普羅夫迪夫Plovdiv，十個保加利亞人有九個都會話真正既保加利亞文化保存左係呢個第二大城 係真唔係我唔知，因為文化底蘊呢d咁深奧既野，決不是我呢個嚟玩一兩日既背包客咁易就明白的 之不過如果要係Sofia以外揀一個城市去玩去癲去ocean park的話，真係所有人都叫我去Plovdiv! 既然係咁，就整個one day trip la~ 去Plovdiv非常簡單，Sofia中央車站幾乎每個鐘都會有大巴直到，價錢大約係9.5lev = $43，車程約1小時45分鐘左右非常快，但注意回程車有機會兩小時先有一班的，同埋大巴與火車既時間票價都完全一樣的，之不過火車易有delay，問題不大~ 而真正既問題應該係落車之後! 中央巴士站距離Old town有一段距離，行既話大概要20-30分鐘，所以坐local bus係必須的 中央車站外巴士站的city map會有講明坐邊幾架車會去到Old town，上車比1lev到Post office站落車就得了~ 聽落好易je無難度ar~~~~~~~~~~~~~~ 但我當時一落大巴係一舊雲完全唔知點行law…… 好似玩amazing race咁搵一輪先知張地圖角落有指示ga……. 點擊圖片放大 +3 嚟到Old town~ 有咩咁特別呢~ Um~ 我只可以講好歐洲，非常歐洲~ 幾乎可以話有齊歐洲不同城市既影子! 咁都唔奇ar，根據維基王既資料，Plovdiv的起源可被追溯至公元前6世紀，千幾年來不停比希臘人、羅馬人、哥特人、奧圖曼人、奧特曼人等等十幾種唔同人佔領過，大佬呀即係半個歐洲都同妳結過婚，屋企梗係多野啦 等等先上面有種人好似有d問題………… um應該都係我幻覺je~ Plovdiv Old Town分為兩部份，我首先沿Knyaz Aleksandar I Street行上Kapana (Creative District) 沿途所見四處都是高兩三層的彩色房屋，外牆雕花全都充滿心思~ 聽聞呢度有不少房屋都是「阿邊個名人間屋」or「阿乜水既經典建築」，甚至有tour介紹呢方面既事，但我到訪當日係平安夜乜鬼都無，所以都係自己睇啦~ 點擊圖片放大 +10 Creative District的橫街小巷上滿是露天coffee bar，行不數步又有文藝表演小廣場，藝術氣息厚重之餘充滿閒適寫意，感覺宛如一個縮小版的哥本哈根~ 再前行2-300米，則會看見呢度一忽果度一pet既建築遺址，好明顯同Sofia一樣眼見的old town係on top咁建係古蹟之上的，都的確係一個新舊交融既好方法~ 點擊圖片放大 +9 貴為文化重鎮，Plovdiv當然有不少藝術古典又美味既餐廳啦~ 聽聞有間意大利小店有手製pasta wor~~~~ 收左………………… 聽聞果間保加利亞菜又平又抵食wor~~~~ 無開……………….. 因為平安夜所以咩鋪都收哂工呀!!!!!!!!!!!! 等於香港年三十中午已經可以收爐，羨慕到呢……..但我而家肚餓到呢…… 無辦法，見到市中心有間Kebab店排哂長龍，唯有又係你啦師兄……. 不過……..有無攪錯ar…….. 長期既歐洲流浪令我幾乎食盡各國既kebab (詳見歐洲隨筆007 - 土耳其烤肉卷)，但真係未見過有大過我塊面既law! 只係50 Lev=$22.5既售價，佢個肉量多到幾乎等同半隻燒雞，再加埋蔬菜蕃茄薯條，同用麵包夾住成個大家樂下午茶一炮過塞入口無分別! 唔同既只係呢個Kebab好食到不得了! 外脆內軟又香又juice，明知飽都忍唔住一啖接一啖，我竟然食得哂呀!!!!!! 當然結果就係飽左一整日，個肚撐到技安咁繼續行街law……. 點擊圖片放大 如果唔想食咁heavy，Plovdiv都有我早前係 #環球美食吐槽區 講既世上最邪惡漢堡的分店~ (但果個芝士瀑布burger仲heavy 10倍wor……) 但比較吸引我既，反而係呢間分店外牆華麗的大型塗鴉~ 攪到我忍唔住又set腳架瘋狂扮型自拍~ 雖然唔唔太鍾意用呢個幾個詞，但呢度的確係個「打卡」「呃Like」既好地方呢~ 點擊圖片放大 +2 行完Creative District，可以過對面既真正Old Town啦~ 呢邊則係相對古舊的山城遺跡，沿石板路一直上山，就會見到Archeological Complex Nebet Hill，一個公元前3-4世紀已存在的遺跡，同時亦係世界文化遺產~ 雖然就咁睇呢度只係一堆爛石廢墟，但就算對思古無咩興趣，呢處都係Plovdiv觀賞日落既最佳地點~ 日落配上能俯視整個千年古城的美景，美得幾乎有身處布拉格既感覺~ 點擊圖片放大 +6 睇完日落，係時候返去Creative District欣賞入夜後的美景~ 昏黃街燈與幽暗藍夜本來已是絕配，再加上聖誕前夜的醉人氣氛，更易令人深深愛上這個美麗的城市~ 所謂的浪漫歐陸古鎮，就是這個意思吧~ 點擊圖片放大 +8 差點忘記Plovdiv仲有一個必去的地標Plovdiv Roman theatre 呢個羅馬鬥獸場式的古蹟，竟然係一個座落於山崖邊陲的古劇場! 日頭真係有show有劇睇ga! 而呢個廣場巨大廣闊不在話下，最正係從高處可以望埋山下夜景，宛如一座希臘神典般的空中舞台! 作為一個前任又業餘既舞台劇演員，我當時真係不禁諗「如果可以係度演戲一定好好feel ga je~」 戲種方面，點解個腦出現既畫面唔係《賓虛》而係《滿清十大酷刑》ge……… 點擊圖片放大 (但寫果陣諗起JoJo第二部戰鬥潮流~ 2Jo真係好Q正!) 關於Plovdiv 的城市簡單介紹就暫時係咁多先~ 講真呀我都真係幾鍾意呢個城市，既有古意又具活力，如果鍾意文青慢活式的朋友絕對推薦係度搵間coffee shop睇下書識下人住返三五七日~ 可惜我今次旅行時間有限，為左聽日要去既地點只好返回Sofia了 原本就寫左我返Sofia時既情況ge，不過寫完發現太長氣了，都係斬件下一回先啦~ =================================== 相關篇章 : 《漫遊保加利亞 - 出發前資訊總匯集》 《漫遊保加利亞1 - 轉機多哈，舒適地訓機場》 《漫遊保加利亞2 - 索菲亞行下hea下行程一覽》 《漫遊保加利亞3 - 索菲亞的免費午餐Free Food Tour》 《漫遊保加利亞4 - 簡陋的Sofia聖誕市集》 ================================= 我既Youtube Channel正式開通啦!!!! 快d Click入 「鋒加西亞 / 旅人瘋語」Subscribe 睇片再禁個like啦!~ 岩岩開始，完全未有人睇呀~ ================================= IG果邊間中會有d和Blog及fb page不一樣的相片和story，大家有興趣既去follow下支持下啦~ Instagram : https://www.instagram.com/fung_garcia_backpacker/ Email : funggarcia@gmail.com My Facebook Page : www.facebook.com/Garcia.in.Germany Medium : https://medium.com/@funggarcia 另外文章同時刊於UBlog、 DC Fever Travel、 Blogspot 、遊牧爆谷，請各位繼續多多支持呀!!!!!!!!!!!!! 鋒加西亞 - 德國工作假期後的世界流浪
