唔係掛!? 新系列第一篇講既竟然係香港都有既餐廳? 你唔好介紹吉野家!?唔好炳住~~~~~~~~~~~~~~~~~~大家都知道就算同樣係吉野家，係日本食同香港食都係一個姆指向上一個姆指向下呢間「梅丘之美登利」，香港店出名味道平平無奇，價格貴得出奇 ; 東京各分店卻日日排到紅隧塞車咁款!我知道唔少著名Youtuber及Blogger都有提及過日本店「好高質、好抵食、CP值超高!」，卻無咩講到「如何高質抵食高CP」，no more detail sorry~wei你讚人靚女都要具體d究竟係眼大鼻高定身材好呀師傅~所以，呢間我最近每次去東京都必食既正爆壽司，點都應該補充多兩句的~+++++++++++++++++++++++++++++++++++++講開Youtube，請大家subscribe我既Channel -------- 「鋒加西亞 / 旅人瘋語」啦please!https://www.youtube.com/channel/UCpyZIobkvIgiEGSy5OKDrmg+++++++++++++++++++++++++++++++++++++點擊圖片放大 「美登利」抵食既原因有二 : 一、個set用料上乘，又大盤又新鮮!Menu上最貴的「極上吞拿魚壽司」set，2800yen = 港幣二百有找，竟然有大拖羅、中拖羅各4件，再加魚蓉軍艦! 係黑門市場，一盒4件整定放雪櫃既大拖羅一舊飯已經係咁既價了!而我有次食佢期間限定「冬之華」set，一盤2600yen = $182，大拖、中拖、赤海蝦、海膽、白子乜都齊!每一件壽司都係新鮮到無死過一樣! 每一啖都係滋味爆炸!就算係雜錦壽司set，都只係由800 – 2000yen，lunch time會再平d tim，1 set有12件以上，除返開即係每件百零yen = $10左右! 迴轉壽司價食到大師傅板前料理 (唔係香港飯團咁大舊壽司果間)，抵到流淚啦! 「冬之華」set，2600yen = $182 最貴既set都係2800yen = $196 隨set附送的麵豉湯~二、單點壽司平到傻另一個抵食既係佢既單點壽司，大拖羅、極上海膽、鮑魚果d 最貴都只係500yen!wei成$38港紙一舊你話平?????????香港板x果d液態海膽都$50 above啦!順帶一提，普通海膽都只係350yen，抵到喊…….. 另外我唔知點解一件新鮮「生蟹腳壽司」只係賣250yen……仲係日本刺身level既大隻超勁鮮甜無雪味蟹腳! 係香港買蟹柳都唔得呀!!! 至於其他香港常見既食材 ----- 連蝦頭手板咁長的大赤海蝦200yen!康樂棋咁大粒的帆立貝200yen!!! 咁平點回本ga??? 隻蝦使唔使咁大隻.......... 醋鯖魚+灸燒吞拿魚 之不過我覺得最恐怖既，呢間店竟然會有幾款50yen壽司!唔使$4一舊係咩料子? 百佳壽司ar?好奇之下，點左飛魚籽軍艦及八爪魚吸盤軍艦飛魚籽竟然粒粒晶瑩剔透! 咬落卜卜脆!香港少見的八爪魚吸盤，咬落彈牙鮮甜，好食到爆! 根本和食高級八爪魚壽司無分別! 我係咪可以齋叫10件八爪魚吸盤軍艦500yen埋單ar???50yen一舊香港20幾蚊既質素，唔係「蔗渣價錢 燒鵝味道」，而係「爭X價錢日本味道」!唉你叫香港果d壽司店情何以堪呢……… (左起)白子壽司(普通)、飛魚子壽司(50yen)、八爪魚吸盤壽司(50yen)、食完唔記得乜壽司其實仲有好多都好抵好好食，不過唔長氣一一再講了~總之有次我地一家4口食到飽哂，連稅都只係11000yen左右!? 咩料? 板x都唔止啦! 仲要呢度用咁高質既食材，真係抵到爆!以爭x既價錢食到正宗日本壽司師傅既滋味，日日排哂長龍係有理由的! 店家贈送 ----- 清清味蕾的檸檬雪芭 東京旅行時帶屋企人嚟食，全家都非常滿意!無錯，排長龍，「梅丘之美登利」既最大缺點就係好好好好好好多人!唔好話超勁遠既總店，銀座、涉谷、池袋等分店，非食飯時間起碼都要等1粒鐘!反而赤坂店人少得多! 我去兩次都係等一兩張枱15分鐘內攪掂~ 而且赤坂店Tabelog評分都有幾高下既3.5左右~ 真係要嚟食ge，坐metro過嚟啦! 反正都係Tokyo Metro One day pass，食完過對面「日枝神社」睇千本鳥居行下消化下，呢個combo唔錯!日枝神社官網 : https://www.hiejinja.net/ 日枝神社 - 千本鳥居 ++++++++++++++++++++++++++++++++++延伸閱讀 : 《東京雜記2 - 東京千本鳥居+爆料天丼》https://garcia-in-germany.blogspot.com/2017/11/2.html++++++++++++++++++++++++++++++++++新系列第一篇暫到呢度~有別於Facebook及IG上的#環球美食吐糟區，呢個系列會詳細介紹一d小弟去過又值得推荐既餐廳，希望大家鍾意啦!如果大家有咩意見，又或有咩種類食物想我推薦既，歡迎隨時IG inbox 我or留言ga~=============================================《梅丘寿司の美登利 赤坂店》官網 : https://www.sushinomidori.co.jp/Tabelog : https://tabelog.com/tokyo/A1308/A130801/13104185/營業時間 : [週一至週六，節假日前一天] 11：00-22：00（LO 21：30）[週日/節假日] 11：00-21：00（LO 20：30）*午餐時間11：00-16：00 =====================================相關篇章 : 《【東京雜記4】日本第一炸豬扒》《【東京雜記5】那夜凌晨，我坐上了東京開往大阪的巴士》《【東京雜記6】蠔大大小店，性價比超掂》《【帶著爸爸行富士山】 - 系列》====================================IG果邊間中會有d和Blog及fb page不一樣的相片和story，大家有興趣既去follow下支持下啦~Instagram : https://www.instagram.com/fung_garcia_backpacker/ ==============================我既Youtube Channel正式開通啦!!!!新影片已upload，快d Click入 「鋒加西亞 / 旅人瘋語」Subscribe 睇片再禁個like啦!~ =================================Email : funggarcia@gmail.comwww.facebook.com/Garcia.in.Germany 文章同時刊於以下平台，請各位多多支持呀!!!!!!!!!!!!!UBlogDC Fever TravelBlogspot 遊牧爆谷Medium
