大大話話都嚟左歐洲個半月，當中一個月都係自己一個係東歐旅行，睇落雖然好free，但每晚都要plan行程睇交通搵住宿，其實真係好攰 點可以平d呢？坐呢架車係呢度轉係咪快d去到呢？咁樣好似可以慳住宿wor.........當你唔係有無限金錢時，呢d行為就變成必要動作 行左一日玩左一日返到hostel，“好眼訓ar......但今晚唔plan聽日就訓街ga la......"終於又係棟高床板睇資料........呢d都算係backpacker既樂與苦吧 當然每去到新地方見到新事物都係一件異常興奮既事，之但係身體同精神上既疲勞，真係會令人有“不如算吧啦”既想法 今晚係Cesky Krumlov等晚飯上菜時，無聊睇返手機d舊相 由大學宿舍生活（睇返仲係覺得好好笑）........畢業後既第一班學生（而家已經大個哂啦）......到北京讀書生活...... 諗返起當年一個人走上北京寓旅遊於學習，上課排戲時和好友以心交流，放學就去酒吧飲杯酒睇下書，得閒走堂去睇名勝古蹟，夜晚同hostel好友談天說地 還記得那嚴冬中左手控單車右手羊肉串的逍遙情景，當時既我何等自在？ 同樣是遊歷，在這不遜京城美麗的東歐，點解我會有種無形既壓迫感？ 我係咪太著重只往前去見更多更多，忘記了感受當下的自己呢？ Elton劉浩翔自編自演既舞台劇「相聚21克」一句印象極深的說話--「愛係要記住ga」 相處太耐，好多時就會慢慢忘記起始時的熱情與感覺 結婚10年，仍記得和情人第一次約會的忐忑害羞嗎？ 埋首廿年苦幹，仍記得初出茅廬時的熱情與夢想嗎？ 這次長途旅行的目的？ 回歸路上，想到當時的笑容，看著漫天繁星，我記起了 =================================== IG果邊間中會有d和Blog及fb page不一樣的相片和story，大家有興趣既去follow下支持下啦~ Instagram : https://www.instagram.com/fung_garcia_backpacker/ ============================== 我既Youtube Channel正式開通啦!!!! 快d Click入 「鋒加西亞 / 旅人瘋語」Subscribe 睇片再禁個like啦!~ ================================= Email : funggarcia@gmail.com Facebook Page : www.facebook.com/Garcia.in.Germany 文章同時刊於UBlog、 DC Fever Travel、 Blogspot 、遊牧爆谷、Medium，請各位繼續多多支持呀!!!!!!!!!!!!! 鋒加西亞 - 德國工作假期後的世界流浪
