記得前一回《飢荒平安夜》最尾同自己講過我第二日一定要食返九大簋! 今朝早餐就食左個超豐富buffet啦，但里拉修道院果個垃圾意粉實在想反佢枱，所以總覺得唔係好夠喉，係要officially食餐好食餐勁ge! 數數手指，旅程已經來到第5日，我竟然仲未食過保加利亞既傳統餐廳!? (free food tour果幾塊麵包唔計啦) 好啦~ 今晚既目標明確了! 上回講到我大約9點幾嚟到Bansko，立刻就衝出街睇下有咩食啦~ 以我係Sofia的經驗，保加利亞的餐廳好多都開到幾夜下，所以都唔太擔心又要餓~ 果然even聖誕節正日但已經有好多食肆營業返，但寧寧捨捨就有呢間「Obetsanova mehana」不停有人湧入幫襯，仲要睇落唔少係本地家庭，直覺話我知係好野，一於試下妳啦~ 無位????? 家陣就嚟夜晚10點兼我單拖wor! 我明鬼佬唔興搭枱，但你間餐廳幾千呎大仲要咁夜都咁full會唔會有d過份ar?? 當然啦咁就證明呢間餐廳一定係好野! 同waiter吹多兩句水，都係話我無預約就真係無位，最多即場幫我book 11點……..咁都得? 為左一試好野，唯有返酒店訓多粒鐘先啦……. 點解我呢個trip成日捱餓ge…… (迷之聲 : 你自己囉嚟ga~~~~~) 好不容易撐到11點終於入去坐低! 雖然早有心理準備，但仍然為餐廳的裝修氣氛所吸引~ 傳統保加利亞餐廳以實木石塊作裝潢，四處掛滿酒桶、標本、民族服裝等，而我身處呢間更誇張的是有埋柴火及大水池，十足一間豪華版的獵人小屋! 閒時仲有幾個大隻佬彈住吉他拉住手風琴大唱傳統歌曲~ 我點知係傳統歌曲? 咁既排場唔通唱野狼Disco咩~ 不過注意佢地只會去人多既地方or二人情侶唱，好似我呢d單拖既佢地簡直當我戴左石頭帽! 咁都正常ge，無呢啦間同點會同個麻甩佬唱歌，比我都撩靚女啦! 我知講係無用的，去片啦~ 食餐好既當然要食肉啦! 係menu求其order左個Lamb，上菜竟然係羊肉絲+菜+羊肉飯????? 北京既清真小館ar? 味道都有d似清湯羊肉wor! 不過香料味更重，羊肉味濃嫩滑，飯以羊肉高湯煮成，每一啖都係層層厚厚的好滋味! 食膩了，就用爽脆蔬菜中和返~ 係呢種獵人小屋風的保加利亞傳統餐廳，大杯酒大塊肉，飲住生啤聽liveband，爽呀!! 呢間野，味道同氣氛都一流，可惜既係又試遇上「放陷阱waiter」 咩係放陷阱waiter? 即係扮哂聽唔明英文，你手指menu點餸之後佢用本地語言覆述一次再問你o ng ok? 唔通你唔ok咩 「阿waiter，我無叫過芝士薄餅wor」 「no~ I asked you, you say yes」 呀生你而家又識講英文wor…………. 最慘係我當時太肚餓，一放上枱我以為係side dish麵包立刻食左啖，到醒覺時已經太遲……… 其實以前係匈牙利我都遇過一次呢d waiter，幾乎嘈到要報警，最後都係被明屈照比 可以點避? 假如妳無order既野千其唔好食! 總之問左係乜嚟先! 萬一真係中呢d伏，無ga啦，咪請佢好好放低law 其實除左呢間，我之後都仲去過一兩間保加利亞傳統餐廳，味道儘管見人見智，但最少氣氛風味真係無得彈~ 去得保加利亞ge，無理由唔試下本地菜ga~ 好~ 下回講下係Bansko有咩做~ 如果去過既朋友都知，最主要都係果樣野啦~~~~~~~~~ =================================== 相關篇章 : 《漫遊保加利亞 - 出發前資訊總匯集》 《漫遊保加利亞1 - 轉機多哈，舒適地訓機場》 《漫遊保加利亞2 - 索菲亞行下hea下行程一覽》 《漫遊保加利亞3 - 索菲亞的免費午餐Free Food Tour》 《漫遊保加利亞4 - 簡陋的Sofia聖誕市集》 《漫遊保加利亞5 - Plovdiv文化小鎮一日遊》 《漫遊保加利亞6 - 飢荒平安夜》 《漫遊保加利亞7 - 飄雪下的里拉修道院》 ================================ 我既Youtube Channel正式開通啦!!!! 快d Click入 「鋒加西亞 / 旅人瘋語」Subscribe 睇片再禁個like啦!~ 岩岩開始，完全未有人睇呀~ ================================= IG果邊間中會有d和Blog及fb page不一樣的相片和story，大家有興趣既去follow下支持下啦~ Instagram : https://www.instagram.com/fung_garcia_backpacker/ Email : funggarcia@gmail.com My Facebook Page : www.facebook.com/Garcia.in.Germany Medium : https://medium.com/@funggarcia 另外文章同時刊於UBlog、 DC Fever Travel、 Blogspot 、遊牧爆谷，請各位繼續多多支持呀!!!!!!!!!!!!! 鋒加西亞 - 德國工作假期後的世界流浪
