來到緬甸點會唔去大金佛塔，應該話如果冇來過大金佛塔逛一個圈都唔好同人講你來過緬甸，它的地位就等同於柬埔寨嘅吳哥窟，巴黎鐵塔，紐約嘅自由神像，仲之就係超級地標吧，冇去過就等於沒有來過緬甸吧。其實在仰光好多地方都會看到佢嘅蹤跡，因為太大，太光而且位於仰光最高的地方，所以你好難唔記得佢嘅存在，anyway我哋今日傍晚就會去拜訪仰光大金塔（SHWEDAGON PAGODA） 關於大金佛塔YOUTUBE VIDEO: https://youtu.be/FmzztpHf0Fg 俾番少少大金佛塔的background information 大家先，首先佢建於公元六世紀， 嘩差唔多七百年前，高110米，而塔身就金磚鋪成，冇錯佢係用真金造㗎，成個佛塔群差不多有70座大大小小的佛塔，亦都有數千個金風鈴銀風鈴，用金已經夠豪華，最緊要係整個complex仲要鑲了四千五百粒鑽石，而在大金塔最頂頂果度是鑲左粒足足72卡的鑽石，咁樣點會唔係全世界最金光閃閃最奢華最匪而所思的佛教聖地。That’s why, 佢哋夜晚都會發出閃閃的光芒（當然是有打燈，不過因為金的反射作用，所以少少的光已經變成萬丈光芒） 大金佛塔有東南西北四個出入口，你一定要記得自己睇邊個出入口，因為最關鍵的是你對鞋係留喺邊度。緬甸係一個超級虔誠佛教國家，入去大大小小嘅佛廟， 必定係要除鞋，要赤腳鞋入去，咁你對鞋就會留在你入大金佛塔的entrance, 或者你都可以帶埋佢去嘅，anyway, 唔好諗住偷偷係裏面着鞋，因為當地人見到一定會話你，記住呢個國家90%的人都是佛教徒， 而且去人哋地方旅行都係應該要尊重人哋嘅文化同埋宗教信仰，唔好做一個失禮的遊客哦！呢個亦都係點解我傍晚先去的原因，正午的仰光可以熱到成40度，赤腳行入去用石板鋪成的佛塔群，隻腳應該可以被煎熟，我可以保證你連5分鐘都捱不過，完全可以體驗到咩叫做熱鍋上的螞蟻，所以傍晚去清涼一點吧。仲有一樣野，入去緬甸嘅佛寺係有dress code, 短褲短裙半心不論男女，全部免問，所以記得要着得proper點，尊重人家的宗教是好重要呢，that’s why我們都換上緬甸傳統服飾。如果你真的沒有長褲，唔緊要，外面大把籠基賣，可以即時換上傳統服飾，其實小編我都專程換上緬甸傳統服飾，即時覺得自己融入了本地人。 我們是由南口入大金塔，因為果度有電梯上金塔，不用自己行樓梯，外國人收費是K25000（HKD160左右），其實入埸費是超貴哦。一出電梯我們就見到超大形的金佛塔，嘩佢俾我想像啲仲要大好多，而且仲有大大小小嘅佛塔圍住佢，成個畫面係超現實，好似進入左LOST GOLDEN CITY, 呢度個場景，驚佢只係電影先至會出現、太過金光燦爛，太過奢華吧。好啦我們今日係有兩個大MISSIONS, 一是要去浴佛，二是探訪四大佛祖為祂們上金身，好我們先去完成Mission 1。 點擊圖片放大 要去浴佛，先了解清楚自己究竟係屬D咩，因為緬甸的生肖是以你出生的星期幾去計算，總共分為八個生肖，因為星期三是分上午和下午的，咁你先check 左自己係屬D咩，好似小編我的生日是星期二，咁我就會去Tuesday Corner去浴佛。其實緬甸浴佛真的很有趣，你要把你的歲數加一咁去幫佛浴金身，即是話如果你是三十歲，咁就淋三十一次，嘩如果是七十歲咪要淋足七十一次，anyway既然呢個係習俗，咁小編我都要入鄕隨俗，好彩我的年紀尚算不太大，嘻嘻三十幾下還是easy job吧。好，去浴佛吧。 我的獅子真的很可愛，我覺得係緬甸可以屬獅子真的是還了自己的心願吧。 今天亦很好運地遇到有人出家的儀式，在緬甸基本上每個男孩一生都會有一次出家，學習佛法，也為家人積德，所以他們會是超開心，看他們的面上是充滿笑容。PS我們在Mandalay更參觀了佛教大學和朝早的化緣大典。 我哋喺參拜完四大佛祖後，梗係要幫佛像上金身， 喺緬甸大部份啲佛都係金光閃閃，呢啲全部都係因為信眾你係佢哋嘅佛身上金薄，一塊一塊咁慢慢貼上去，令到每一尊佛都是金光閃閃哦。我們來到當然要一齊貼下金薄，其實都要點技巧和竅門才可以貼得靚靚，好彩我們有導遊教我們如何才可以貼得靚D。 我哋今天mission完美地完成，先幫自己嘅生肖浴佛，又順時針咁行左大金塔三次，跟住參拜了四大佛祖最後連金身都貼埋，呢個祈福活動應該完美結束了吧，好啦我哋已經走咗係仰光的行程，係時候為明天飛去有萬塔之城之稱的蒲甘作準備，再見啦，金光閃閃的仰光。
