GOOD DAY, Copacabana ! 來到里約熱內盧,唔係唔去下出名嘅海灘玩下,我要睇大隻巴西型男,和超sexy的G strikes bikini! 我哋住喺copacabana, 由Best western plus copacabana行過去海灘大約行三個block, 十分鐘左右,算係非常方便, highly recommended BEST WESTERN PLUS俾大家。 人人都話去Copacabana 好危險,會被人打劫搶野,要緊記三件事保證你開心又愉快: 將你的貴重物品(iphone, 表,錢)全部留在saver, 唔好帶去沙灘,小編我只是帶了大約R200租下沙灘椅買下Caipirinha (Cachaca 加冰加糖加薄荷,一早超級Fresh嘅cocktail)飲,但係又唔可以完全唔帶錢,如果真係遇到有人搶嘢,都只是有啲嘢俾人搶咁你條命就安全啲。 記得一定要帶太陽眼鏡,唔係點樣欣賞沙灘上嗰啲型男索女(真係好多大隻猛男係沙灘上面踢足球) 一入夜就一定要離開沙灘千祈唔好夜晚去行沙灘(除非你好想在巴西比人打劫,體驗一下巴西打劫文化,哈哈) COPACABANA 是一個超長的海灘,大確有十公里左右,要行完是超難的,所以入到去你可以先搵下邊個area你想stay, 因為一入到海灘就已經好多人走過來問你要唔要租沙灘椅呀沙灘傘呀,你可以好有禮貌咁拒絕,而當你走出他的範圍,咁佢就唔會繼續bother你,不過換左第二個,基本上D小販都唔會push你要租,佢會approach你,但你都有權利say no。 咁租一set兩張椅加太陽傘大確R100左右(其實呢度係overprice, 我們第二次來里約時就知道原來R50應該可以租到,唉遊客=水魚),其實椅可有可無,反而太陽傘比較重要,that’s why第二日我們去 Ipanema時就自己帶毛巾,連租呢D野的錢都可以慳番。 BTW巴西海灘是冇公眾免費shower, 全部都是私人泵水俾你沖涼,你係要俾錢沖身架。 在copacabana 見得最多嘅就係型男踢足球,果然巴西就係巴西,足球果然係佢哋國技,點解可以係沙灘上面踢足球?鍾意佢哋全部都係大隻型男,單單坐喺沙灘隻眼已經喺度享受緊。 來得里約海灘點會唔去游下水,沖下浪,點樣都要去巴西游下水,今日非常之大浪,所以當沖左出去之後好快就比啲浪返嚟,好好玩。你呢一度當然梗係唔係游水,玩吓水沖下浪就得 坐喺沙灘椅,飲住杯caipirinha(呢杯買得好貴,一時唔記得咗匯率,我竟然用咗R150買呢杯野,其實出邊只係飲二三十次蚊,係俾人搵笨㗎啦,不過算冇俾人打劫)欣賞成個沙灘嘅型男和超多的超性感嘅巴西女郎(佢哋都係只係着G STRING BIKINI, 睇到我面紅耳熱)果然南美就係南美,熱情如火。不過老公話copacabana 啲女仔唔夠靚,同埋身材太豐滿。 你到巴西梗係要食巴西雞翼,在copacabana 裏面成日都有好多小販兜售唔同嘅嘢,燒雞翼就即場燒比你,仲會喺沙灘賣bikini(買咗點換?),當然啦仲有好多小食,總之成個沙灘都係充滿着活力,同埋小販。不過copacabana 嘅沙灘係非常乾淨,當地人係自發執走晒所有垃圾(因為好多野都可以循環再用)所以喺沙灘裏面我哋見唔到有垃圾。 HOLA Sexy Ipanema! 提提大家,Ipanema 真是好多靚仔靚女,所以才會有那首唱到街知行聞的的依帕內瑪女孩,一句句超感性的旋律,令聽到的人都好想見下這個美麗的伊帕內瑪女郎,簡直是巴西國歌一般。如果想感受巴西果種靚人靚景,又chill又relax的生活態度,一定唔可以錯過來Ipanema, 一張beach mat, 一把太陽傘,一杯caipirinha, 已經可以spend 一個超chill 的下午。我哋因為你左兩次,係一個咁長嘅沙灘,一定要去9號post,點解好簡單因為所有最靚嘅人都係晒嗰度,雖然唔知點解,不過啲型男即係集中晒嗰度踢足球,所以今次最重要就係喺嗰度搵個靚位。 依帕內瑪長達數公里的海灘有著清楚的分區,每個團體都有自己最喜歡的沙灘區域。個人最喜歡就是Posto Nove(9 號救生站)因為有最吸引有六塊肌的俊男以及身穿比基尼的美女,眼睛真的很忙碌。位在 Rua Farme de Amoedo 路盡頭的沙灘區,是夜生活的最佳據點,也是著名的同志海灘,被暱稱為 Bolsa de Valores(證券交易所)。8 號救生站是貧民區年輕人的熱門去處,衝浪愛好者則聚集在 7 號救生站。嬉皮、知識份子、單身遊客和有小孩的家庭,也有各自偏好的沙灘區域,大家要去適合自己的區域啊! 巴西果然係足球王國,佢哋就算喺沙灘裏面都係踢緊波㗎,仲要係一圈圈咁樣踢,齋欣賞佢哋嘅球技都已經值回票價。除咗睇人踢波我自己都有落去沖浪,不過呢度嘅海水真係好凍同埋好大浪,玩吓就得,玩左一陣水我都要即時上返黎晒返熱個身。其實你巴西旅行真係好優哉游哉,真係可以好好休息嘅地方。不過係Ipanema,最重要係來睇日落,因為呢一度嘅日落係全美約最靚,所以係好天氣嘅日子真係超多人係呢一個懸崖等睇日落,我哋一於一邊飲住杯caipirinha, 一邊等太陽落山。 如果想睇更多關於里約可以上我嘅YouTube https://youtu.be/0LggiheC5gk https://youtu.be/0LggiheC5gk 或者亦都可以follow我嘅IG Terricatcat. 下一篇我會介紹里約文青打卡好地方