日本本州的櫻花季終於過去，但係對於花花情有獨鍾的花痴們唔需要擔心，因為跟接住粉紅色的櫻花之後，就是屬於粉藍色的粉蝶花之天下，呢幾年這遍藍色嘅山丘總會係四五月份，幫你嘅IG洗版，呢個咁火紅嘅景點究竟係邊？ 原來佢就係喺茨城的國營日立海濱公園，在呢個period佢已經準備好一大片超浪漫超夢幻的粉藍花海迎接我們的眼球，所以如果之前三月無去日本賞花，現在就是時侯飛一轉東京，去茨城欣賞這篇與天空一樣顏色的粉蝶山丘，保證你唔會失望。 茨城究竟在哪裡呢？其實佢是屬於日本近郊，由東京站撘水戶線去大確個半小時，絕對是可以即日來回，而且一點都唔需要join local tour, 因為跟團，雖然好方便而且一日可以去均足利紫藤園和日立海濱公園，但係時間就會比較趕，相對影相的時間真的不夠，如果你想慢慢咁樣感受片咁夢幻嘅藍色山丘，等我喺呢度教你點去呢一個近年IG超紅的景點。 首先我係一次過去睇紫藤花同埋粉蝶花，所以喺東京我一定會買JR TOKYO WIDE PASS, 10,000 Yen可以喺四日裏便任搭JR, 只是唔包搭新幹線，其實真係好抵，仲會包埋去成田機場果一程嘅機鐵，如果去得東京近郊玩真係一定要買個JR TOKYO WIDE PASS, 因為真係會慳唔少。 我哋今次先去咗中山站住一晚，作為兩個景點的中間點，咁樣便可以好放便，分開兩日去足利和茨城。再加上我哋要好好利用日本車站嘅locker，係check out左之後就將件行李放喺locker ，咁係回程嗰陣時就落一落車喺locker攞返件行李就可以返去東京啦，如果你唔想放locker，依家日本嘅宅急便都好方便，朝早寄夜晚就可以喺東京收得到自己件行李，咁你咪唔使擔心自己件行李究竟要放係邊。 講返究竟點樣喺中山站去茨城日立海濱公園，喺中山站我哋要搭去勝田站，如果係快車大約就一個鐘頭左右，記得記得你一落車要影低佢嘅時刻表，因為快車同慢車係可以有一個鐘頭的difference, 喺勝田站落車之後，你可以選擇搭2號巴士去海濱公園，或者再轉一程私鐵，最美我哋揀咗轉私鐵， 因為佢包去公園嘅巴士，而巴士停嘅入口係超近藍色粉蝶山丘，所以係呢一度嘅tips, 識撘的一定係私鐵。 呢一架巴士係直達海濱公園嘅門口， 所以唔使擔心會唔識落車，一到門口之後你向右轉（其實所有人都係行緊同一個方向行應該唔會迷路），行20分鐘左右你就會見到一大片嘅藍色，如果係天晴嘅日子天空嘅顏色同山丘嘅顏色係一模一樣㗎，係超夢幻超浪漫的粉藍色。呢一座粉藍色的山丘， 全部都係粉蝶花，其實真係好佩服日本人嘅細心，要再做呢一片咁靚嘅粉蝶花山丘一定用咗無限嘅心機。因為呢度實在太夢幻, 所以每一年除咗遊客之外日本人本身都好鍾意來，要避開人群其中一個方法當然就係越早入場越好，可以嘅話喺茨城住一晚就最理想吧。只要跟着呢啲花花公仔就可以行到去粉蝶之丘 點擊圖片放大 我哋大約12點鐘左右到達粉蝶之丘，已經四周圍都係人，成個山頭都係人頭湧湧，不過遠睇其實就唔係好覺眼嘅，而且日本人係影相方面都好禮讓，你喺度影緊相嗰陣時佢哋都會企喺度等緊你，所以大家都要識做啲唔好喺度J十萬張圖。 除咗人之外係粉蝶之丘見得最多嘅就係狗狗，真係好多日本人將佢哋自己隻寶貝狗狗打扮到好靚，帶嚟影相，好kawaii!!!! 睇山丘嘅最上邊會有一個代表幸福嘅鐘，好多情侶都會排隊去拉下個鐘，希望自己可以一世幸福！有時間一定要行到去山頂嘅位置。成個粉蝶山丘唔係好高，就算冇乜體力嘅朋友都可以handle, 不過因為係近海嘅關係，呢度嘅風特別大，長頭髮嘅朋友可以考慮紮起， 咁就唔怕會變成癲婆。 其實睇粉蝶之丘最好嘅位置唔係佢嘅前面，因為太近看不到全景，反而你可以行去有油菜花果一邊，行遠一點反而更可以見到整個粉藍色的山丘。而且黃色的油菜花田同藍色的粉蝶山丘真係perfect match!! 係粉蝶山丘我哋必食嘅係藍色嘅軟雪糕，佢嗰當雪糕係喺油菜花田附近㗎，咁梗係要拎住杯雪糕同粉蝶山照合照啦，不過佢真係超易溶，而且嗰種甜甜嘅味道好吸引蜜蜂，所以記得J相的動作一定要夠快。 茨城海濱公園除左粉蝶山丘之外，仲有很多不同種類的花都盛開得好靚，四月尾五月頭都是鬱金香盛開的季節，除了有成日都見到的紅黃紫粉紅外，在呢度可以見到罕有的黑色鬱金香，好神秘的感覺，而且為左有荷蘭的感覺，佢仲set up左一座風車，wow鬱金香加風車，完全以為自己去左荷蘭花展。 係日立海濱公園絕對可以夠你玩一日，不過因為佢好近海邊所以都比較涼，記得要帶番件外套，嘢食嘢飲就真係唔使擔心啦, 你面有好多買熟食嘅地方而且都唔係好貴，所以可以好輕便咁樣去欣賞超靚嘅藍色山丘。 有興趣可以click入YouTube, 可以更詳細知道粉蝶山丘 https://youtu.be/0wwU4KpfJ9o
