Miss Ground 在開普敦的旅遊第一天: 先去有非洲最美的植物公園, 感受一下南非大自然的一面, 特別是要去尋找南非國花, 超大的國皇花啊! 睇完當然去近距離去接觸一些色彩鮮豔的雀鳥, 鸚鵡, 孔雀, Flamingo, 甚至連貓頭鷹都放養式, 要零距離接觸無難道, 下一站就是要去下酒莊, 品嚐一下南非美酒, 而今天重點行程莫過於是出海看超多的海豹吧, 在海豹島上住了超過一萬隻海豹啊, 單單 imgaine 就已經覺得場面很莊觀吧! 事不宜遲, 我們展開開普敦 Sightseeing Bus 極好玩 Day 1 !!!! 在南非隨處都可以見到這種外形有點似睡蓮的巨大花花, 其實佢是擁有超強生命力, 非常tough的南非國花 PROTEA, 一場來到南非一定不要 miss out 這株美麗又特別的花! 其實旅行真的好多 uncertinity factor, 天氣絕對是一大變數, 我們一定要經常準備好幾個不同的 plan 可以臨時改變一下行程, let's say 第一日原本想一早去Table mountain, 所以一早plan搭紅色線上cable car station,但因為太大風的關係，上Table mountain的纜車沒有開，所以臨時改行程去搭藍色線, 一於來個半島遊吧！ 首先第一站會去Keistenbosch植物公園，跟着會在Constanta nek轉紫色線參觀酒莊，然後會再去Mariner's wharf 出海看海獅，最後打算在camp's bay享受一個日落early dinner, 然後就在搭車返Long street，今日嘅行程應該好豐富好精彩！ 我們先在Long street上藍色線，所有遊客都好受規矩一個一個排隊，基本上大約十五分鐘就會有巴士，如果還末吃早餐，其實在Long street這個站有間cafe, 它的咖啡和蛋糕真的不錯，可以試試啊！ Sightseeing bus係兩層巴士，上層係open deck, 來旅行梗係要上open deck啦，所以一上車全部人都會上上層，不過11月的開普頓真的很凍很大風，我們在上層吹了一陣風便受不了，所以還得回到下層去，其實在上層有半開放的坐位，那■可以擋得住風又景色開陽，that's why 在下次上車時我們一定會找這個位，Sightseeing bus是有提供耳機導賞服務，沿路都會有講解介紹開普敦，有興趣知道多一啲開普敦嘅朋友，一定要用headset, 它是多聲道，一定有中英文選擇，服務真係一流！ 1. KEISTENBOSCH植物公園： 來南非開普頓，KEISTENBOSCH植物公園真是不可錯過，去過之後你會被它驚豔，它是世界三大植物園之一，位於Table mountain的山腳，從這看到的Table mountain是不一樣的，它並不是一張餐桌，反而是崎嶇凹凸不平喔，有一種不能言喻嘅氣勢。 呢個咪就是南非國花國皇花, 係咪好特別呢, 它並不是柔柔弱的花兒, 反而外表充滿霸氣吧! 南非國花 PROTEA CANOPY WALK 來到開普敦一定要抽時間來這個植物園，因為可以看到很多非洲獨有植物，而且整體嘅環境都好relax,在桌山的山腳下有一大片草地給你滾動，它亦在2004年入選UNESCO自然遺產，因為植物園內有很多珍貴獨特的品種，果然在南半球看到的植物真的很不同，其中天堂鳥是我的最like。在夏天時它常常會有戶外音樂會，而南非人亦很喜歡在這裏野餐。來到這個植物園一定要去睇的便是南非國花-皇帝花，它有很鮮艷堅硬的花瓣而且大大朵，好特別的，在園內只要跟著Protea這個字走便會找到這朵獨特的國花。而在KEISTENBOSCH一定要去行canopy walkway, 在樹頂上行走的感覺很特別。 逗留時間：大約兩小時 2. WORLD OF BIRD / Monkey Jungle: 其實之前一直都無打算係呢個站落車，因為要睇monkey子和雀鳥在香港都有，但是因為第一日係去Camp Bay的途中收到TABLE MOUNTAIN會在下午開放，所以去完Marine Wharf之後便直接一直撘藍線返回V&A再轉紅缐上TABLE MOUNTAIN。 由於去不成Camp bay，第二日又要再撘藍線，那麼不如找多個景點下車去看看吧。原本對world of bird/monkey jungle的expectation不高，只知道它是非洲最大形的鳥類動物園而已，而且入埸費不太貴，大約HKD80, 所以就決定去看一下，但入去之後就發現它好有趣，有趣在於整個園都處於無王管的狀態，入到鳥園之後所有雀鳥都自由自在在你身邊飛，貓頭鷹啊、鷹啊、白孔雀會在你身邊穿插，是一個特別的體驗，只要你不怕，是可以在牠們身邊影個夠，我唔使去日本嘅貓頭鷹cafe啦。 而在猴園，記得記得記得（重要嘅嘢要講三次）唔好開袋，唔好有食物飲品在手，因為牠們是打劫集團，唔係偷而係搶，而且牠們好agressive同聰明啊，基本上是三四隻圍攻你，跟著一隻打開你的背包，OMG我的headset就咁俾佢地搶走了！ 逗留時間：大約個半小時 3. Marine's Wharf (海獅島） 它是一個漁港，在這裏可以食到又便宜又新鮮的FISH&CHIPS, 一份大大塊的炸魚加可樂都只是R90（HKD45), 好抵食呀！不過在這裏食炸魚要特別小心有賊，因為海鷗出沒注意！不過來這裏其實不是為食嘢，而係在呢度可以出海睇開普敦非常出名嘅海獅，他們並不是一隻半隻在水中，而是成個島都係海獅，睇過海獅島嘅相一定會覺得非常震撼，因為他們密度非常高，整個島都只係密密麻麻嘅黑點，海獅島絕對是來開普敦must go的地方。 See See, Miss Ground 背脊果D黑點點不是什麼石頭, 而是全部都是海獅啊! OMG牠們的住宿環境同香港人一樣, 超超級intensive吧! 果然一宿難尋啊 在碼頭到有好多船會出海獅島，1小時嘅行程包去海獅島同去睇世界單車公路賽必有的Chapman peak drive，每人R75（HKD38), 係咪好抵玩呢？所以我去咗兩次，開心指數奇高啊！ 點擊圖片放大 +2 既然出海玩當然要坐船頭（留意到很多亞洲人只會留在船艙內，要避開太陽，但一到達又會迫上船頭影相），其實一出海就會見到D海獅在水面游來游去，又會瞓在防波堤上曬太陽，佢地一D都唔怕船，真是好可愛哦！ 但是一過左防波堤後，D浪真是大到不能講笑，好似玩海盜船般，整個人都拋得起，即時尖叫連連（個人覺得係興奮的叫聲）大約二十分左右的船程，便到達海獅島！第一個感覺係嘩點解成個島全部都係海獅，好壯觀啊！ 海獅們真的好噪好噪好熱鬧，冇錯係海獅海獅海獅，而成個島的岩石都是白色（你知是什麼來的, organic thing）好彩去的時候起風所以並不太臭，牠們住得比香港人還迫還密集，可憐的海獅們, 你們同我們一樣, 住屋環境很不佳。 佢哋嘅數量真係多得好誇張，我體會到什麼叫做數大便是美，因為數量真的太多，由於多所以壯觀，有些可憐的海獅因爲冇位被迫要落水。牠們太習慣人同船，一點都不怕, 總是在船的左右穿插，有時游下水, 有時又潛入水中，甚至會在船邊出現看看我們做什麼，實在太cute吧！船長會喺海獅到留15分鐘左右，等兩邊嘅團友都睇到海獅, 睇完咁可愛嘅海獅之後, 我哋就駛去睇出名沿路風景優美的Chapman peak drive。 下船後在碼頭旁有個阿伯會叫你俾R20,可以餵海獅和摸摸佢的頭，確實不貴，但是又好似有點不太好的感覺，anyway如果想近一點接觸海獅你在碼頭右邊會見到阿伯和他的海獅。 逗留時間：大約個半小時
