俗語話天下間無免費的午餐，但係索菲亞竟然不適用! 因為佢地竟然有免費既food tour! 而且江湖傳聞係一個非常好既體驗tim! 儘管我半信半疑，總係覺得會有d位會收錢收返妳好貴，但貧窮又度縮既我，免費有野食咁著數又點會唔去呢~ 就睇下妳乜料啦! 呢個Free Food Tour係索菲亞市內非常出名，佢地主要目的係向遊客宣傳保加利亞的獨得既飲食文化~ 大家可能奇怪點解可以免費? 原來佢地同d餐廳合作，tour會係下午既非繁忙時段內進行，咁就唔會影響其他食客同生意 同時每種食物既份量非常少，大約係日本超市既試食份量，咁大家就可以試多d，餐廳成本亦唔會增加 更重要既係如果客人覺得好味，分分鐘食完個包後會食埋回頭草呢! (我就是成功的例子………下面再講) 遊客有得玩，Tour公司有錢賺又可弘揚文化，餐廳可以宣傳，簡直就係一個Win Win Win既3贏方案! 香港絕對可以試下ar! 至於報名方法好簡單，只需要係前一晚send個email去info@balkanbites.bg (網址: https://www.balkanbites.bg/) 度報名就得，我前晚凌晨send，朝早就收到回覆了~ 於是我早餐都唔食，輕輕鬆鬆去到集合地點Russian Church等待一陣有咩美食體驗啦~ (落筆時發現佢地已改集合地點為Park Crystal，留意~) (我當時的集合地點Russian Church) 第一站我地去到一間新派保加利亞菜餐廳叫做「唔識打個名」~ 根據Tour Guide所講，呢度係全保加行亞第一間選用全天然有機食材既餐廳，而內裡既格局更好似保加行亞民居一樣tim~ 至於食物，一坐底就見有3樣野 : 一pet紅色兩舊白色 首先講紅色，係傳統既蕃茄醬Ljutenica，由蕃茄、甘筍、蒜胡椒等製成，多數與麵包同食，亦會加落肉or茄子之上，係每個家庭都識整既食品~ 不過講真，唔講真係會以為同肉醬意粉pet醬差不多……好難分辨ar……. 白色方型一舊係羊奶芝士無特別，個人覺得阿塞拜疆既香d~ 白色一pat既則係世界聞名的保加行亞乳酪。導遊話因為有一種酵母太郎係呢個國家獨有的，所以非常獨得有名! 我自己對乳酪無咩研究，但都覺得幾清淡易入口~ 相信鐘意既人會好鐘意的~ 而同枱既團友都話，食完更加餓了………… 點擊圖片放大 +2 第二站來到地鐵站地下街的麵包小鋪，品嘗本地人早餐Banitsa~ Banitsa係一項統稱，主要係用酥皮卷住羊奶芝士或菠菜，碌到成條手臂咁粗既腸粉再盤成 一砣大便 一圈德國香腸咁焗成，係巴爾幹半島既常見小食 因為又平又大份，所以當年我係斯洛文尼亞同波斯尼亞都食唔少，但次次都無咩好結果，一係實過餅乾一係咸過我，落到去黑山之後都無再食過了 之不過，小店就係小店，總有一般由心做出來的味道~ 呢間不起眼既麵包店既「羊奶芝士酥」又鬆又香，外層輕脆，鹹味控制得岩岩好唔使飲水，正! 不過唔好問我點去，我真心唔知道當時自己行左去邊……….. 點擊圖片放大 +3 第三間店竟然係食Burger!!!!!????? 呢間Skaptoburger既有名程度大概就係香港既Burgeroom，算係平民店中首屈一指，任何Sofia的旅遊書同飲食指南都大力推薦! 嚟得burger店，我諗佢點都有舊肉食下而唔係只得包皮掛……… 咩話素食漢堡!!!!??????? 我知近年veggie burger非常有名，但食肉獸既我一直都「的」唔起心肝去試，牛肉漢堡實在太好味啦................. Wa呢個素食漢堡好正wor!!!!!! 舊主角「肉餅」由多種蔬菜香草nuts等等混合炸成，味道完全配合到漢堡包香濃味美既要求! 我同另外幾位參加者為食地試埋剩低ge牛肉burger，比較下竟然係素食果個好d! 再望下佢個menu，以保加利亞當地嚟講算貴，但對香港人嚟講60-70蚊一個小店高質大burger真係抵到爛啦! 於是，當晚我就返左嚟覆綽食回頭草漢堡……… 果個burger真係痴線到呢…….過兩日#環球美食吐槽區再講呢個burger發生咩事! 點擊圖片放大 +4 (我後來係Plovdiv都見到分店，幾乎就衝左入去食second round了……) 食完名乎其實既齋包，我地來到市中心電車路旁一間咖啡小店，試既係本土沙翁~ 當時店內已full，我地成團人就全部企街試食~ 係辛苦個導遊不停出出入入幫我地做阿4囉野食囉野飲je~ 呢種當地人配咖啡既小食，根本就係油炸鬼加糖粉! 有問題咩? 無問題ar，一睇呢個高卡配搭就知道無得輸啦~ 但小弟已就嚟肥過部電單車了，少食為妙，少食為妙…….. 點擊圖片放大 +2 最後一站來到一間當地有名的保加利亞傳統菜餐廳~ 實木+石牆+紅枱布，極具民族氣氛既設計下竟然又係食乳酪+麵包?? 無錯同一盤內有3種不同味道，但始終都係乳酪+麵包! 果個真係好似呢! 睇到對面枱非洲family大魚大肉一家人食左舍滿漢全席，我地口水都流埋……..唯有用杯傳統甜酒頂住先啦…… 點擊圖片放大 +3 Free food tour就咁完結~ 精明既大家一睇，就知道成個tour完左我都係無乜點食過野ga! 係一個唔上唔落唔餓唔飽既尷尬狀態，所以大家如果想報tour係想食到飽的話都係算吧啦六師弟 但如果好似我咁，想好好體驗同認識下Sofia even Bulgaria既飲食文化，呢個free food tour絕對係無得輸之選! 我甚至覺得係Sofia旅行既must do item tim! 記得臨走前比左少少錢個tour guide for tips~ 唔好問我該比幾多，妳覺得值幾多就比幾多啦!~ 好~ 下篇講多少少Sofia的所見所聞! (同行傾得幾開心的土耳其團友~) https://drive.google.com/open?id=1xQAOECaAY9KeJ_1PC0SG4bNyxsDzEgdi&usp=sharing =================================== 相關篇章 : 《漫遊保加利亞 - 出發前資訊總匯集》 《漫遊保加利亞1 - 轉機多哈，舒適地訓機場》 《漫遊保加利亞2 - 索菲亞行下hea下行程一覽》 ================================= 我既Youtube Channel正式開通啦!!!! 快d Click入 「鋒加西亞 / 旅人瘋語」Subscribe 睇片再禁個like啦!~ 岩岩開始，完全未有人睇呀~ ================================= IG果邊間中會有d和Blog及fb page不一樣的相片和story，大家有興趣既去follow下支持下啦~ Instagram : https://www.instagram.com/fung_garcia_backpacker/ Email : funggarcia@gmail.com My Facebook Page : www.facebook.com/Garcia.in.Germany Medium : https://medium.com/@funggarcia 另外文章同時刊於UBlog、 DC Fever Travel、 Blogspot 、遊牧爆谷，請各位繼續多多支持呀!!!!!!!!!!!!! 鋒加西亞 - 德國工作假期後的世界流浪
