足利紫藤園是位於東京近郊的栃木縣，距離東京大概90分鐘嘅車程，完全係可以即日來回嘅一個景點，不但自己揸車或者搭JR, 都非常方便。因為之前那天，我哋係去了遊纜日光東照宮，然後再到鬼怒川浸溫泉，所以唔係喺直接東京出發。不過由鬼怒川去足利紫藤園其實都好方便，所以可以考慮plan一個東京近郊三日兩夜温泉紫藤粉蝶花之旅。（關於國營日立海濱公園粉蝶山丘可以click入我上一篇的blog) 如果是撘JR前往足利紫藤園嘅方法基本上有兩個： 最簡單嘅就係喺東京北千住撘東武伊勢崎前往足利市，再轉乘接駁巴士（30分鐘車程） 在栃木站轉兩毛線在富田站下車再行十五分鐘左右 PS 2018年4月開始, JR 兩毛缐加開了足利花卉站，由嗰度行去紫藤公園只係需要1分鐘,以後去睇夢幻嘅紫藤花就更加方便啦 因為我是由富田站落車行去足利紫藤園的，所以係呢一度會詳細介紹這個方法。我們在栃木站上兩毛線在富田站下車（基本上在花季很多人會一齊落車）。 富田站是一個好細好細的鄉村車站，所以喺呢度係搵唔到locker，不過如果你好似我哋咁樣帶咗件行李來的話，我會介紹你去富田車站對面一間小小嘅民宿， 佢可以幫你托管行李，係咪好方便呢，小行李收三百Yen，大行李收五百Yen, 你只要當晚嚟攞反就ok。呢個係咪好介紹呢？ 將我哋嘅行李安放左之後，我哋就正式行去睇超夢幻嘅紫藤花。其實跟住呢一張地圖走，係好意搵到足利紫藤園，因為都係一條大直路咁行過去，不過真係覺得嚟咗日本嘅鄉村，四周圍都幾荒蕪，可以感受一下慢活嘅情趣。大概行左15分鐘就會見到足利紫藤園。 入場費都係一個好interesting嘅地方, 因為你要比嘅入場費貴與平就視乎嗰日開花嘅情形啦，當然花花越開得多越茂盛就越貴，900yen係最平嘅入場費，不過啲花就連個未開啦，而我嗰一日係收1300 Yen, 好多紫藤花都開咗不過嗰一棵超大嘅紫藤花就係正在生長中，所以我睇唔到好夢幻好似阿凡達生命樹咁嘅紫藤。最貴就係收1800 yen, 即係滿開狀況，所以你呢一度賞花你會係想比最貴最貴果一種門券吧，其實日本人做生意都幾fair, 收得你平梗係有原因，你想最靚嗰陣時來睇咁就俾貴啲啦。絕對冇欺騙你嘅成份。 足利紫藤園的面積不是好大，如果行一個圈大概半小時左右，不過佢就種咗好多花，四季都可以睇到不同種類嘅花，春天當然就係櫻花，五月份就會係玫瑰花嘅天下，盛夏嘅日子就會有荷花，到了冬天佢就會有LED花。咁四五月到訪嘅目標必定係夢幻嘅紫藤花吧，如果你好鍾意影相，喺呢度可以足足逗留大半日都冇問題，裏面都有好多食肆同埋Cafe，唔使擔心補充能量嘅問題。 點擊圖片放大 +2 一入到完我哋就已經見到好多大大小小盛開咗嘅紫藤花，顏色都唔係只係紫色，仲有粉紅色白色，嘩真係好吸引我哋嘅目光，當然係時候又要影下十萬張相啦，呢樣野係必做吧！嗰啲細細棵嘅紫藤花全部都開得好茂盛，佢哋一條一條生長好得意，喺呢一度有好多大大細細的紫藤花。 超鍾意呢一個呀我紫藤棚，佢在水池上，不論遠影同埋近影都好靚，如果紫藤花滿開時，一定會好似瀑布咁，好有詩意。特別係傍晚時間影別有一番滋味 好可惜今次有如阿凡達生命樹嘅夢幻大紫藤係末生長完成㗎，我哋只係見到一條一條嘅紫藤花花蕾，好可惜啊不過咁就借口可以再去 一場來到紫藤園梗係要食返一杯紫藤雪糕，其實佢都味似提子雪糕， 甜甜地有香香地不過牛奶味就好重, 好多蜜蜂會圍住㗎要快啲食, 不過其實呢一隻軟雪糕溶得都好快，想慢慢嘆都幾難 足利有好多用紫藤花做嘅手信，有紫藤蜂蜜蛋糕餅乾，到一啲手作仔同埋化妝護膚品都有，我咁多樣就揀咗紫藤花汽水，因為個樽真係好靚。 除咗有好靚嘅紫藤花之外，足利紫藤園都仲可以睇到其他花，好似粉蝶，八重櫻，不過繡球花同玫瑰花就要再等多一個月先至開花啦。 如果有興趣知道更多關於紫藤園和粉蝶山丘可以click 入： https://youtu.be/0wwU4KpfJ9o
