歡迎大家來到SEVEN KINGDOM的首都君臨城，我們在這一篇會集中介紹Lannister的基地。可以好好比較現實同埋拍戲的場景之分別，我們權力遊戲實景遊正式開始，一於帶大家走到亞得利亞海珍珠之稱嘅DUBROVNIK 好快就去克羅地亞第二個城市dubronvik, 呢度係權力遊戲中HOUSE LANNISTER 黃金獅子嘅根據地，大部份關於君臨城嘅戲份全部都係喺呢度拍，入到黎Dubrovnik真係有一種去咗片場嘅感覺，因為整個舊城都充滿著權力遊戲史詩式的味道，就算無特別介紹，你已經可以深深感覺到呢度一定是King’s landing, 絕對是毫無疑問地感受到。整個古城倚山傍海，林木茂盛，是座具有中世紀風貌的古城，其獨特的古城氣質和權力的遊的中濃厚的歷史氣息相符合，是作為取景地的絕佳選擇。 當然她真的在劇中佔了超高戲份，令原本已經非常受歡迎的Dubrovnik變得更加多遊客，在夏天旺季時經常令到舊城有人滿之患，本身居住在舊城的居民覺得很滋擾，所以今年Dubrovnik為了保障居民的生活品質，會開始每日限制遊客量，我們去遊覽時記得不要打擾當地居民的生活，因為人家是真的生活在這座舊城內。事不宜遲，我們走入權力遊戲的世界吧！ RED KEEP 點擊圖片放大 現實中嘅RED KEEP裏便係咩都冇㗎，就好似一個古代嘅要塞城堡一樣，不過就係睇古城嘅絕佳位置 被譽為係七大王國中最堅固嘅城堡，絕對無法攻陷，由Targaryen時代起已經出現，現在係屬於黃金獅子嘅最強堡壘RED KEEP, 佢嘅真身就係位於Dubrovnik舊城外的Fort Lovrijenac，當然係劇中用咗大量嘅CG幫佢加左無數咁多㙮，不過睇外表都可以睇到佢嘅外型。要想去呢個要塞，大約要行10分鐘嘅樓梯，佢嘅入場費連埋行Dubrovnik城場總共係HKD220左右，入到去你都可以發現到好多出現咗喺權力遊戲中嘅場景，例如SEASON 2 中的’POWER IS POWER’, Cersei同Little finger 討論乜嘢先至係權力，嗰一場戲就係喺在Fort Lovrijenac裏面拍攝，入到去可以感受得到呢一場戲嘅氣氛，感覺Cersei就係係你旁邊。而Jeffrey’s name day, 即係佢嘅生日會亦都喺呢度拍。 在城堡內算是保修得幾好，但要上這城堡大確要行二百級樓梯左右 Black water bay （PILE BAY) Pile bay 真係喺權力遊戲中拍咗好多重要嘅戲，佢嘅出場率係非常之高，優美嘅海港景色，再配合兩邊嘅懸崖，當然啦會加咗好多後期製作，咁就成為咗君臨城BLACK WATER BAY。其中最出名最令人深刻當然係小惡魔用Wildfire大戰Stannis Baratheon無敵艦隊，嗰一幕是非常震撼，一遍嘅綠色火焰。 Sansa一直都好想離開呢一個令佢恐懼嘅君臨城,而Little finger就係喺pile bay說服Sansa 跟佢一齊逃出君臨城。 就連Cersei送走佢最愛嘅小女兒去多因結婚都係喺呢度拍攝。 Pile gate 呢度就係我哋最討厭嘅King Joffrey引發左君臨成人民暴動嘅地方，當然啦呢度亦都係進入去Dubrovnik 古城的大門，你係一定唔會搵得到㗎。 Fort Bokar 來到Dubrovnik 古城的城牆係我真心推薦給大家一定要去嘅地方，城牆連Fort Lovrijenac的門卷是HID220, 行古城城牆是由逆時針咁行，行一圈大概要個半鐘，你不但可以喺上面睇到整個古城嘅面貌，更加可以有唔同嘅角度欣賞到Dubrovnik古城嘅美，而且一直沿住海邊行，風景真係非常之優美，再加上Fort bokar 係要上城牆先至可以去到，咁樣冇道理唔上啦？ FORT BOKAR 就是黑水灣之戰前小惡魔和瓦里斯商議如何防禦時的場景就是在這裏拍攝的，不過現在拍攝時的平台不允許遊客上去，只能遠遠觀望一下。 PS 夏天的Dubrovnik係超級無敵熱，城牆無遮無掩嘅地方，記得要帶足夠嘅水同埋太陽帽，唔係真係會中暑㗎。 Minčeta Tower 呢一個係睇第二季出現，鎖住三條龍寶寶冇入口嘅塔，佢嘅真身就係喺Dubrovnik古城牆行到最後嗰度。記得唔好遺留左佢啊。 HISTORIC STAIRS 歌德式樓梯 大家對這條樓梯一定印象深刻吧！ 「When you play the game of thrones, you win or you die, there is no middle ground.」 Cersei Lannister《權力遊戲》第一季第七集 CERSEI係我在權力遊戲中最喜歡的角色（應該令到大家咬牙切齒嘅角色），但係我真心佩服佢，因為佢擁有非常高嘅政治智慧，而且嗰一種氣魄，權謀，狠心，都係劇中任何角色都冇得同佢比，絕對有能力問鼎鐵王座，但佢嘅一生裏面做得最錯嘅決定，一定係想利用HIGH SPARROW去清除自己嘅政治敵手，不過最後自己代入左HIGH SPARROW嘅圈套，從而有第五季最精彩嘅WALK OF SHAME， 呢一幕CERSEI全裸由大教堂赤腳行返去RED KEEP, 沿路不斷比民眾羞辱，而耳邊不斷響起‘SHAME,SHAME’, 呢一幕大家一定難比忘記吧。 果條羞辱之路就係喺Dubrovnik古城內拍攝，呢一條歌德式樓梯真係非常之經典，你一定唔可以錯過，它是在古城大街見到鐘樓後右轉，再行入少少就可以見到，我哋都趁住人少小時玩左一段WALK OF SHAME, 仲要中間會有人加入，果然嚟㗎呢度大多數都係權力遊戲嘅忠實FANS. Purple wedding 記唔記得KING JOFFERY 同 Margrey 結婚，當佢切開有白鴿飛出嚟嘅批，食咗一啖就死咗，呢一幕係在古城外嘅臨海公園拍攝，拍嗰陣時因為搭咗好多帳幕，同埋又再加咗好多場景，同現實嘅場景真係好唔同，又一次證明劇組有幾咁犀利。不過呢一度其實係影整個Dubrovnik 古城外貌最perfect嘅好地方。 關於權力遊戲在Dubrovnik拍攝地點的介紹新差不多了，睇完晒之後係咪覺得劇組嘅美指好犀利呢，可以將一個真實嘅地方改頭換面，完全你搵唔到嘢任何違和感。 其實這個古城，就算你對權力遊戲無任何興趣，都是非常值得遊覽，因為她真的保全得很好，有很多充滿中世紀風格的窄巷又有非常漂亮清澈的海水，夏天時很多人會在古城附近玩水，特別推介可以坐纜車上去欣賞整個君臨城嘅全景，來回纜車費用約$100。而且這裡還有非常美味的海鮮料理，所以DUBROVNIK才會成為2018年最佳旅遊地點之一。 PS 克羅地亞就算不是自駕遊都可以玩得很輕鬆方便，只要好好利用FLEXIBUS的服務。而且古城嘅面積都唔係好大，大約一日就可以玩晒，如果想知道拍戲嗰啲地點可以參考下面的地圖，紅色圈圈就是拍攝地點 https://youtu.be/nIk4Qo_OScc https://youtu.be/nIk4Qo_OScc
