呢排出現好多呢種一句惹怒乜乜乜，對於我地呢班背包客，要激嬲我地何止得一句？我求其都諗到10句!無聊之下寫兩隻字，大家研究下 : 1. 「腳踏實地做人啦!」 ------- 自以為事業成功搵到個錢既人最鐘意講呢d，呢種人有個綽號，叫「井底之蛙」。 2. 「你咁有錢ge？」 -------- 視乎你點玩而已。買少個袋舊錢都去到啦! 3. 「又飛？仲未玩夠呀？」 -------- 你又食飯？尋日仲未食夠呀？ 4. 「香港人？即係中國人啦! 」-------- 唔知點解，呢個事實聽落總有點不爽，點都要對方承認我係香港人先安落。 5. 「幫我買個LV返嚟呀～（心心眼）」 -------- 背囊邊有位ar 6. 「都唔明你咁辛苦為乜」-------- 係law，你日日返工咁辛苦我都唔知為乜 7. 「浪費d錢去旅行，儲下錢買樓買股票啦」 ------- 價值觀唔同，溝通唔到ga wor 8. 「返嚟現實世界啦好無？ 」------- 我地係唔同空間講緊野？ 9. 「去旅行係咪要著波鞋/行山鞋呀？」------- 唔係，著高踭鞋最好行ar 10. 「小朋友，用爸爸媽媽錢旅行呀？」sorry呢句係我專用，對德國老夫婦一講，我即刻想囉起舊豬手骨“亨”落佢個頭度! 唔知大家仲有無呢？歡迎討論～ ==================================== 補完此Blog上未成文的相片無聊閒事: My Facebook Page : www.facebook.com/Garcia.in.Germany ，多多支持呀!~
