係仰光經常會見到好多奇妙嘅事,好多已經喺香港絕左種嘅事物偏偏就可以喺度見到,例如唔知點解喺火車上面可以見到雞雞鴨鴨同埋生果,D火車門又會打開晒,你有勇氣又可以隨時跳車,喺昂山市場係講泰文,男男女女全部都係着長裙,又可以食到個正式嘅英式下午茶,同埋40幾度之下你都要赤腳行入大金塔,係呢一個城市行逛逛一日,絕對唔會覺得悶,因為真係太神奇太新鮮啦,只會因為覺得太熱而辛苦,記得夏天係仰光要帶遮同埋飲多啲水。 我哋喺仰光嘅時間絕對唔多,只會留一日,咁呢一日我哋會去邊呢?大金塔、昂山市場、環城火車、同埋要在充滿着殖民地奢華嘅strand hotel嘆番個下午茶,嘩究竟一日去唔去到咁多地方?咁就等小編我帶你去睇下而家嘅奇幻仰光。 點擊圖片放大 第一個會帶大家去感受嘅係仰光非常之出名嘅環城火車city circuit line, 一個超級大嘅循環線,咁出名睇咩呢?一就係夠慢,行一個圈要成三個鐘,車速有時慢到可以直接跳車,二就係夠平,踏足一個圈都只係收你$2,如果你只係搭幾個站仲可以更加平,佢就收咗我K200,即係HKD1.4, 係咪好抵撘呢?三就係夠熱,緬甸的夏天日間可以去到四十度,所有嘅火車都係冇冷氣,係架車裏面是會熱到出汗,記得要揾個門口位坐呀。四就是夠local, 全部的站名都只有緬甸果D圓圓字,睇得明應該係要下世,同埋差不多完全冇外國人,係咪好local呢?最後就是夠熱鬧,因為車程都好長,所以好多小販在火車上賣嘢,嘢食嘢飲生果全部都齊,唔使驚肚餓呀。 youtube Chanel: https://youtu.be/jfLmY2lwzTs 點擊圖片放大 環城火車有好多個站,我帶大家去最方便嘅站搭車,享受呢一程奇幻懷舊火車之旅吧!位於昂山市場旁的站對遊客來講應該算係最方便,因為可以一朝撘幾個站然後過對面再撘回頭車返返昂山市場shopping, 而且對面就是conjunction city, 要兌錢和去洗手間都比較方便。好let’s go, 首先我們梗係要去買張飛,雖然個個同你講如果係外國遊客不論撘幾多個站都要收$2,不過賣飛俾我個個大叔超sweet, 佢問我們係咪想撘曬全程,如果唔係收K200就ok la, 嘩HKD14已經夠平,依架只是收HKD1.4添,感謝你的sweet offer。 點擊圖片放大 月台已經對我們超新奇,我們見到好多熟食檔,望落去好似都幾好味,不過自問唔想重蹈CEBU食物中毒的覆轍,所以只有望是不會食。隨意橫渡路軌是在緬甸撘火車的常識吧,我們可以自由上上落落D路軌。嘩嘩,緬甸女人條頸是超strong, 點解可以將成袋生果放在個頭上面,完全是特殊技能呀。緬甸嘅芒果真係好值得試吓,超級甜,不過就成日一攞攞咁樣賣。 其實緬甸人真係好gentle, 同埋好樂於助人,好似火車埋站嗰陣時,因為火車比較高,好多人都會幫小朋友女人老人家上落車,俺會自己匆匆忙忙就咁跳落車。好啦係時候都我地上車啦,喺依啲咁熱同埋冇冷氣嘅火車,梗係要坐近門口啦,會有啲涼風吹過來。 坐喺呢一架環城火車,真係有一種好似返返去70年代搭火車嗰種感覺,一路行都係轟轟緩緩地前進,喺車廂裏便會有一啲買小便當小麵包嘅小販,而兩邊嘅風景不斷轉變,由一啲城市嘅景色慢慢變成鄉村,因為火車行駛得真係唔算快,我哋甚至可以坐喺門邊, 享受涼風輕送嘅快感,呢一種感覺真係好奇妙,我強力推薦俾來緬甸嘅你,一定要來一次充滿懷舊情懷的火車之旅,一定會令你更認識緬甸的民風。 昂山市場其實是人信市埸吧,或者是尋寶地,這個市場面積是好大,認真每巷都行均應該需要大半天的時間,裏面最主要是賣玉(緬甸是出玉石的國家,但小編自問不是有眼力的人,為免被騙都是少買為妙)手工藝品(有超多的佛像佛具)、手信、LONGYI籠基 (緬甸長裙,男女皆穿)。 其實這麼多items, 對我最最感興趣的是籠基吧,一是因為好現實的原因如果要進入緬甸佛寺一定要穿長裙長褲,用叉露腿的長裙都是不合格,所以買條籠基傍身都好。二是因為緬甸真的是一個淳僕傳統的國家,大約80%的人都是穿上籠基的,如果自己都穿上這個美美的傳統服飾應該都是一個十分奇妙的經驗吧。三籠基可以帶出女性婀娜多姿,而且價格也不貴,如果是棉的大約HKD40-50, 絲的也只是大約HKD100-150左右,而且籠基其實是一塊大約米半的布,著完之後也可以當sofa cover, 野餐布,仲之還可以有其他用途。 在昂山市場有超多檔賣籠基的檔口,其實是賣布吧,我們是點樣去買籠基呢?其實係昂山市場有好多檔都有得賣籠基,你只要走埋去搵吓邊啲花這部你係鍾意,佢都會好主動咁樣介紹俾你聽,有啲就比較深色,有啲就用絲為主,有啲會受賞花花大笨象啲圖案,咁小編我就揀咗啲色彩比較鮮艷,嘅大花布,再加上緬甸嘅天氣真係太熱啦,所以我就揀咗的確涼嗰隻布料,貪佢容易洗用二乾再加上唔侷,揀完快布之後,佢就會叫後邊嘅女仔,極速咁樣車條帶上去,咁就完成一條籠基。係咪好方便呢? 着緬甸呢一種傳統嘅長裙其實係超方便,佢只係一幅大嘅布,咁你就左卷右卷,卷成個身之後,綁住佢唔甩咁就完成啦。其實真係好易着,上身就可以襯返啲黑色啊白色啊比較淨色嗰啲衫,下邊就着返對拖鞋,perfect! 你一身嘅造型超級適合入各大佛寺,好啦換好衫啦,我哋向緬甸最出名嘅大金佛塔Shwedagon pagoda出發。