權力遊戲現實遊 ：龍母的基地MEEREEN 點擊圖片放大 今年2019年係非常之特別嘅一年, 因為HBO神劇將會在四月14日播出final season, 俾啲提示大家，其中一句金句‘winter is coming’， 係咪好apparently 就可以估到呢？冇錯就係HBO美劇中嘅神劇權力遊戲。作為權力遊戲其中一個忠實fans, 一直都被它獨特嘅魔力吸引着，每一個season嘅劇情當然非常之精彩，五花八門嘅殺人方法，精心佈局嘅權謀，你永遠都估唔到會死邊一個，點樣死。當你睇權力遊戲時, 除咗爭奪鐵王座嘅過程精彩之外，有冇覺得佢嘅取景係一絕呢？ 每一集每一個鏡頭都非常賞心悅目，因為佢最主要係實景拍攝，將劇中7個王國，分別在歐洲不同國家取景拍攝，務求令到整套劇可以更加真實（怪不得一季十集要拍成一年啦）白雪紛飛的The wall 最主要在冰島取景，winterfell 就是在蘇格蘭，紅色眼鏡蛇的Dorne就是在西班牙的Seville， 龍母的bay of Slave YUNKAI 是取景自摩洛哥，而曝光率最高嘅lannister基地君臨城和龍母的金字塔MEEREEN就是在克羅地亞取景，既然權力遊戲的最後一季將會在四月播出，‘Winter is coming’， 我都係時候要出發去朝聖權力遊戲，今次我哋揀選嘅就係據中最主力嘅場景克羅地亞，好啦我哋嘅權力遊戲實地場景克羅地亞之旅正式展開！ 在進入權力遊戲世界之前，簡單介紹一下克羅地亞這個國家吧，她是位於巴爾幹半島，與意大利相隔了亞得利亞海，全年的氣候相對mild, 冬天不會太冷，夏天就是超級好天氣。不過巴爾幹半島呢一個名稱係咪有啲好熟悉嘅感覺呢？冇錯佢就係第一次世界大戰中被譽為歐洲軍火庫嘅地方，而一直去到近代史佢都係充滿戰亂，直到大約20年前左右，和平終於正式降臨克羅地亞，呢幾年佢甚至成為歐洲人嘅後花園，渡假天堂，夏天就是她的超級旺季，遊客可以用MASSIVE來形容，因為佢不單止風景美麗，一流的海灘，最重要洗費非常之平，佢值得玩嘅地方真係好多，好似有被譽為歐洲九寨溝嘅16湖國家公園，紅心城市ZAGREB。 克羅地亞真是一個旅遊資源超級豐富嘅國家，一個美到會出泡的國家，它擁有美麗動人的瀑布群，迷人的海灘，神秘的藍洞，古老的舊城，是一個是可以滿足不同遊人desire的好地方，就算不是權力遊戲迷都非常值得一訪。 不過今篇最主要最集中係介紹權力遊戲裏面嘅場景，所以我會好集中咁介紹兩個地方SPLIT（龍母的Meereen)和DUBROVNIK (LANNISTER的君臨城）。關於其他嘅旅遊景點我會喺其他篇章再為大家介紹。好啦，我們進入權力遊戲的世界，let’s go, all lords and ladies. 權力遊戲係克羅地亞最主要係兩個地方取景，一個係SPLIT而另一個是有歐洲珍珠之稱的古城Dubrovnik, 要一次過去晒兩個城市一啲都唔難，佢哋嘅距離大約係三個鐘頭嘅車程左右，好啦我哋先去龍母嘅基地Meereen, 佢嘅真身就係亞得里亞海沿海城市SPLIT, 我哋一於跟住龍母嘅足跡去旅行，出發! SPLIT由第五季開始好重戲份嘅地方，好多出名嘅場景都係喺度拍攝，例如HIGH SPARROW同CERSEI邊行邊討論權謀嘅窄巷，無㻈者和son of haspy一直追殺的橫街窄巷同古老地下城，當然還有龍母第一次進入Meereen的十字架路，她將佢兩條寶貝龍鎖住的地下宮和屬於佢嘅金字塔基地，全部都係喺SPLIT拍攝，一個地方就可以見證咁多權力遊戲中重要嘅場景，作為權力遊戲鐵粉嘅我真係未出發先興奮哦。 好，帶大家進入權力遊戲嘅世界，第一個係SPLIT的戴奧克里先皇宮。 權力遊戲世界： 戴奧克里先皇宮：佢座落在SPLIT海港旁邊，是非常出名嘅古城，基本上每一個到訪SPLIT嘅遊客都一定會去。她位於亞得里亞海旁邊嘅一座保存超完整嘅舊城，現在還有幾千人住喺城裏邊，不單止保留了完整的古羅馬建築物，亦可以體現到人民喺裏面生活嘅環境，係一個充滿活力嘅古蹟。 整個舊城有四個出口，我哋會有南面的銅門（在停車場旁邊) 進入呢一個古城，為什麼呢？因為由呢一道門進入就係權力遊戲第一個景點，呢一個咁陰森嘅環境，再加上前面果條樓梯係咪好似曾相識呢？冇錯呢度就係龍母困住佢兩條龍嘅地下宮，歡迎大家到訪鎖住寶貝龍龍嘅地下宮，龍龍被龍母關在裏面，要佢地自我反省，唉可憐的龍寶寶。後期，龍母還帶同幾個可疑的偉主來要龍寶寶動用私刑，炭燒偉主再順便將他變成可口小食，其實這個媽媽真的有點變態，怪不得她的孩子有時會有狂野的一面。 在劇中當然加入大量的CG，你喺呢度佢搵唔到果兩條龍㗎。其實真實的地下宮是有好多攤檔，有很多權力遊戲的紀念品賣，喜歡的話你可以買張鐵王座回去，PS呢度是比Dubrovnik 便宜啊。 沿住地下宮嘅樓梯一上，返到戴奧克里先皇宮嘅地面圓頂前廳，呢度就係經典嘅無㻈者和鳥妖之子大打出手嘅地方，在劇中他們互相斯殺，現實中我哋都喺度上演左一場大戰，懷緬權力遊戲中經典嘅場面呀嘛。 離開咗圓頂前廳，我哋會見到戴奧克里先皇宮最出名嘅鐘樓同埋羅馬廣場，不過呢啲景點都同權力遊戲係無關嘅，不過就係非常之出名嘅打卡位，不知為何這裡竟然會有獅身人面像，果然是古羅馬帝國的遺跡，這裡都可以體驗到古羅馬佔領埃及的痕跡。 戴奧克里先皇宮的鐘樓是非常出名，如果日子許可，你可以付費爬到最頂，從那裏係可以睇得到晒整個SPLIT嘅景色，但係奈何我哋來嘅時間佢要維修所以就冇得上鐘樓啦，只可以留返下次啦。 好啦，繼續我哋嘅權力遊戲實景旅遊，第三個景點就係戴奧克里先皇宮中縱橫交錯嘅橫街窄巷，是否覺得好陰森呢？呢度佔了很重的戲份的，拍左好多場戲，例如killing master, 無㻈者巡邏Meereen, 到後期嘅鳥妖之子和無㻈者追殺嘅場面全部都係喺split嘅橫街窄巷拍攝，嚟到呢度你可以隨意行，都可以體驗到權力遊戲嘅足跡，我哋都喺度表演左場killing Master嘅戲。在這些橫街窄巷隨意逛逛都可以感受到權力遊戲的味道，所以建議可以毫無目的地遊逛這個古城。 MERREEN = KLISS FORTRESS: 我們keep going 權力遊戲實景之旅吧，下一站就是探訪龍母最強基地Meereen, 其實龍母嘅基地亦都係SPLIT拍攝，記唔記得嗰座大金字塔，佢嘅真身就係離開SPLIT舊城區大約20分鐘車程嘅KLISS FORTRESS, 我哋下一站跟住權力遊戲去旅行就帶大家去睇下KLISS FORTRESS。 首先提提大家，呢一度嘅開放時間係由九點至到四點，我哋今次係好好彩遇到佢要維修電線，所以過咗四點都可以入得到，平時四點就一定會閂門。唔想食閉門羹最好就係早上過來。同埋呢度有少少遠離市區，交通非常不便，如果冇自己揸車，強力建議可以包架車上嚟。 KLISS FORTRESS最出名就係在權力遊戲第四季中，龍母帶住佢嘅無㻈者兵團進入Meereen, 解放裏面嘅奴隸，慫恿佢哋將偉主（killing master)殺死，再將偉主沿著上山的路釘上十字架，變成一條十字架路（其實真的懷疑龍母是真心變態，成日將人燒死釘十字架），從而解放整個奴隸灣，建立自己嘅基地，整個拍攝就係喺呢一度，當然金字塔係後期CG加工, 但係你可以發個建築嘅風格係同Meereen好相，而龍母係第五季處死左奴隸嘅領頭，然後比其他奴隸用石頭襲擊就係喺呢一度拍攝。 確實KLISS FORTRESS 真係好有嗰一種遠古嘅要塞味道，因為呢度真係用嚟抵抗OTTOMAN EMPIRE進攻嘅一個軍事要塞, 所以權力遊戲正正利用咗呢一種嘅氣氛去營造劇中MEREEN充滿異國色彩嘅軍事要塞味道。 呢一度亦都係睇日落嘅好地方，整個黃昏景色係美，而且四周圍都無人，感覺真係份外浪漫。 權力遊戲在SPLIT的場景就算介紹完畢，我們下一篇會進入narrow sea 對面的君臨城，尋覓黃金獅子的足跡，有興趣想睇更多關於克羅地亞中的權力遊戲景點可以click 入我的YOUTUBE https://youtu.be/nIk4Qo_OScc https://youtu.be/nIk4Qo_OScc PS Wikipedia: 戴克里先宮（克羅地亞語：Dioklecijanova palača，發音：[diɔklɛt͡sijǎːnɔʋa pǎlat͡ʃa]）是一座羅馬帝國宮殿，約建於公元295年—公元305年，佔地近4公頃。戴克里先退位後即居於此。它位於克羅地亞斯普利特市，是一座宏大壯麗的海濱堡壘和豪華巨型鄉間別墅。1979年，該遺址被列為世界文化遺產 庫利斯要塞（克羅地亞語：Tvrđava Klis）是克羅地亞的一座要塞建築，位於達爾馬提亞中部城市斯普利特郊外，站在該城堡上，可以俯瞰下面的古羅馬遺址Solina城。庫利斯要塞起源於古代伊利里亞時期的一個小堡壘，13世紀匈牙利王室為躲避蒙古人的入侵曾短期來此。土耳其人佔領巴爾幹地區後，也在這裏駐軍，與駐守斯普利特的威尼斯共和國軍隊對峙約100年。庫利斯要塞是達爾馬提亞主要的防禦工事之一，是連接地中海和巴爾幹後方的要道。
