來到奈良除左可以去有三千幾個石燈籠的春日大社，或者在奈良公園餵下果D有如大佬般的鹿或者去到被鹿圍之外，其實在小小的奈良商店街中有一間好可愛的貓頭鷹WATA-WATAcafe, 可以在這裡和代表幸福的貓頭鷹來一場一小時親密的接觸，為你在奈良的行程加添一點其他色彩。 它的收費好簡單，¥1300一個小時在cafe內和貓頭鷹互動，包一杯飲料。算是收費好合理，而且杯飲料都算好飲，其實大家來到這裡都唔是為左野飲吧。提提大家，如果想在Wata-wata 貓頭鷹cafe將貓頭鷹放在手上影相的話，一定要預先在網上預約好時段，如果goshow入去，你都可以同貓頭鷹拍照，但是就不能放在身上，少了同牠們互動的機會，所以如果想去，就記得book定啦。以下就是watawata 的website。 http://www.wata-wata.com 貓頭鷹cafe的location是超方便，非常易揾，一出奈良近鐵站之後，你會見到商店街，就咁一直向前行，一到出口，向你的右手邊轉，你就會見到wata-wata cafe在你對面的二樓，一點都不難揾㗎。我們就是諗住玩完奈良之後，在還和服（富士和服在附近）回大阪前去cafe, 所以約了四點半，記得日本人是很重視時間的，如果遲到，你䂆預約的檯會arrange俾其他人的，記得準時出現啊！ 一入到cafe,門口已經有兩隻小小的貓頭鷹歡迎我們，牠們毛絨絨的，眼仔大大，真的真的好kawaii, 咁我們mention左我們已經book左，原來他們已經teserve將小圓枱，而且仲要在harry potter貓頭鷹旁邊，好sweet呀。wata wata cafe有樣很好的事就是這裡有識講英文的工讀生做講解，我們終於不用再估下估下究竟他們想表達什麼。一坐下來，他便給我們一個簡單的briefing, explain有什麼DO OR DONT！ 1. 我們可以摸摸大部份貓頭鷹的頭，大前提是牠們不是睡覺或者唔是坐下休息，只要企在身的你都可以摸下佢的軟綿綿的頭。 2. HARRY POTTER果隻白色貓頭鷹只可以拍照，不能摸頭，亦不能放在身上影相，唉我的harry potter之夢就咁冇左，仲想扮個HARRY POTTER, 可能因為牠實在太可愛，如果可以摸，牠會包受滋擾吧 3. 可以用selfie stick, 除左門口的小可愛，佢好驚selfie stick, 一見到就會係咁爭大雙眼，望到實一實，你可以感受到佢心中果團火，可能牠有不愉快經歷 4.一個party可以揀一隻係一隻only放在手上拍照，可以分開影，但是不能轉其他貓頭鷹。 好啦講解完之後，我們便可以自由地和貓頭鷹玩, 哈哈，harry Potter果隻白色貓頭鷹真的太太太可愛，又白又毛絨絨，講真佢真係勁靚，仲要有個霍格華茲做背景，我諗冇人會唔知各下係電影明星啦，咁嘅situation 真的想不第一隻同佢影相都難，不過佢的脾氣應該不是太好，應該是因為知道自己好靚，所以你影多兩張相，佢會發脾氣，係咁叫你走，而且聽店員講，佢仲係好小氣，因為幾個月前佢D白毛染左小小颜色，咁咪同佢沖涼，佢應該超唔鐘意，所以到依家，只要一見到佢，就會係咁叫，唔俾佢行近來，唉果然同人一樣，算，因為你實在太靚就算有咩古怪脾氣，我們都會忍你。 其他貓頭鷹大多數都好乖乖咁俾你摸下影下相，佢哋真的好軟綿綿，而且個頭真的可以向後轉，見到佢地轉來轉去，真的好治癒呀。記唔記得fb之前有段貓頭鷹縮水的video, 其實我內心好想好想睇下佢地如何變得好驚果時係咪真的會變成一條藤咁，仲要扮到自己係一條木，不過係cafe裏面咁安全，應該好難會見到佢地嚇親的樣吧。 好啦，我地要揀隻貓頭鷹放在身上影相，其實隻隻都好靚好可愛，如果可以全部都可以影相就好，不過如果係一隻咁我想要大隻一點，好像型一點嘛，因為我們全部都有選擇困難症，咁店員recommend左一隻俾我們，因為佢會特別技能，係其他貓頭鷹都唔識做㗎，我真是好奇佢可以做D咩？ WOW, 佢是白面金毛，而且係一對來的，好靚呀！因為貓頭鷹的爪係超級利，所以放在手上前係要套上保護套，然後店員就會放佢上去，你果時就可以同佢影下相，摸摸下佢的頭，其實佢真是有點重，放在手上就可以感受到佢的重量，絕對唔係只有毛的生物。而佢的特殊技能係咩？嘿嘿，就是一見到棒棒球會大鷹展翅，好型呀，即時變左型男！不過呢隻型男，其實係愛妻號一隻，同我地一邊影相，就一邊係咁望住佢的老婆，係咁想返反去佢的身邊，我們呢D人類對佢毫無吸引力吧，之前都是望下望下，見我地唔俾佢返去，佢竟然開始叫，好啦好啦，放你返去老婆身邊，一返去，佢地竟然就咁kiss kiss, 而佢老婆好似想安慰佢，係咁幫佢鬆毛，OMG, 佢哋係到無限放閃，太過份啦。有機會一定要去探下呢對超sweet的夫妻呀！ 除左貓頭鷹外，watawata仲有一D小彩鳳可以同佢地玩，其實佢地都好可愛又有善，不過少少頑皮，一放上身，就會左跳右跳，佢就好鐘意咬下你的頭髮，頭飾，特別是因為我們有和服頭飾，叮叮噹噹咁，佢超好奇，就係咁咬下咬下，不過因為實在太可愛，係唔會同佢地計較吧，就俾你咬下啦！ Overall, 今次係wata-wata cafe 的體驗係好正面，成間cafe都好清潔，而隻隻貓頭鷹都是毛絨絨好健康，同埋感覺到店員係真心愛護佢地，因為動物好簡單，如果你對佢地唔好，係佢地面上係唔會出現happy face, 我見到貓頭鷹面上都是開心表情，咁就知wata-wata cafe對佢地應該好照顧，一間有❤的動物cafe先值得我們去，下次去奈良可以去探下佢地吧。 如果想睇更多我們同貓頭鷹互動的片段，可以click入去YouTube https://youtu.be/kwe_Ml0gkDo
