緬甸和香港的共同處,就是大家都曾是英國殖民地,在仰光處處都可以見到似曾相識的事與物,一楝棟英式大樓充斥着這個絢麗多姿的城市,有些好有氣派,有些則已經變得斑落,整個城市充滿着懷舊嘅情懷,使人有種錯覺好像回到五十年代的香港,訴說她曾經有過的GOOD OLD DAYS。 緬甸人大都很喜歡在下午坐在街邊,來一壼香濃嘅奶茶 ,吃一口充滿牛油香酥味的麵包,談談天咁就過咗一個炎熱下午。我們山長水遠咁來到緬甸,就算時間幾少,當然都一定要抽空試下她的HIGH TEA, 我們一於來一個富有殖民地異國色彩的下午茶吧。 在仰光提起着最優雅最有氣派嘅酒店一定非Strand hotel 莫屬,它建於1901年,係呢一個世紀佢一直都係colonial icon, 裏面的裝橫服務都係一流,作為PAST MEET NOW, 佢嘅存在這有如香港嘅半島酒店一樣,都係代表着殖民地時代的Good old days吧。整座酒店都係以白色為主,一入到大堂就會俾佢充滿懷舊嘅感覺所吸引,呢度嘅裝修係非常之有氣派,唔講仲以為入咗歐洲啲大酒店。檯面,牆身,擺設,都令人覺得自己返返去殖民地時代,所以如果想在仰光試一頓正式嘅下午茶,就一定要來這裏吧! 在旅遊旺季,記得一定要係佢哋嘅website定位,唔係的話基本上一枱難求。Strand hotel嘅下午茶係由兩點半開始,如果你早左到,佢哋會安排你先坐低享受一壼熱茶,基本上有兩款嘅下午茶可以俾我哋選擇,第一款當然就係最經典嘅英式下午茶(USD20@), 而另一款就係緬甸式嘅下午茶(USD18@), 傳統嘅英式下午茶會有一啲三文治、一啲scone, 一啲蛋糕同埋甜點,二緬甸式嘅下午茶就會有好多緬甸嘅小點心,例如炸蝦卷,炸香蕉,緬甸嘅沙律,同埋一啲甜點(詳細可以參考呢一度嘅Menu,會有晒所有下午茶嘅內容)。其實兩款都好吸引,不過既然一場黎到緬甸梗係要試吓緬甸式嘅HIGH TEA。 點擊圖片放大 我們點的是傳統緬甸下午茶,原本送來之前以為會放在傳統的英式下午茶層架上啦,哦送來時見到是一座緬甸傳統的食盒,個賣相好靚呀,末開始食就已經被這個食吸引了過去,小編是外賣協會的成員,最喜歡這樣吸睛的presentation啦。好啦,當個waiter送到過來後,會先將頭兩層放在台面上,然後講解每件小點心是什麼,用什麼材料煮,他們真的好細心呀。我們先品嚐的是炸蝦雲吞,紅豆圓圓和Semolina cake(傳統緬甸糕點,有點似棗泥糕,不過再甜一點,咬落好QQ的),其實呢兩層的點心,俾我的感覺好像飲茶咁,兩籠點心? Anyway, 當我們完成了兩層,waiter是非常主動過來問食物啱唔啱口味,俾我的感覺是自己好似好exclusive 咁,然後會請我們先吃一個感覺超清新的清甜糕點,清一清口中的油膩感。然後,繼續向一些mutton puff(非常好食香囗), 西米甜點進發,盡情感受緬甸嘅花樣年華時光,喺呢度時間好似停頓左,完全感受到呢啲最風華絕代嘅年代,自己彷彿好似身處倫敦的高級酒店一樣。 我們就這樣吃吃點心,呷一口濃濃的咖啡,傾下計,避避暑熱,睇吓報紙,研究下緬甸生肖運程(佢嘅計算方法係用你出生嘅星期幾來計,一個星期有八個生肖,因為星期三會分成有牙和冇牙象兩個生肖, 我係星期二出生,所以係屬獅子,哈哈天生貓科,有興趣知道自己屬咩可以google一下),邊個話你緬甸唔可以有一個享受嘅假期?來Strand hotel感受一下緬甸曾經有嘅花樣年華時光吧。我們咁就享受左一個非常之悠閑舒服嘅下午,補充完能量,好啦我哋等到傍晚就向大金塔出發。 PS STRAND HOTEL WEBSITE: https://www.hotelthestrand.com