https://youtu.be/rbg-yINUuGU https://youtu.be/wCMhLO1mMhg 在2017年九月我終於踏出勇氣向着中東出發,會去的國家分別是以色列和約旦,亦見識到以色列聞名已久的超高難度的入境大考驗,如果答得不合心意分分鐘會被他們refused Landing, 原機遣返,或者再individual咁問番你幾個鐘,依兩種情況,我都不會遇到,但點解以色列會有咁嚴格嘅入境程序呢?咁就要由她的歷史講起。 話說以色列這遍土地在聖經上是上帝應許猶他人之地,不過佢地已經係幾千年前亡角,亦離家幾千年,而本身生活在這裏的人又怎會這麼容易讓你搶走他們的家園,給你立國呢?於是乎在以色列立國那天,週邊的阿拉伯國家(約旦、埃及、敘利亞等國)就即時立刻宣戰,這便是出名的六日以阿戰爭但是你真的不能少看以色列人,他們就是科學家多,先進武器很多都是出自猶太人手,所以在六日便打贏了這些阿拉伯國家,正式在中東插上大衞星的國旗,猶太人终於有了自己的國家。 在這樣煙火四起,被敵人重重包圍的大前提下,以色列人比世上其他國家更加小心更加謹慎地保護自己的國家國土國民,因為他們深明現在的和平只是虛幻的假像,只要一不小心,他們就會被週邊的國家鯨吞瓜分,所以在防範恐怖主組織入侵這層面上,以色列真的做得十分嚴謹,是all rounded, 好想在這裏和大家分享我在撘international flight, domestic flight ,在high way 上和日常中見識到以色列什麼是超級保安強國和什麼叫全民皆兵。 國際航班 飛以色列的航班全部都有特別的security check, 雖然如果撘乘國泰前往特拉維夫唔需要每一個乘客都要在check in 前作interview, (如果是撘以色列航空請早點來機場,他們的保安人員要在check in 前interview每一位,冇錯係every single one) 不過在登機前都會有抽樣的security search,是hand search,防止你帶任何危險物品上飛機,危害飛往以色列首都所航班安全吧。而飛往以色列的航班是要兜路飛的,所以只是飛中東的亦要飛成十二個小時,這樣的飛行時間足以飛往巴黎了。 Flying map from Hong Kong to Telviv, 14 hours flying time. 由飛機地圖可以看到,航班係要兜大圈入以色列特拉維夫 飛抵特拉維夫機場,我們便要面對聞名世界的以色列入境challenge, 加油,我一定唔會俾人refused landing, 原機遣返咁樣衰。 我終於抵達特拉維夫機場 經常聽人説以色列的入境程序是全世界最嚴密和最仔細,因為她和週邊國家的關係一點都不太好,其實可以説得上關係惡劣,如果你有以色列的入境chop, 基本上沙地、伊朗、伊拉克這些國家會將你變成拒絕來往戶,在IATA TIMATIC 都清楚列明這些國家是不付於入境給擁有以色列stamp的旅客。That’s why, 以色列自己都有自知之明,她已經將入境蓋章全部變成QR CODE的小紙(好像香港一樣)在上面有齊你個樣,護照資料,入境時間日期,你要有持這張紙才可以過地鐵入閘機般「嘟」入去,所以現在是不用擔心有沒有chop,因為你出入境都只是有張飛仔咋。 入去以色列就知係會有呢一張紙仔 入境以色列是一個需要超concentrate的moment, first come first, 你一定要清楚自己的行程,唔好因為朋友準備行程,自己就什麼也不看,如果真是什麼都答不出,恐怕你會被拒絕入境,記得帶腦去旅行啦。因為這個國家是很多恐怖組織的目標,為了防止任何有可疑的人仕入到以色列境外,他們有一套世界級出名的盤問技巧,很多blogger都分享過入境的難度,過程就好像考oral exam 一樣,仲要係individual examination, 其實小篇我真的懷疑如果完全唔識英文究竟可以點樣可以過關? 如果你是經常出入阿拉伯及回教國家(唔好忘記馬來西亞和印尼呀)基本上他們會不斷盤問你,究竟為什麼要來以色列(其實恐佈分子都唔會咁誠懇同你講,我要來炸你的國家啦)?同邊個一齊?在以色列有冇朋友?過關往往會用上一小時(每個客都問梗係慢,原全考驗你的patient)所以入境以色列第一件事是要做好心理設防,清清楚楚知道自己的行程和目的,不要被這樣來來回回的盤問嚇怕(差不多的問題會隔一段時間再問你,記得自己答過D咩啦)。 根據今次的入境experience, 要以色列welcome你的過程真的很磨人,平均每個人都有十分鐘的問答時間,反反覆覆地問你一些問題,可以總結出會問的問題方向 你到訪的目的(行程及天數;屬於低難度問題) 有沒有去過伊朗等國(姐姐我預你問我,可以好firm咁話冇) 你的爸爸,祖父的名(阿爸的名當然會記得,嘩問阿爺的名,即時滴汗) 你的工作是什麼 (今次連present airline permit都冇即使放行呀) 如果佢覺得你過關,恭喜您你可以獲得入境QR CODE一張,但如果佢覺得你有可疑,那麼你的護照會交給security(我的同行者完全被人target,佢經歷體驗以色列入境的大餐)你要重新再答問題,直到佢放行為止,其實全程是問答環節,完全不用拿evidence, 所以醒目嗱。當我去完以色列後,強烈建議大家一定要知道自己的行程,請你一定要背左自己嘅日程表,邊一日去邊度,住喺邊度,去邊度玩,一定要記得自己搭嗰啲乜嘢, 態度一定要非常誠懇。 Domestic flight 升級考驗 你以為國際航班入境已經好麻煩,少年你實在太年輕,原來搭佢哋嘅內陸航班問嘅問題仲難過關。話說小篇我去完約旦再入境以色列的南部Eilat, 諗住在紅海玩完幾日之後撘飛機返回特拉維夫。在check in 前要先過security, 哈哈今次精彩啦。首先,我們要分開兩張枱答問題(oral考試又開始),基本上一定會問上面的問題。再加上去完約旦後,我們已經成為可疑人物,展開以下對話: 以:why u visited Jordan? 我:I went there for visiting Petra and Wadi rum. 以:did you see any people in Jordan 我: NO specific person (心諗去約旦點會見唔到約旦人) 以:did anyone leave you any contact? Or did you have and contact of local people in Jordan? 我: NO ( 大姐我有跟tour, 點會冇交流過呀?) 以:did any local people give you any present? Or did you buy anything in Jordan? 我: Yes I did buy some souvenirs in Jordan (去得旅行postcard都會買張), 跟著個security就好緊張咁要我開唊,要detail check 裏面所有items, 唉咁又攪左15分鐘。 以:Are you married? 我:yes ( 結左婚又關你事?) 以: why he doesn’t come with you? And why in you passport doesn’t show your husband last name? 我:As he needs to work and in Hong Kong we are not compulsory to use husband last name (真心頭痛) 最重要你以為結束,又換了一個security 來再問你一次上面的問題,唉真是無限loop。finally問左半個鐘,thanks god 終於無我們去check in, 不過臨走個security都仲要講,”you airport also have to learn from us, we have the best security in the world”, ok ok 咁的話所有客都要提前四個鐘來機場吧。ANYWAY, 我們finally 順利上機啦。 在以色列不論係Telviv或者係耶路撒冷我哋都會見到好多年輕嘅男男女女手拿着步槍着住軍服,就算係喺巴士上邊都可以見到軍人,因為以色列係不論男女都要服兵役, 而且到40歲,所以周街見到士兵係正常㗎,其實我係以色列境內真心覺得好安全,至少比喺紐約感覺更加安全。 以上就係我對以色列入境嘅體驗希望可以幫到大家, 其實以色列係一個好好玩嘅國家,亦都唔係想像中咁危險,有機會不妨飛過去睇吓耶路撒冷去下死海吧! 有興趣知道更多關於我在以色列的經歷可以click入以下的YouTube: https://youtu.be/rbg-yINUuGU 亦可以follow我的IG TERRICATCAT