如果作為一個文青,你在里約熱內盧就真係適合不過,首先呢一度有超多嘅街頭藝術表演,graffiti, 同埋好多裝修超靚既打卡cafe, 其中我要大力推介俾大家嘅係SANTA TERESA呢一個小區,佢係遠離沙灘區,在山上嘅一個小區,呢一度最出名嘅就係行下美術館,影下街頭graffiti, 同埋又可以搭嗰㗎黃色嘅小電車(好似葡萄牙里斯本嗰隻呢)上上落落座山,最重要最重要係嗰度有好出名嘅磁片樓梯 街(selaron steps), 呢一個小區絕對足夠你一日嘅時間慢慢喺度Hea同埋無限嘅打卡。咁我哋依家起程! 呢架就是小黃車,好似Lisbon 個架呢? 就算是車站都好多graffiti 和超級colorful 在Santa Teresa, 我建議大家可以多啲用隻腳,因為佢係街邊真係有好多唔同嘅graffiti, 尤其是係上咗山之後嗰一段,嗰啲graffiti 全部都好靚 好colourful, 同埋好代表得到里約熱內盧,好似我哋成日都見到有耶穌將麵包山,亦都有la Paz 個水道, 同埋作為Santa Teresa signature 嘅黃色小電車,所以係呢一度隨便行吓都可以影到無限咁多張相, 真心佩服巴西人嗰一種天生的藝術才華,係Santa Teresa 街頭行走時就好似行緊戶外藝術館一樣, 不過呢一區又真係有好多藝術畫廊,大家有興趣可以買返一幅,絕對係非常之有Memories嘅手信。同埋行得攰就可以隨便搵間Cafe飲番杯巴西咖啡,已經係一個超級relax嘅行程。 點擊圖片放大 第二個地方可以介紹俾大家嘅係PARK RUINS 遺跡公園,都係喺山上面嘅條路都好易搵㗎因為四周圍都有指示牌教你點樣行去,首先呢一座係一座荒廢左嘅大宅,不過佢又保存得幾好,所以呢幾年喺IG好紅,同埋有時weekend喺嗰度都會舉行音樂會,所以好多人都專登上去。最重要最重要係由遺蹟公園望出去可以睇到里約嘅全景。不過行上山果段石仔路都幾辛苦啊。 第三個要介紹俾大家就係一定要搭黃色嗰㗎小電車,呢一架簡直係里約嘅signature,佢啲上山要錢(HKD80 都好貴下)落山唔使錢,最重要佢係人手開關,而且行起嚟會閣下閣下,好似時間倒流左咁,好有特色,但係因為咁有特色所以成日都好full, 上唔上到車就睇你運氣啦,基本上佢係行晒成個Santa Teresa 小區,我哋就未試過坐晒全程,上山去返中間位置就大約要15分鐘左右,呢一程車其實真係幾舒服,尤其是係大熱天時。highly recommended 俾大家! 點擊圖片放大 +2 來得呢一區點會唔去Santa Teresa 最最最出名嘅 selaron steps? 呢一條紅色嘅磁片樓梯吸引左無數嘅遊客,佢有咩特色?咪就係將世界各地唔同嘅磁片decorate咗喺條樓梯上面, 令到佢變成里約嘅特色。 講起呢一個藝術家selaron, 佢原本就係想將佢住緊呢一個小區變得有啲特色,所以佢就將一啲廢棄左嘅磁片拎返嚟慢慢decorate 條樓梯,跟住啲人覺得佢咁有心,咁就係全世界各地唔同地方寄咗好多唔同嘅磁片俾佢,希望佢可以將自己嘅國家出現喺呢一條樓梯上面。 所以行呢一條樓梯最開心嘅地方就係可以數下有幾多個國家,基本上你諗得出嘅大國,英國美國德國意大利土耳其中國日本加拿大嘅磁片你都可以搵得到,就算係一啲細國你都會見得到㗎,咁樣就做咗一個充滿着里約特色嘅景點,亦都吸引左無數嘅遊客嚟咗呢一區,將呢一區變得有活力,平時下晝嚟嗰陣時會見到一車車嘅遊客,要喺條樓梯影相都好難,不過就係因為咁樣令到SANTA TERSA 變得有活力有朝氣同埋最緊要有人流。 不過最尾, Selaron呢一個藝術家亦都係死在呢一條樓梯,佢真係將佢自己嘅生命奉獻晒喺呢一條咁有特色嘅紅色樓睇上面。 呢一度真係好鍾意飲caipirinha, 周街都可以見到有人賣仲要係超級平,一杯大大杯都只係R8, 見到唔係唔飲番杯。 不過都要睇吓大家,記得記得只可以日頭嚟呢一條樓梯,一到夜晚呢度就係好正就算連當地人都唔夠膽行,因為遇到俾人搶嘢嘅機會真係太多啦。來巴西要玩得安全,真係樣樣野都要小心㗎。 如果大家想更多關於里約可以click入YouTube https://youtu.be/M_G2pm9U3gk https://youtu.be/M_G2pm9U3gk 亦可以follow我的IG terricatcat