2022年8月14日今日係確診第三日, 呢3日裡面的病情變化好大, 又發燒又嘔又咳血.....不過呢3日可以體驗到朋友的親疏關係! 確診第二日,我睇左視像醫生, 醫生提議我食抗病毒藥物, 但我好擔心呢隻藥會對身體有好大影響, 驚好傷身, 平時聽到身邊同事成日話..."我家姐係護士長....我表妹係醫生....我朋友係醫學顧問...."等等! 但當我問佢地可以幫忙問一下呢隻藥係咩嚟, 無一個肯幫忙! 一句話 "我唔知喎!"就算.....可能藥呢D嘢唔敢亂講掛.....但其實我又唔係要咩專業意見, 只係想知有無人食過有咩反應啫.....可惜, 一句"幫你問下"都無出現!不過, 有一個朋友令我喜出望外, 一直覺得佢好孤寒, 咩都計得好清楚的朋友, 佢竟然有另一個答案, 起碼佢會嘗試幫我問曾經確診過的朋友有無食過呢款藥, 有咩感覺....雖然結果都係撲空, 不過果一刻的回答真係令我好感動, 好似喺孤島入面有人伸出緩手幫助咁! 我以後同自己講一定要好好對待呢個朋友, 佢孤寒啫....但我有錢咪可以出埋佢果份囉!原來一句喺whatsapp的問候好簡單, 亦好易做到, 但問候當中有几多個係真心? 就真係要有事先試到出來, 患難見真情呢句說話真係一生受用!
