問下北馬其頓當地人「唔知Skopje近郊有咩靚風景睇下呢?~」 得到既答案都係同一個--------馬特卡峽谷Canyon Matka 「哎也Canyon Matka係個靚山谷中間有條水咁好靚ga!」 感覺就好似相睇前對方介紹個女仔既特點係有眼耳口鼻咁，聽到都無任何反應wor師兄 再google睇下d相 ---------- 咪同我當年係阿爾巴尼亞Komani Lake果個死人山谷差不多!? 又係果d大江南北啊啊啊啊啊啊啊啊，之後變ZZZzzzz………. 不過真係問左3-4個人都係推薦此地，個距離又係20分鐘的士左右，仲近過我由沙田去赤徑鹹田灣(我又搵到位回帶宣傳了~)，就一於去望下啦~ 點擊圖片放大 不論係的士定巴士，落車後已能見到峽谷初貌~ 走不數步就能看到深達4-5層樓的巨大水壩~ Ee好似有d宏偉，有d料到wor! 更有料到既係，咁狹窄既山谷單程路竟然會有電單車迎面衝過嚟! 唔通條友仔無睇過007? 多數死果個都唔係行人ga wor! 點擊圖片放大 越過水壩，終於見到Canyon Matka的真正面貌! 眼前是一片湖泊般的平靜河水，兩旁山巒疊岳，在日光下若真若幻 ; 山河倒影，在湖上畫出優美曲線 ; 縱有百年歷史的小村莊在旁，耳邊仍只偶聞鳥語風聲，花落山空 無沒想過那早已司空見慣的峽谷流水，在北馬其頓這個冷門國度，這個名不經傳的野外，竟有這麼迷人的演繹 點擊圖片放大 一場嚟到當然唔係睇完走佬啦~ 穿過小村落，沿著山腰棧道散步吧~ 點擊圖片放大 +4 越走，越看那山谷流水，就越是覺得奇妙! 河水靜伏如鏡，把峽谷完美倒影成雙，已是絕美風景 轉眼間小艇在河上劃出重重漣漪，又係另一個feel 無呢啦間有間山中小屋旁邊又有個仙人洞，又係另一個view 明明都係果d野，但點解個風景行行下又有d唔同，行行下又另一個樣ge? 咁叉蛋飯，叉燒炒蛋飯同叉燒蛋炒飯夠係同一樣野啦，點解會賣唔同價錢…….. 點擊圖片放大 +8 雖然係靚，但呢條峽谷棧道越行越唔對路! 咁長ge??? 望下地圖，shit原來可以行去另一個省ga喂!!!! 既然太陽已收，都係原路返去小村莊食個飯飲杯野啦~ Restaurant Canyon Matka環境一流，就算冬天凍到死都仍然吸引我坐室外做雪條! 叫左個忌廉松露意粉，味道ok，但索價甚貴，性價比超低 不過呢d位都係食feel ga la~ 豪一豪啦~ 點擊圖片放大 +6 其實Canyon Matka除左好似我咁齋行外，仲可以睇下間修道院，甚至坐小艇遊河，探索無數神秘幽森既洞穴! 聽聞洞內仲有南歐洲最毒既毒蛇同最多既蝙蝠! 而家武漢無得食，嚟呢度飽暖下都好呀~ 不過我去到果陣艇家完全失左蹤，唯有等有機會再來睇啦~ 最後講埋交通~ 巴士60號可以直達，約1.5小時一班，不過首先要搵到個巴士站係邊，至少我係Skopje市中心問極人都係搵唔到……. 都係的士啦，殺完價後約600MKD = $90，車程半小時內，都唔算太過份 所以如果想慳錢又快捷的話，的士去巴士返啦~ 不過妳首先要有巴士卡……………(詳見《【北馬其頓速遊1】旅遊資料大全集》) 至於小弟，臨上巴士前比人撩坐泥鯭的，200MKD = $30，直接去到下一站good~ Canyon Matka就講到呢度~ 今篇字係少d，風景就都係果d，但真心係北馬其頓必去景點，信我啦，唔係伏嚟ga~ 下篇繼續介紹Skopje有d乜玩~ =================================== IG果邊間中會有d和Blog及fb page不一樣的相片和story，大家有興趣既去follow下支持下啦~ Instagram : https://www.instagram.com/fung_garcia_backpacker/ ============================== 相關篇章 : 《【北馬其頓速遊1】旅遊資料大全集》 《【北馬其頓速遊2】 首都Skopje初覽，華麗有驚喜!》 《【北馬其頓速遊3】Skopje之夜生活》 ================================ 我既Youtube Channel正式開通啦!!!! 快d Click入 「鋒加西亞 / 旅人瘋語」Subscribe 睇片再禁個like啦!~ 岩岩開始，完全未有人睇呀~ ================================= Email : funggarcia@gmail.com Facebook Page : www.facebook.com/Garcia.in.Germany 文章同時刊於UBlog、 DC Fever Travel、 Blogspot 、遊牧爆谷、Medium，請各位繼續多多支持呀!!!!!!!!!!!!! 鋒加西亞 - 德國工作假期後的世界流浪
