峻嶺燒烤場:性比價極高 大型水池腳上桌球免費玩 香港雖然好細，但其實有好多好玩嘅地方我哋都冇去過。如果你成日會抱怨WEEKEND唔知去邊好，喺天水圍呢個集燒烤、大型戶外設施、高爾夫球場於一身嘅地方絕對係一個唔錯選擇。 200蚊任燒12小時 供應超過10款海鮮 平時燒烤，除咗雞翼，仲係雞翼。但峻嶺燒烤場卻提供超過50款食材任你選，種類仲豐富過去食放題，性價比MAX。海鮮類有鮑魚、加拿大龍蝦、手掌咁大嘅虎蝦、日本廣島蠔等；肉類有熊本霜降牛扒、紐西蘭羊架、黑毛豬梅肉扒等。即燒即食先最能夠品嚐到海鮮嘅鮮味，我諗BBQ嘅精萃應該就係咁吧。怕會燒得唔好？燒烤場職員好友善，可以隨時向佢哋請教。 峻嶺燒烤場最低消費係半日$150，全日$200，大家可以由早餐燒到晚餐，燒足12小時。同時燒烤場歡迎大家自備食材，但要注意衛生，唔好影響其他燒烤友。 11種大型戶外設施免費任玩 燒烤中場休息嘅時候，除咗可以喺過萬尺嘅草地上休憩，仲可以免費玩喺電視綜藝節目見到嘅大型康樂設施。包括，腳上桌球、西瓜搖搖板、巨型 4 IN LINE 、足球九宮格、泛舟水池、大型沙池等。玩到攰就食，食到飽就再玩，係寫意嘅人生呀! 草地上踢桌球另有一番風味 點擊圖片放大 西瓜搖搖板、巨型泛舟水池同大型沙池絕對能引起你嘅好奇心。 多款免費室內活動 絕對唔會悶 就算落雨都唔緊要，喺"峻嶺燒烤場"你絕對唔會話悶。好似partyroom咁，你可以任意租借Board Game，就算想即時打番幾圈都無問題。如果想做啲特別啲嘅野，可以參與時下DIY Workshop，製造專屬於你嘅浴鹽球、星空瓶同史萊姆。 如果想知道更多，可以去 峻嶺燒烤場 網站了解: https://www.trueland.com.hk/ 峻嶺燒烤場 地址：天水圍馮家圍天華路及天慈路交界 燒烤場：星期一至日：11am – 11pm (需預約)
