其實係懶諗野所以個topic名先咁hea~ 上三篇講既野其實全是於Bari的第一日，第二日當我想繼續發掘此城市時，一個鬼妹突然係廚房問我去唔去乜乜乜乜乜 o下？？？？？日光日白，攪d咁既野？？？怕羞ga wor!! 但乜乜乜乜乜究竟係乜？我真係聽唔明! 於是佢就即場google比我 ----- Polignano a mare eeeeeeeee!!!!!睇落唔錯wor!!!!!仲可以同靚女把臂同遊!無理由唔luer飯應ga! 正想say yes之際，一個鬼佬於門後出現 ---- “Honey，we should go now~” ................................ Hey~~~~~~我最怕做電燈膽ga la~~~~~你地去啦～唔使理我～～～～ 於是等佢地出發半個鐘後，問清楚hostel職員點去，就又開始孤身走我路啦! 點擊圖片放大 +2 係Bari中央車站，坐廿分鐘火車即可到Polignano，車費一程€2.4，唔平唔貴啦 之不過，出車站之後無地圖無指示，向左走定向右走的確係問題 實驗衰左後，係向左呀!!!!! 一路斜路直落，搵到information center囉地圖後轉左行前兩步到橋上，wooo~~~正呀!! 正想入城睇景時竟然落超級大雨! 唉一直見咁大舊烏雲都預左ga啦，去醫肚先啦! 轉身見有間意大利餐廳，盲鍾鍾走入去叫個意粉，諗住終於有機會飽餐一頓正宗意大利pasta啦～ 原來，我錯了 即係咁...........俗語話靠山食山，靠水食水，呢度盛產海鮮係意料中事，但會唔會多左少少呢............. 好明顯個比例完全失衡啦!!!點睇都係白酒意粉燴海鮮!!!!!我想食麵呀!!!!!!!!! 不過認真，呢碟野講味道真係無得頂! 蝦仁青口魷魚全部係新鮮貨（無理由唔係掛!），以白酒融合，手製pasta則吸收盡所有鮮味，再以少量蕃茄碎潤飾味道....... 絕對係我幾廿歲人食過最鮮最好味既意粉!!!!我想食多碟呀!!!!!!!可唔可以多意粉呀？？？？ 點擊圖片放大 +2 食完飯，雨都細左，出去餐廳外海邊行下 呢道可以從較低處望上內城，如果天氣好，應該可以落水浸下tim 留意既係石面非常多孔，小心叉錯腳，而我踢拖更加高危tim啦 點擊圖片放大 +7 走回橋上進入內城啦～ 整個Polignano a mare小鎮就係處於石灰岩之上，被地中海蔚藍的海水包圍，同其他亞德里亞海岸城市不同的是，海岸模式並非「平靜泳灘話跳就跳型」，反而係「幾層樓高郭晶晶跳落去都死得型」 從岸邊回看，就像是整片陸地有一part突然跌左落海消失一樣，又或美國大峽谷，個崖壁切口係90度直角平的! 但崖下長期受海水侵蝕，於是形成如此奇觀! wa!只係呢個view都夠睇一日呀! 點擊圖片放大 +7 係崖邊向下望，石灰岩中間好似有間餐廳咁既.......... 點擊圖片放大 突然腦內閃過一幅畫面!唔通係........... 即刻跑到那條小巷，果然! 大半年前係柏林長居的East Seven Hostel，有一日撞破staff偷懶上網睇無聊野，佢同我講，呢張相係人生必去10間餐廳之一，而家我就企正係門口啦! 點擊圖片放大 張相就真係無得輸呀!但實際呢？？ Sorry~入唔到去～～ 呢間過百年歷史既洞穴餐廳Grotta Palazzese太出名啦!門口寫明除非用膳否則謝絕參觀，且必需預約，短褲拖鞋不受理 我衰足哂咁多樣野無計ga wor~~~~唯有係門口影幾張相到此一遊啦! 幻想一下，如果可以同心愛既人聽住浪濤聲咁享受浪漫晚宴，一定會好正ga je~~ 點擊圖片放大 +2 (食品價格都唔係太天文數字，係半島酒店食一餐仲貴啦。利伸 : 半島個門口都未入過) 內城區老實講就唔算非常special，唔係唔好，之不過真係比巴里舊城遜色，而且非常細小，所以除非你諗住嚟游水or晚餐，否則Polignano a mare真係半日乜都夠 其實就仲有一座歷史價值頗高的教堂既，根據我事後的資料搜集，原來我到埗前兩個月宇多田光就係呢度結婚，識貨! 但我已有教堂厭倦症，免了～ (內城原來只係影左呢兩張相.........) 望一望錶，下晝4點幾，係時候返去巴里既hostel執野走人去機場啦! 下一站會去邊？那不勒斯？羅馬？佛羅倫斯？ 對唔住～意大利其實只係我路過轉機既地方～雖然呢個地方靚到爆炸，但我真係興趣唔太大!唔想花太多時間係呢度!仲有更加吸引我既地方係前面呢! 旅程終於來到尾聲了! 距離回港既日子仲有7日，今次working holiday+歐洲旅行所踏足的第29個國家，亦係最後、最期待的國家 ------- 馬爾他!!!!!!!!!!我來了!!!!!!!!!!!!!! 點擊圖片放大 =============================== 補完此Blog上未成文的相片和無聊閒事: My Facebook Page : www.facebook.com/Garcia.in.Germany ，仲有唔夠10篇就要寫完了!拜託大家繼續支持呀!~
