於多哈機場訓個靚覺後，就正式上機向保加利亞首都索菲亞Sofia出發了! 其實我今次既行程幾乎無plan過，工作忙到連Sofia係咩o麥頭都無時間google，之不過，到埗前一d小確幸已經可以令你對未來既行程充滿期待~ 估唔到卡塔爾航空飛Sofia途中會低飛掠過高加索山脈~ 從高空俯視的連綿白雪山勢，好正呀!!!! 點擊圖片放大 2018年12月22日上午11時，我終於再次踏上久遺了的巴爾幹半島啦! (以前的巴爾幹半島遊記，請參閱「南歐 - 巴爾幹半島+地中海之旅」) 4年無見，你凍左咁多既喂!!!!!!!!????? 梗係啦上次我嚟係6月仲夏，今次就12月嚴冬，就算南歐較近赤道，但落雪真係一d都唔奇呀!!! 上左地鐵我已經立刻笠返d頸巾厚褸上身，到apartment check-in後發覺唔對路，立刻將兩件保暖內膽笠埋上身! 零下7度既濕凍真係唔係講笑!!!!! 不過好耐無見積雪既街道了~ 個人喜好，乜鬼野鋪層白雪上去都會純潔靚左可愛左的，唔信既話，你可以試試鋪層白色上女朋友塊面度實驗下的~ 點擊圖片放大 好啦~ 其實我係Sofia前後兩至三日，基本上都係行行企企食飯幾味，如果我一個個景點流水帳式咁講包保悶到大家噴血而死 所以我就以我既第一身經驗，簡略講下係度有咩做啦~ 1. 行Old Town 保加利亞人成日話Sofia係個超無特式又悶既城市，但同時又非常自豪呢個地方係個千年古城，有深厚既歷史文化底蘊 無野ge，講je，夠大把香港人話香港無野玩啦，根本香港就精彩到不得了~ 去到Sofia Old town，路邊求其一舊爛石都係古蹟嚟! 現場所見既巨大建築，根本就係於原有古蹟上on top起係上面的! 喂old town裡面座座野都維園咁大舊，點解可以無冧ga……… 點擊圖片放大 +2 Old town範圍大致係地鐵站Serdika II至索菲亞大學一帶，裡面除左古蹟，果d歐洲例行公事既教堂、市政廳、博物館、美術館當然係唔可能同德國法國鬥靚鬥宏偉啦 但作為地標既亞歷山大 • 涅夫斯基主教座堂Sveti Aleksandar Nevski、國立文化宮Natsionalen Dvorets na Kulturata等都非常有特色唔會令你失望! 唔岩古蹟既，去步行街Bul.Vitosha shopping下，睇下小店一樣開心~ 就算係普通既街角公園，都可以比到妳不一樣的感覺~ (聖週日教堂Sveta Nedelya) 點擊圖片放大 (國立文化宮Natsionalen Dvorets na Kulturata) 點擊圖片放大 (亞歷山大 • 涅夫斯基主教座堂Sveti Aleksandar Nevski) (索菲亞中央礦泉 ----- 門口有條童子尿般的溫泉水) 點擊圖片放大 +3 (超級靚的information centre@City Garden) 點擊圖片放大 (步行街Bul.Vitosha) 點擊圖片放大 另外值得注意既係，保加利亞係一個接受多元文化信仰既國家。係Sofia，短短幾百米範圍內就會有齊天主教堂、基督教堂、東正教堂、回教清真寺4種唔同宗教建築共冶一爐，呢件事係非常罕見的! 你試下將曼聯奧脫福搬去利物浦晏菲路隔離，一個星期有一日無劈友已經阿彌陀佛了! (其實幾有特色，但我對清真寺麻木哂了......) 2. 睇歌劇 我呢d咁有文化既人嚟到d咁有文化既地方梗係要做d文化野ga啦~ 話哂都係舞台劇人，點都應該睇返場戲ge~ 首選當然係華麗既「伊萬•瓦佐夫國家劇院Naroden teatar „Ivan Vazov“」啦~ 點知當日係rehearsal無演出，再打聽下，原來係「國立歌劇和芭蕾舞劇場」有一場據講非常高手高手高高手既芭蕾舞劇演出! Good! 廢話少講! 幾點開場? 好! 8點正! 我隻錶而家係7點52分! 跑呀!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! 點擊圖片放大 好不容易由City Garden果邊衝到過嚟，仲有好心既開門叔叔提示我去旁邊售票處買飛1st 「無哂靚位啦wor，得d好差既位」「唔緊要，我有得睇就得ga la」 係無問價錢之下，我用左12lev=$54買左張最山頂既正中間位! 開揚睇得哂，good! 歐洲既歌劇院真係從來唔會令你失望! 唔係金碧輝煌咁簡單，係會場內每一雕每一琢都係一件藝術品! 身處其中會令覺得成個人都高貴左! 唔單止，我個人仲暖左tim! 外面零下10度，裡面就零上30度，我件底衫就superwarm，好熱呀喂……… 點擊圖片放大 +2 至於個芭蕾舞劇就真係精彩絕倫了! 一開場! 起音樂 ------- 我眨左一下眼 ------ ee點解一開始就鞠躬謝幕ge?? ar明明8點開始，隻錶一眨眼就指住個9字ge~ 真係開心既時間過得特別快了hahahahahahhahaha~~~~ ………………………………………………………….. 頂!!!!!!!! 我一開場就自動波斷片式訓左成粒鐘呀!!!!!!!!!!!!!!! 有無咁眼訓ar!!?? 係wor我尋晚只係多哈機場訓左幾粒鐘only……… 無計啦………..個場又暖，套劇又齋柔和音樂+優美舞蹈，一句人聲對白都無，幾精彩都唔夠周公精彩啦………. 再睇觀察下四周，人群未散，似乎剛剛只係半場謝幕，即係仲有下半場比我補救! 做個負責任既觀眾! 當然，最終我亦毫無懸念地訓埋下半場啦………. 我都知自己超失禮，但真心頂唔順……….. 上次係 聖彼得堡睇芭蕾舞劇 又係訓到死屍咁，睇嚟呢家野都係敬而遠之好d………….. 3. Coffee shop嘆返杯 係必到的Bul.Vitosha大街兩旁有超級多的coffee shop，夏天會跟歐洲慣例pat哂d櫈出街做露天茶座，冬天則會用透明膠牆或簾造成一個戶外的室內空間，放哂暖爐比妳暖笠笠咁慢慢嘆杯靚啡~ 咖啡非我所好，熱朱古力雖然聽落好細路仔，但絕對係我hea coffee shop既不二之選~ 呢間「Café Momento」既hot chocolate又香又綿唔太甜，濃淍到幾乎比得上蘸西班牙油炸鬼churros果杯仔朱古力醬! 係呢d coffee shop睇睇書，望望街，自拍一堆自戀相，4.5lev = $20.5一杯hea一個下晝，寫意得很~ 點擊圖片放大 (我set左腳架係桌上影左勁多chok樣自拍，有無人想睇XD~) 點擊圖片放大 4. Free City Tour 好多歐洲國家都有free既city tour，以前我就麻麻地，因為唔太鐘意d鴨仔團想自自由由慢慢行 但而家唔係working holiday環遊歐洲果陣無限時間嗎，有個專人講解下d歷史文化都幾好呀~ Sofia既Free City Tour係頗有名的，Tripadvisor排名非常高，我諗最主要係個導遊既知識真係非常豐富，同埋feel到佢真係非常熱愛呢個城市 聽完之後，我真係知多左好多呢個城市不同的一面，仲有隱藏於城市角落中的種種歷史密碼 : 點解間普通賭場門口有個古怪標誌、點解呢個城市叫Sofia、點解個Sofia女神像唔係地標仲要無人提及……… 雖然我英文差聽得非常吃力，但真心覺得呢個tour非常有趣，值得推薦! 想join都好簡單，每日既以下時間企係「索菲亞法院大樓Palace of Justice」外等就得ga la~ 記得完左比返多少tips人呀!! April-October: 10 AM, 11 AM, 2PM & 6 PM November-March: 11 AM, 2PM & 6 PM (From官網https://freesofiatour.com/) (集合地點 : 索菲亞法院大樓Palace of Justice) 點擊圖片放大 +6 (唔係我矮，係阿Tour Guide真係高到打到NBA......) 上面就講得簡單，其實慢慢感受既話已經夠玩兩日~ 同埋以上只係Sofia觀光的冰山一角，仲有超多地方可以遊覽去wet~ 再計其他行山呀落Club果d，玩返4-5日真係一d問題都無!~ 不過，Sofia之旅我覺得最新奇有趣既，都係估佢唔到的free food tour~ 賣個關子，下篇再講! =================================== 相關篇章 : 《漫遊保加利亞 - 出發前資訊總匯集》 《漫遊保加利亞1 - 轉機多哈，舒適地訓機場》 ================================= 我既Youtube Channel正式開通啦!!!! 快d Click入 「鋒加西亞 / 旅人瘋語」Subscribe 睇片再禁個like啦!~ 岩岩開始，完全未有人睇呀~ ================================= IG果邊間中會有d和Blog及fb page不一樣的相片和story，大家有興趣既去follow下支持下啦~ Instagram : https://www.instagram.com/fung_garcia_backpacker/ Email : funggarcia@gmail.com My Facebook Page : www.facebook.com/Garcia.in.Germany Medium : https://medium.com/@funggarcia 另外文章同時刊於UBlog、 DC Fever Travel、 Blogspot 、遊牧爆谷，請各位繼續多多支持呀!!!!!!!!!!!!! 鋒加西亞 - 德國工作假期後的世界流浪
