來釜山得多一定要搵D新地方去玩下,其實她的近郊都有很多好去處,其中一個是位於離釜山四十分鐘車程的金海洛東江,因為在這裏可以玩到鐵路單車(railbike),很多綜藝節目都有介紹過。其實在韓國很多地方都可以玩到,為什麼要去洛東江呢?因為它是韓國唯一一個跨江過橋的鐵路單車,可以在呢個廢棄左嘅鐵橋騎住單車,感受一下懷舊嘅滋味和江兩邊的風景,我哋去嗰陣時,江兩邊都開滿黃色小花,沿途風景顯得特別靚呀! 如果想看更多關於railbike可以click 入我的YouTube: https://youtu.be/bpVX8vgtpXo 由釜山去洛東江最方便的方法是搭火車,我們決定由釜田站(我們住在西面)出發三浪津站,車程大約四十分鐘左右,但是回程班次是比較稀疏(14:28之後就已經是17:xx),highly recommended 大家記得買定回程車票,咁就可以make sure 自己唔需要等幾個鐘。而洛東江railbike其實好短,全程只有3KM, 同埋最多去埋個紅酒酒窖,所以預兩個小時一定可以玩得完。所以如果你朝早去踩railbike, 買兩點幾個班回程一定夠時間。有三浪津站去railbike最方便嘅方法一定係搭的士,好彩韓國搭的士唔貴,每程收₩8000,但係因為嗰度比較偏僻,所以到咗railbike站,記得約定個司機幾多點返嚟接,咁就最perfect, 如果唔係都可以叫railbike啲工作人員幫你call的士。 洛東江railbike是分開兩part玩,一是踩railbike, 二是入紅酒窖看3D玩和一棵好似阿凡達嘅LED生命樹玩(本人覺得有啲中伏,好彩夠平)railbike的收費是按每架車坐幾多人收錢,一架車兩個人是最貴₩16000, 三個人₩20500, 而是四個人係收最平₩26000, 入紅洒窖就收每人₩2500 (入唔入去睇,視乎你怕唔怕中伏) 點擊圖片放大 我哋一場嚟到梗係先去踩railbike, 呢度的railbike就只係得前面兩個要踩單車,後面果兩個位可以純粹欣賞風景,所以想休息一下就可以坐後邊。其實呢段路真係超級短,全長就只係得3公里,如果真係出盡力咁踩,應該唔使15分鐘就玩完。所以我哋梗係放慢腳步慢慢踩,來玩railbike最主要目的是為了欣賞洛東江風景instead of 喪踩單車,所以慢慢踩就OK,其實其他人都一模一樣。呢段路最特別嘅地方就係我哋會過鐵橋,呢條橋就是曾經是火車路軌,所以過橋嗰陣時感覺真的好特別。一過完橋,會有個U TURN 位俾你踩返轉頭,咁樣就玩完成個railbike。 點擊圖片放大 +2 係洛東江railbike, 亦都有一個用舊火車隧道改建嘅酒窖,裏面用咗好多紅酒樽去做裝飾,亦都有一啲3D立體畫你可以影吓相,仲之就係俾你影吓相嘅地方,不過仔要另外收入場券,每個收₩2500,其實就有啲中伏嘅感覺,不過既然一場來到,單單踩單車又好似好晒,所以不妨可以入去玩吓。在洒窖內都有bar你可以order wine, 環境都算好浪漫的,所以可以慢慢嘆番一杯紅酒欣賞下呢一度嘅環境。 點擊圖片放大 如果唔想飲紅酒,亦都可以去前面嗰火車車廂cafe, 成個cafe嘅設計都係用火車為主題,紫薯latte和chicken burritos 係好好食,一定要試下。 洛東江鐵路單車是一個適合半日的行程,地方真的不大,輕輕鬆鬆可以和一家大小來玩,或者地情侶拍下拖都幾好,可以踩單車過江是比較特別,如果來釜山想試下一些另類的活動,不妨考慮來這裏玩玩,玩完大半日仲可以有足夠時間吧返去釜山shopping呢! 呢度都有D3D畫玩下,影下相,仲要係以酒為主題