承上回，而家要講下我平安夜係當晚離開Plovdiv返去Sofia既實況了 係德國生活時都一早知道，歐洲既聖誕節會由平安夜開始連續數日keep住死城狀態，之不過估唔到連我係Sofia既住宿都要收工! 到連行李寄存都唔比!? 「唔得呀，我地下年先再開門，個背囊你想放到下年?」 教書有Christmas Holiday放十幾日，估唔到保加利亞既民宿業都有，真係好公司呀………… 所以我上回所寫既Plovdiv所有行程，其實我都係孭住全身行李full gear上山下海的! 話就話backpacker一早已習慣當負重做gym je，但做完gym都要飲水ga 到了晚上我身上既飲用水已一早清空，口喝到死，但行上羅馬鬥獸場的路上，連士多都無間，就算有tap water都好ar….………. 真係無乜幾可係城市會有沙漠既感覺………… (燈火通明，但其實收哂工~) (黃明志的沙溪，好歌嚟ga!) 好不容易落返山，直走到大街盡處先搵到間落緊閘的kiosk，仲幾乎一入店就比老闆娘踢返我出去，我話「Buy water only」先肯做埋我生意ja! 阻人收工猶如殺人父母，明ge! 所以重都唔理啦! 一買就兩支大水，反正一出店已經比我KO左一支……. 係old town坐local bus返到火車暨長途巴士站，18:35，趕得切7點車返Sofia~ Cancel左?? 點解呀?? 答案同點解靚仔都要甩頭髮一樣 ----- 無得解 聖誕節我明大家都趕住返屋企，但突然話cancel就cancel都真係……..重要我等成個幾鐘……. 好彩認識到同樣係度呆坐的旅行人Mei Ling，初次見面竟然越傾傾投契! 令我既等待時間過得非常快樂~ 到上個post都仍然係我個facebook page度留言非常比面! 佢既故事有機會再係page #過客列傳 再講~ 總之Nice to meet you! 點擊圖片放大 到8點鐘終於有車了! 由於火車同巴士既價格、出發時間、到達時間都完全一樣，咁當然係火車舒服d啦~ 雖然只係類似格魯吉亞果種殘舊慢火車，但都叫做鬆動企理可以比你行行企企，無坐大巴咁迫~ 仲有洗手間tim~ 不過我都無周圍走，孭住個重背囊上山落山左全日攰到爆，一坐低就訓到死屍一樣……. ee到站啦?? 到對眼眨左一眨ja wor! 睇嚟我真係訓得好deep……. 望下錶 ------------ 係wor 9點半啦wor! 比巴士仲快左15分鐘，坐火車既決定係正確的~ 但點解怪怪地ge，個車站空得咁利害一個人都無…………. 無意間望到車站個鐘…….. 時針個指向有d怪wor………. shit而家唔係9點半而係10點半呀!!!!! 架火車遲左45分鐘呀!!!!!!!! 而我係飲左迷魂水一樣昏迷左兩個半鐘一d知覺都無! 好彩著多左兩條底褲je!!!! 而火車遲大到亦出現一個超大問題 ------ 食肆收鋪呀! 原本9點幾我都有少少盼望「Sofia應該仲有d餐廳開門ge~」而家10半就死梗啦! 香港果d都收呀何況呢度! 大街上一間開門的店舖都無，巴士的士電車全部唔見，連果d所謂7x24的快餐店亦是漆黑一片 一座歐洲首都名城，於聖誕節變成鬼影都無隻的死城…………….而家大家知道d喪屍片係點拍ga啦~ 唉係呢d時候就會明白生活係香港係一件幾咁方便既事……. 由下晝食完Kebab後我就完全無任何野落過肚，12月的歐洲晚上寒風凜冽，我負著背包，穿過微黃街燈的無人大街，飢寒交迫…………. 剎時覺得自己變成了童話故事中的主角，我包火柴呢…….. 比較好彩的係我唔使劃火柴過夜，友人推薦Sofia最好的青年旅舍Hostel Mostel仲有空位! 雖然地方有d舊又唔算非常乾淨，但場很大，床很大，係呢個天寒地凍的深夜，有地方比我住返晚已經阿彌陀佛了 Settle down好已經係晚上12點幾，坐在床上，已再無力氣走出去搵仲有無漏網之魚食肆 於是我的聖誕大餐，就係背包裡的backup用果仁朱古力 Merry Christmas ar鋒 點擊圖片放大 儘管早知道歐洲聖誕節等於香港年初一乜店都唔會開，但真係估唔到保加利亞個情況比我居於德國時更嚴峻 2018年12月，我係浪漫的歐洲古國，過了一個餓到凹的平安夜 奉勸大家一句，大時大節係歐洲，都係一早買定廿零三十個麵包塞褲袋好d 聽日我要食九大簋呀!!!!!!!!! =================================== 相關篇章 : 《漫遊保加利亞 - 出發前資訊總匯集》 《漫遊保加利亞1 - 轉機多哈，舒適地訓機場》 《漫遊保加利亞2 - 索菲亞行下hea下行程一覽》 《漫遊保加利亞3 - 索菲亞的免費午餐Free Food Tour》 《漫遊保加利亞4 - 簡陋的Sofia聖誕市集》 《漫遊保加利亞5 - Plovdiv文化小鎮一日遊》 ================================= 我既Youtube Channel正式開通啦!!!! 快d Click入 「鋒加西亞 / 旅人瘋語」Subscribe 睇片再禁個like啦!~ 岩岩開始，完全未有人睇呀~ ================================= IG果邊間中會有d和Blog及fb page不一樣的相片和story，大家有興趣既去follow下支持下啦~ Instagram : https://www.instagram.com/fung_garcia_backpacker/ Email : funggarcia@gmail.com My Facebook Page : www.facebook.com/Garcia.in.Germany Medium : https://medium.com/@funggarcia 另外文章同時刊於UBlog、 DC Fever Travel、 Blogspot 、遊牧爆谷，請各位繼續多多支持呀!!!!!!!!!!!!! 鋒加西亞 - 德國工作假期後的世界流浪
