TEAMLAB YouTube: https://youtu.be/bKExzIr3q0w 擅於玩弄光，影，聲及高科技的Espon TEAMLAB終於回歸東京作展出，展出名為[boundless]嘅光影藝術，這次是一個常設的展覽，所以大家下次去東京時，就可以欣賞到這個透過光與影嘅互動，帶給參觀者一次極富色彩嘅震撼感觀展覽吧。今次的展期是由2018年6月21日在台場的Platte town( 即是台場彩虹摩天輪附近）開始，依家有個early bird discount，成人入場費係¥2400，優惠一直去到七月中，過咗之後就要收¥3200，入場係由11點開始一直可以玩到9點，總之就係一張入場券包你玩足一日，不過喺呢度提提你，Teamlab呢個展覽係超受歡迎，所以喺網上訂飛係必須，基本上即日係買唔到飛，有興趣嘅朋友記住出發前訂定飛啦，唔係好意就會失望而回，而今次呢個網係有英文嘅。 由東京去台場最方便的方法一定是撘山手線去新橋站，然後轉百合海鷗線，假設你係住新宿，咁樣搭車去台場，連轉車時間大約是一個鐘，車程嘅時間是可以接受吧。不過提提你如果想去Teamlab嘅展覽係要喺青森站落車哦，千祈唔好打錯喺台場站。 Teamlab雖然係11點鐘開門，我哋自問都已經早左少少到， 但都要排隊入場，我哋10點9去到已經排左大約二百人左右，係為咗可以make sure場內不會過份擠擁，所以都係分批分批咁放人入場，我們大約等左20分鐘便入到場，以等候嘅時間來講算係唔錯， 所以提提大家，Teamlab依家真的好hit, 可以的話千萬不要在週末前往，人頭湧湧咁樣又啲可以影到靚相吧？ 去Forest of Lamp大約要排20分鐘左右不過睇完之後覺得非常之值得，因為被數千個燈包圍着的感覺實在太夢幻了！ 一入到場，可以見到有三個指事牌，FIREST OF FLOWER, FOREST OF LAMP 和 FOREST OF ATHLETIC , 去完之後，我個人覺得應該先親人少少去左FOREST OF LAMP, 因為呢個展覧會限人數入場，趁住佢啱啱開門人未算太多時，咁樣可以排少啲隊，而且呢個展觀是我個人覺得最靚，最震撼最值得去睇，你一入到間房去邊，會被無數的燈包圍着，再加上四面的鏡，你會好似入左去一個無限伸展的空間，感覺非常奇異，完全好像置身於異世界一，而且燈的顏色是會不斷變化，增強了視覺上的衝擊，呢度係唯一一個會有時間限制的展館，大約每組人可以留三分鐘左右，所以影相要快喔！ 第二個強力推介嘅係去光影瀑布，一入到去你會比一幅巨型嘅瀑布吸引，當你完全好似河床一樣嘅假石行上去嗰陣時，啲河水會因應你嘅走到而分開，感覺真係太過神奇，坐在瀑布底，任由瀑布洗刷，呢一種感覺竟然係光影展可以搵到。 而這瀑布亦都會因為時間嘅流逝而有所改變，記得要耐心地等候。已喺瀑布對面嘅牆，你成日都會見到好多字浮現喺場上邊，記得你要去捉住嗰啲字，因為你只要捉到嗰啲字佢就會幻變成圖案，例如你捉到個雷字，佢就會突然出現行雷嘅景象，呢個係超好玩嘅互動裝置。 第三個我會推介嘅係無限星光，呢一間房好簡單全部都係鏡和一串串銀白色嘅LED，所以當你走入其中嗰陣時就好似身處喺無限嘅宇宙中，你四周都係比閃閃新輝嘅星光包圍着，完全可以忘記左方向同距離，呢度簡直係打卡一流。 講起打卡，其實入到去花花世界，所有女仔都應該唔捨得走，因為呢度真係有萬千個花花圖案任你影相，每一組都好有特色，尤其是今年係以太陽花為主題，成千上萬朵鮮黃色嘅太陽花包圍着你，你嘅面你嘅衫你嘅皮膚全部都印上太陽花，真係好靚，但係由於咁花花綠綠，所以記住去這個展覽最好就係着純色嘅衫，黑白色就係最idealable, 因為會好似投射布一樣，影相出嚟嘅效果係會最好，但係你要有心理準備因為可以影相個位真係太多啦，所以留喺花花世界打卡嘅時間應該係最多。 點擊圖片放大 Teamlab呢一個展覽裏邊亦都有好多小展館都好特別，例如黑潮之海，你會好似置身係日本嘅黑潮裏邊，被海浪不斷沖刷，一波又一波咁。而另一個亮眼點就係在連接一個有一個展館嘅走廊上邊，係會有一個以人妖同大自然嘅故仔，首先係蓮花竹林出現係你眼前，跟住就會有牛車同人，而其中亦都會有好多妖怪出現，呢一個應該係日本嘅故仔，再配合埋大會嘅主題曲感覺一流。再加上你係可以同場上嘅圖案互動，當你拍打啲妖怪嗰陣時佢係會突然之間回望你，當你想追逐兔仔嗰陣時，佢哋都會突然停下，其實整個展覽都好有趣。 最後最後唔能夠唔提喺2樓嘅運動森林，講一度係大人細路都玩得好開心嘅地方，首先你可以將你畫左嘅畫投影到運動森林山丘嘅地上，即係話你會見到你畫嘅龜或者鱷魚喺地上爬行，你可以慢慢搵返屬於你嘅動物，小朋友一定喜歡。跟住又會有好多大型嘅燈膽俾你穿插其中，而且佢哋亦都會不斷咁樣變顏色，你好容易就會迷失係依一堆大燈膽中間，更加重要嘅係有好多個遊戲可以比小朋友玩，例如光之迷宮同行獨木橋，真係算係一個幾好玩嘅地方。 整體而言我強力推介大家嚟東京一定要去Teamlab喺台場呢一個展覽，一方面而家夏天日本咁熱係一個室內有冷氣涼嘅地方嘅感覺係一流，再加上佢比你嘅視覺聽覺嘅衝擊一定好大，除咗影相打卡之外佢亦都有好多互動嘅地方好值得你慢慢玩，所以留係呢一度一日絕對係冇難道。不過要提提大家裏邊係冇嘢食賣㗎（小編就係唔知道裏邊冇嘢食買，成個手袋就只係有朝早食淨嗰個小飯團，仲要兩個人分享，所以去到四點鐘左右就真係因為太肚餓而出咗去，呀Teamlab係不能RE-ENTRY), 所以如果想維持戰鬥力記得自己帶少少嘢食入去，飲料方面反而唔使擔心裏面有好多vending machines, 咖啡茶汽水都有得買，所以記得帶少少嘢食入去就OK啦，因為真係會行到玩到影到你非常之肚餓哦。今年來東京旅行記得唔好錯過喺台場舉辦嘅TEAMLAB 光影展覽，來一場超豐盛的光影盛宴吧。
