斯洛伐克首都Bratislava，中文大概譯做“布拉迪斯拉發“，同維也納係世界相距第二最近既首都 老老實實，我其實係google map時見佢地咁近又想盡快走佬先選擇嚟呢度 之前莫講話Bratislava，斯洛伐克唔係睇奧運聽鍾仔講過都唔知啦!幾乎以為係蘇聯分裂出嚟tim ar! 於是做左好多好多資料搜集（95%係英文!），先膽粗粗一個人獨自上路 其實我連呢個國家有咩玩有咩重要野睇都係所知皮毛，連會stay幾多日都未firm，今日book聽日hostel，總之我10/10要去到匈牙利既布達斯坐火車返德國就得啦! 由維也納去Bratislava有好多種方法，火車巴士都又平又快，但我係選擇------坐船ga!!!!!!!! 20€，1個鐘頭45分鐘到，沿途暢遊多瑙河+睇日落，點睇都係best choice! 但我計少左兩樣野 : 陰天同溫度! 近零度下係高速航行中既船頂吹風.................... （其實隻船真係幾舒適，仲好過澳門果d） （睇我個樣都知，風力係輕過100磅會被吹落河ga） 落船後，係言語嚴重不通+交通圖唔知佢想點下，好不容易先搵到book左既hostel 天色已漸沉，落日如霧燈 食個飯飲杯野同旅館人打下牙較囉information後，第二朝就出發去城堡散步觀光 但又中計........比個阿姐指去坐巴士但錯方向! 明明我想去山上既城堡ga，點解呢度咁一望無際，方圓百里搵坐5層樓高既物體都無ge?Bratislava山城嚟ga wor! 問d路人全部唔識英文，但又識講I don't know wor 終於等下一班原車返去..........原來我岩方向既只需坐3個站，但我坐左廿個......... 浪費左成朝，呢個城堡總算無令我失望，都幾靚 不過我想講我係想去Davin Castle而唔係市中心呢個law!!!!!!!!!!! 點擊圖片放大 飯後行下最多遊客到既市中心舊城區 八陣圖既程度係自認"人間GPS"既我第一次行都分唔到東南西北 到黃昏沿多瑙河漫步睇日落，為到此的指定動作吧 點擊圖片放大 +4 再第二朝8點起身，終於去到尋日中伏去唔到既Davin Castle! 呢座於與拿玻倫戰爭中起重要防禦地位既古老石城堡，古時守護著多瑙河的重要水道，現卻只是遊人觀賞美景的踏腳石，說來不勝唏噓 為它保持尊嚴，起碼最高之處現在閒人免進，當然對觀光客來說未免可惜 點擊圖片放大 +2 參觀完，囉行李，向下一站Banska Stiavnica出發 正如我facebook所講，唔好問我，我自己都唔知咩地方嚟............ ==================================== =================================== IG果邊間中會有d和Blog及fb page不一樣的相片和story，大家有興趣既去follow下支持下啦~ Instagram : https://www.instagram.com/fung_garcia_backpacker/ ============================== 我既Youtube Channel正式開通啦!!!! 快d Click入 「鋒加西亞 / 旅人瘋語」Subscribe 睇片再禁個like啦!~ ================================= Email : funggarcia@gmail.com Facebook Page : www.facebook.com/Garcia.in.Germany 文章同時刊於UBlog、 DC Fever Travel、 Blogspot 、遊牧爆谷、Medium，請各位繼續多多支持呀!!!!!!!!!!!!! 鋒加西亞 - 德國工作假期後的世界流浪 鋒加西亞 - 德國工作假期後的世界流浪
