真是好似將成個霍格華茲搬左來, 最喜歡門口兩隻飛天豬 今年三月大阪環球影城哈利波特4D禁忌之旅正式重新啟動，之前玩嗰陣時都仲要戴3D眼鏡，在佢renovated之後連眼鏡都唔使戴，就可以感受到超逼真超真實嘅哈利波特魔法世界，所以如果嚟到大阪環球影城真係唔能夠錯過哈利波特呢一個園區。不過其實有佢2014年開幕之後，哈利波特這一個園區長期都係好多人，甚至如果係五六日入去，你冇整理卷基本上連哈利波特園區都入唔到，因為實在太多人，而玩禁忌之旅，平均就要排120至180分鐘不等，聽落都已經覺得有少少恐怖，咁不如我喺呢度比大家小小貼士，點樣先至可以唔使排隊就玩得到哈利波特禁忌之旅。 1. 如果你係有錢人的話咁就簡單啦，買一張express pass, 保證你可以暢通無阻就玩得到禁忌之旅，普通嘅express pass 4, 大確四百幾蚊港紙。（因為係Sailor Moon嗰度已經洗咗好多錢所以我冇錢買express pass) 2. 如果你自問都可以早起身少少，咁就可以買VIP手帶（大概港紙＄210 ），睇可以俾你提前30分鐘至15分鐘入園，咁就好好把握呢15分鐘嘅時間，首先去哈利波特霍格華之城堡，玩咗禁忌之旅，只要你肯跑少少基本上都唔使等。然之後就跑去攞整理卷等下晝再入去哈利波特園區影相，中間就可以去玩其他好受歡迎嘅機動，例如飛天翼龍，Spider-Man, 同埋小小兵，咁就可以係最慳錢嘅情況之下玩到最多受歡迎嘅機動。 一進入環球影城之後在第一個路口轉右，跟住一直向前走，喺第二個路口再轉右，咁當你見到魔法石陣嗰陣時，恭喜你你已經入咗去霍格華茲 我就是用$210在KKDAY (玩完之後填份問卷會有USD10 coupon 回贈，可以下次用，咁扣埋都只不過係＄150港紙左右）買左VIP手帶連阿倍野展望台（天王寺新的地標），可以提早入場。*不過呢個手帶你要喺去環球影城之前的日子在阿倍野換取*，同埋佢會俾埋個密碼和提早入場你，你要預先login, 先會activate個VIP手帶，因為如果冇activate係用唔到㗎，記住係會用唔到㗎，同埋記得要print個QR code，因為入到去環球影城佢係要Scan個QR CODE(嗰一日我就係見到有啲台灣人冇activate條手帶, 工作人員係唔俾佢哋用VIP通道）。雖然你有VIP手帶不過都唔好太過遲去到環球影城，例如嗰日係開九點鐘你可以提早15分鐘入場，最理想到達園區嘅時間係大概8點3左右，因為係嗰陣時都已經會見到人頭湧湧嘅情景，VIP通道係喺環球影城入口最右手邊嗰度，你去到一直向右邊行你就會見到條VIP通道㗎啦。 都可以提早入場嘅時間嗰陣時，記得要加油向右邊跑，哈利波特園區係喺環球影城嘅右手邊，由入口去哈利波特魔法石陣行走大約15分鐘跑就大概3分鐘，當你見到呢一個魔法石陣嗰陣時恭喜你你已經進入左哈利波特魔法世界。咁繼續向着霍格華之城堡出發就得啦，一入到城堡記得去搵一個locker, 因為你要將你所有隨身嘅物品包括埋電話都要放喺locker, 之後就可以展開刺激真實嘅禁忌之旅！呢個哈利波特乘車遊戲真係一流，係玩嘅過程之中唔需要帶3D眼鏡，已經可以有超真實嘅感覺和體感，可以體現得到騎喺掃把上邊嗰種刺激感，又可以體驗得到哈利波特之中幾場好出名嘅scene, 我係呢一度就唔講得太多啦，不過可以保證玩完之後你一定會大贊！ 就是這條隊啦啦, 其實八十分鐘唔算好長, 週末甚至要排一百八十分鐘, 諗起就驚 我嗰一日環球影城係九點鐘正式開門，因為一入腸就已經係跑呀跑呀跑，所以當玩哈利波特禁忌之旅嗰陣時大概就係9點3， 當我地玩完之後行返出嚟就已經見到玩禁忌之旅要排80分鐘啦，哈哈哈只係辛苦少少我就賺返個幾鐘頭嘅時間，嗰一刻真係覺得好開心，正！ 來哈利波特園區除咗玩禁忌之旅之外，其實成個園區都好適合影相，等我喺呢度整合幾個必影嘅景點： 1. 喺入活米村之前，你會見到係第二集出現過嘅藍色飛天車車（榮恩。衛斯理架車）呢一度你一定唔好錯過影返張相。 2. 一入去活米村，霍格華之火車就出現係你面前，佢有時仲會噴出白色嘅蒸氣，同埋會有票務員喺火車嘅旁邊同你影相，嗰一刻真係覺得自己好似去咗¾月台一樣。 好好味啊! 隻杯都好靚呢! 貴少少都要買埋 3. 成個哈利波特園區都係以活米村做藍圖，喺裏面可以搵到豬頭酒吧，三根掃帚餐廳，同埋最重要一定要試吓奶油啤酒（我個人覺得其實都幾好味甜甜地特別係飲凍嘅奶油啤酒就更加正，連埋個杯大概係¥1200） 4. 唔好錯過哈利波特裏面嘅洗手間，佢係有一啲特色架我喺呢度就唔講咁多啦你呢你自己去體驗一下啦。 5. 咁最重要一定係要影霍格華茲城堡，基本上喺園區裏面點樣都影到座城堡，不過如果你少啲人嘅話，可以行去湖嗰邊，可以影到啲無人係你左左右右嘅城堡相㗎。 6. 同埋一場去到哈利波特咁梗係要行下精品店，不過行下就好啦因為裏面啲嘢真係好貴，一件巫師袍大概要¥10000， 一支魔法手仗¥7000， 各大學院嘅頸巾¥5000， 其實如果想扮哈利波特，淘寶真係可以幫到你㗎^_^ 真心想知有冇人會買呢兩枝掃把㗎? 四隻青蛙合唱團千奇唔好 miss左, 個表演好精彩㗎 想睇我點樣衝入harrypotter可以click入： https://youtu.be/qIHhd7xfvFo
