到鯉魚門尋找夕陽下的芒草群啦~ +++++++++++++++++++++++++++++++++++++++++++++ 延伸閱讀 : 《城市步行︱鯉魚門的絕美日落【發掘香港2】》 https://garcia-in-germany.blogspot.com/2020/10/LeiYueMunsunset.html +++++++++++++++++++++++++++++++++++++++++++++ 行程概要 : 油塘站至鯉魚門天后廟 天后廟至鯉魚門石礦場 油塘站至鯉魚門天后廟 既然今次行程重點不在步行，純志在睇草影相，所以交通一切從簡~ 坐地鐵去到油塘站穿過「大本營」落茶果嶺道就可以了~ 平時無咩幾可嚟油塘站，一上電梯就見到呢個海景~ Wa~~~~~~~~~~~~~~~~~~ 睇落好熱呀~~~~~~~~~~~~~~~ 沿茶果嶺道行約10分鐘，又見到你啦鯉魚門避風塘~ 同上次一樣，先穿過海鮮村到達燈塔~ 上回都有講呢個小沙灘係最佳的觀賞日落位置，今日我到達時仍然鋤禾日當午既感覺~ 純粹紀念就影返張啦~ (再次來到，都覺得其實真係好靚) 再向前行到達天后廟~ 天后廟至鯉魚門石礦場 開頭我以為前行路線係廟前大石旁的山路，原來步入天后廟內就會發現左方一條大路可繼續向前走! 真係唔入門都唔知仲有路! 有時諗人生都係咁 ------------ 遠睇以為是絕路放棄，只要繼續向前切身體驗，就會發現原來柳暗花明又一村，明暗花柳二奶村 面前，會是一片全新的天地 點擊圖片放大 +3 沿村內指示行約5分鐘，眼前風光一變 沙、海、石屋、垃圾，帶點6-70年代的沙灘郊遊feel~ 即係粵語殘片阿四哥帶蕭芳芳去撲蝶果d呢 沿路前行上小山坡，眼前已經係一片---------------雜草law………. 說好的一大片芒草呢???????? 睇嚟天氣仍然未夠涼，又或突然熱返令d芒草死哂 總之鯉魚門石礦場的芒草稀疏過大番薯d頭髮，同上星期的飛鵝山更係無得比 點擊圖片放大 不過，話哂石礦場都係一個著名的影相地點~ 而且枯萎雜草都係草，如有陽光與晴空加持，唔會差得去邊ge~ 當然啦首先要搵到一個避開人群的位置~ 全部都係人全部都係人全部都係人全部都係人全部都係人全部都係人全部都係人全部都係人全部都係人全部都係人全部都係人全部都係人全部都係人全部都係人全部都係人全部都係人全部都係人全部都係人全部都係人全部都係人………. 點擊圖片放大 +4 (好難得搵到個位比我chok下~) 近海邊一帶會有比較多的芒草~ um~係多左ge~ Buffet得炒粉麵飯，突然出盤燒牛肉wor，大家梗係撲埋去話正啦! 池中無魚蝦最大，算係咁了，慢慢排隊等影相啦~ 點擊圖片放大 影到攰，個人推薦坐係最遠海岸邊的石上飲下野食下茶果~ 入海鮮村前同阿婆買的~ $10兩個，外層煙韌，紅豆餡唔太甜，正! (sorry咬剩半個先記得影相~) (酒是少不得的~) (呢罐野幾過癮~) 回頭過來，日落黃昏與石礦場形成的廢墟感，自有一種蒼然之美 好啦~ 雖然芒草無乜，但有如斯美景，總算不枉此行~ 點擊圖片放大 +4 (打風前的紫紅天空) 好啦短短地唔好次次千字文，今次鯉魚門續集就講到呢度~ 呢次既尋找芒草，我都唔知算唔算搵到，不過風景靚就真ge~ 就算無芒草，鯉魚門石礦場仍然係一流的開揚景點~ 我相信平日無人+天氣再涼d時，夕陽西下，一片金黃色的芒草在風中搖曳，一定會靚到無得輸je! 希望大家到時會欣賞到啦~ =========================== IG果邊間中會有D和BLOG及FB PAGE不一樣的相片和STORY，大家有興趣既去FOLLOW下支持下啦~ Instagram : https://www.instagram.com/fung_garcia_backpacker/ ===================================== 我既YOUTUBE CHANNEL正式開通啦!!!! 新影片已upload，快d Click入 「鋒加西亞 / 旅人瘋語」Subscribe 睇片再禁個like啦!~ ================================= 相關篇章 : 香港郊遊 《004 - 赤徑與鹹田灣，宛如沙巴的美麗海灣》 《005 - 沙田行去慈雲山，原來超級簡單》 《006 - 大埔三門仔，零難度的全海景輕遠足》 《007 - 西貢大灘郊遊徑，長者行山無問題》 《008 - 飛鵝山芒草之行》 發掘香港 《01 - 香港Staycation首選，皇家太平洋酒店住後心得》 《02 - 城市步行︱鯉魚門的絕美日落》 ================================ Email : funggarcia@gmail.com WWW.FACEBOOK.COM/GARCIA.IN.GERMANY 文章同時刊於以下平台，請各位多多支持呀!!!!!!!!!!!!! UBlog DC Fever Travel Blogspot 遊牧爆谷 Medium
