眼利既朋友應該都見到上回d海岸相，點會無啦啦有艘魔盜王feel既海盜船泊係度ge?? 黑珍珠號!!? Jack Sparrow嚟左??? 行近睇真d，原來係一艘裝修到海盜船一樣的海上酒吧!只要上船order一杯酒，就可以包埋Thessaloniki港口一周遊!又有酒飲又可以出海，諗起都覺得正呀! 話之佢船上係尊尼特普定尊尼核突佬，上賊船啦!!!!!!!!~ 其實塞薩洛尼基「白塔」對出碼頭都停泊左唔少遊船酒吧，但大多都係普通天星小輪咁款，我放工去星光行Seven買罐青島上船飲都得啦!須知飲酒係講feel的，既然有氣勢既海盜船，點可能唔揀佢呀? 呢艘海盜船酒吧Arabella Cruise Bar，大約每1.5小時發船一次，每次出海半個鐘岸上水牌寫住出發時間由早上10:15至晚上12:45，但我強烈懷疑呢個係假期時間or海鮮時間，大家都係去佢地Facebook or現場再望望好d而其實咩時間都無咩大關係ge，總之識坐一定係坐天黑船睇夜景啦~如果心裡面仍然1516怕名副其實上錯賊船ge，放心啦可以免費上去行個round再慢慢決定，唔會踢妳落海的~ 夜晚隻海盜船酒吧更有氣勢了!========================================《ARABELLA CRUISE BAR》https://www.facebook.com/ArabellaCruiseBar/https://en.tripadvisor.com.hk/Attraction_Review-g189473-d8099441-Reviews-Arabella_Floating_Bar-Thessaloniki_Thessaloniki_Region_Central_Macedonia.html========================================上到船就會發現，呢艘船唔係比支Jolly Sandy你係船上飲咁簡單成艘船，不論係倉內裝修定倉外設計，都係為顧及顧客的飲酒需要而製燈光、環境、氣氛，以至座位舒適度都非常到位一些船身的天然角落，或不為意的暗位都變身成小酒桌或坐位同時分成若干小範圍給團體客之餘，亦又吸引人周圍走 獵食 識新朋友呢首船唔係掛羊頭賣狗肉，而完完全全係一間以「比你慢慢hea」為宗旨，非常relax兼有heart海上酒吧! 入口已經勁有feel~ 我係呢個session頭幾個上船，當時仲未有人，點坐都得~點擊圖片放大 比個假人嚇一嚇 望下menu先~供應既酒都係大路野，價錢比一般歐洲酒吧貴，啤酒一杯6歐半=約$60港幣Wei不過人地咁大隻船，帶埋你出海扮海盜wor!維港果隻紅燈區漁船都要成兩舊幾ga! 呢度抵到爛啦! 原來都幾多一家大細~ Nuts唔計錢，very good!點擊圖片放大 +3 開船啦!儘管個船倉又暖又舒適，但我呢d風景至上主義者，梗係要坐甲板位啦!!!海盜船在星夜中緩緩航行，我一個孤身旅人，在船上迎著寒風，喝著啤酒，眺望Thessaloniki的華麗夜景，何等浪漫寫意~區區零度以下既氣溫，行船撞起的強風，我先無咁易被KO呀!!...................好x凍ar!!!!!!!!!!!!!!!!!!!!!點解室內會full house ga???????? 我d鼻流緊瀑布呀!!!! 最後…………………..決定放棄治療，乾脆坐去船頭，以毒攻毒啦!好靚ar…………… 好凍ar………………………點擊圖片放大 +3 海上睇返雨傘群又係另一個feel~ 亞里士多德廣場好有聖誕氣氛呀! 其實凍到嘔電! 如果可以坐埋上去就正了.......就係咁，Thessaloniki既一日行程於雪櫃之中完結~就算連埋上一回果3個景點介紹，仍然都係太少野ar呢~ 因為呢一日其實仲包含左好多我既搵食時間，所以其他有名既山上古蹟Vlatadon Monastery 、 Trigonion Tower 、 Heptapyrgion of Thessalonica等等等等都扔埋一邊，有機會先嚟探佢地啦~下回 ------ 講希臘菜呀!!!!!!塞薩洛尼基THESSALONIKI一日玩樂地圖====================================IG果邊間中會有d和Blog及fb page不一樣的相片和story，大家有興趣既去follow下支持下啦~Instagram : https://www.instagram.com/fung_garcia_backpacker/==============================相關篇章 :《【希臘快閃1】 塞薩洛尼基Thessaloniki一天漫遊》================================我既Youtube Channel正式開通啦!!!!快d Click入 「鋒加西亞 / 旅人瘋語」Subscribe 睇片再禁個like啦!~岩岩開始，完全未有人睇呀~ =================================Email : funggarcia@gmail.comwww.facebook.com/Garcia.in.Germany 文章同時刊於以下平台，請各位多多支持呀!!!!!!!!!!!!!UBlogDC Fever TravelBlogspot 遊牧爆谷Medium鋒加西亞 - 德國工作假期後的世界流浪
