有冇諗過只是在距離香港只是兩個半鐘機程的宿霧，便可完成被lonely planet 譽為人生百件必做的事之一[與鯨鯊共游]呢？而且係超近距離，全年無休，基本上只要天氣ok,無打風落雨，可以話100%granturantee可以和這海中優雅美麗的大魚一齊游泳。OK一於今次為大家介紹宿霧超好玩超正的 swimming with whale shake。 大約在六七年前，在宿霧南部一個小漁村OSLOB有些漁夫發現了有野生鯨鯊的蹤影，於是便開始用鱗蝦餵食牠們，希望吸引這些有善美麗的大魚留在OSLOB這個水域，而透過這樣半餵養的方式確實令鯨鯊們留下，雖然牠們仍然是野生，不過因為人類餵食的關係，牠們變得不怕人類，甚至比較親近人類。就算游得幾近，牠們都不會主動攻擊。而OSLOB有鯨鯊出現這件事慢慢傳開了，甚至連一些國際傳媒都有報導，開始有很多人被吸引過來，令到少少的漁村變得越來越熱鬧，個個都是為了可以近距離接觸這種溫馴可愛的大魚，因為世上亦只有在oslob可以零距離接觸牠們。多了遊客，為了可以保護鯨鯊的健康安全，依家我們出海與鯨鯊共游時必定要遵守幾個守則： 1. 絕對不能擦任何sunplay, makeup, gel, 這些化學品會傷害鯨鯊啊！ 2. 不能主動游去追鯨鯊，佢可以游來你身邊，但是你不能游去搵牠們的！ OK, 明白與鯨鯊互動的規則後，我們便準備出發與鯨鯊共舞之旅啦！ 因為與鯨鯊共游這個activity只有在早上六點至十二點（在呢個period會有漁民在近岸海域餵鱗蝦給牠們）而下午時牠們便會游回大海游水，especially 在清晨時份，水温不太高時，鯨鯊比較喜歡到水面游泳，我們會較易見到牠們吧。於是乎，基本上由Cebu city 出發的鯨鯊團都會在三點半至四點去pick up, OMG好眼訓啊。 一早兩點半起床真是好辛苦，不過諗到等陣可以和鯨鯊游水，即時醒矖，酒店幫我們打包了breakfast box，咁就上車向Oslob出發! 由Cebu city一直向南行就會到Oslob, 可能太過興奮， 所以沿路都冇咩點再補睡，見著我們經過很多村莊，也見到好多巴士好多人，原來cebu D人真是好早起床。經過三個小時，我們見到日出啦，亦到了AJ PLACE! Hello Sunrise!! I can see sunrise even in holiday!! 我們一到步先settle在一個小小的cabin, 同我們講解一陣同鯨鯊游水要注意的地方，咁我們的guide會幫我們攞籌，我們只要在呢度食下早餐休息下，輪到我們個時先去隔離出發的海灘，果然有人照顧係舒服好多，咁樣我們便一大朝早在海風輕送下，食住芒果糯米飯飲住咖啡欣賞着海景，地等代出發，yeah 真是好嘆！ 大約七點鐘終於到我哋去睇鯨鯊，咁個guide就帶我哋行過去隔離嘅海灘，原來一大朝早已經好多人係度等上船，因為我哋攞咗籌所以一兩度就已經係先去聽過briefing, 叫我地千祈唔好主動游向鯨鯊， 跟住就俾咗啲救生衣啊浮潛工具（我喺迪卡儂買easy breathing mask, 真係一流地好用), 就叫我哋上船。原本以為船上邊會有好多其他人原來就只係得我哋兩個同埋三個漁夫，正啊！LETS GO!!! Whale shark baby, we are coming!!! 我們就是撘住呢D蟹爪船出去睇鯨鯊，大約十分鐘左右就到停船的地點，嘩早上七點左右已經有二十幾艘船停在這裡，每人有三十分鐘可以落水或者在船上睇。無錯，其實如果你唔想落水，在船上都可以清楚地看到鯨鯊在水面游來游去，好可愛哦！因為漁夫會不斷為佢哋食鱗蝦，所以呢啲大魚就會跟住啲漁夫游嚟游去。 點擊圖片放大 +2 well, 我一到停船的地方就已經極速載上mask, 跳左落水，同一時間亦有條鯨鯊游緊過來，Mamame, 好大條（有一架貨車咁長），條尾好大條，游得好近呀（係零距離接觸，我唔小心踢到佢，D皮好膠膠），個口好大呀，果刻有D驚佢會吸我入去（明知佢唔會不過個心都有DD擔心）不過又好興奮，好複雜的感覺！咁樣我就係水裏面同佢地游左二十分鐘，呢20分鐘我應該一世都會記得，因為可以同咁大條魚有水嘅機會真係唔多全世界除咗喺宿霧可以做得到之外都冇咩地方可以做得到啦，我唔勢去沖繩睇鯨鯊啦。 點擊圖片放大 +3 而且嗰啲漁夫好好，佢哋知道今日係我生日，見我游水又拍片好辛苦佢哋主動話幫我影相同埋拍片，叫我安心咁樣同啲鯨鯊玩遊戲就得啦，好多謝你哋，呢個係好難忘的生日禮物！不過記住同鯨鯊游水雖然好開心不過都要好好咁保護佢哋㗎，記住記住千祈唔好擦sunplay落水, 咁可愛嘅生物我哋一定要珍惜佢哋！以下就係我同鯨鯊玩遊戲嘅片： https://youtu.be/qXeO_9co09Y 我們睇完鯨鯊之後，先回去AJ PLACE 沖個涼，因為我覺得我成身都係磷蝦嘅臭臭味，好彩佢有地方俾我沖個涼，然之後我哋就會食好豐富的海鮮early lunch, 其實真係好早因為食嗰陣時係九點鐘左右，不過確實又真係幾好味，同埋之後我哋會去kawasan玩canyoneeing, 都係食飽啲先至會有體力去爬山條瀑布玩激流。好啦我哋食嘢先，下一篇就會係關於非常好玩又刺激嘅kawasan canyoneeing!! PS: 其實來cebu最大的好處是使費唔高，我們在trip advisor 揾左 AJ PLACE, 佢是base at Oslob， 有自己的hostel而且評語差不多全部都是正評，於是便send email 聯絡， 基本上佢都reply好快而且亦好patient咁提醒我們應該要注意的地方，我們join 左 swimming with whale shark plus Kawasan canyoneeing adventure program。一日十八小時的service, 包三餐和入場卷， 亦有簡單shower, 每人只是HKD1100, 雖然不是便宜但是佢的service真心一流，所以如果去cebu睇鯨鯊， 真心recommended AJ PLACE !!! 有興趣攞佢啲資料可以PM我
