我呢d港女去日本旅行，已經仲多過去大嶼山大佛，最鍾意行藥妝，但買黎買去咪又係面膜，眼藥，好悶呀！！前陣子去沖繩，我行藥妝已經進化到買曱甴藥、牙線，同埋我嘅平靚正新寵「入浴剤」！ 浸浴的好處 日本人向來都有泡湯浸浴嘅文化習慣，皆因好處多蘿蘿！如果你google 一下「浸浴的好處」，你會發現成千上萬嘅文章。但重點都離不開：減肥、消除疲勞、加速身陳代謝及血液循環、改變淋巴循環從而增強免疫力等等。但對於我黎講最重要都係兩隻字 舒服 Anyway, 日本人對泡湯異常熱愛，所以好多藥妝都有頗大嘅section 放置入浴剤。 今次我買左價錢比較相宜嘅呢款日本花王kao入浴剤（其實我唔記得幾多錢，但肯定唔貴，上網check 到台幣299一盒：網址） 一盒12個，有玫瑰、洋甘菊、薰衣草和茉莉4種花香味。 每一粒都獨立包裝，感覺比Lush bath bomb 硬一點。 放進水裡後，大約五分鐘先溶得晒。 記住，呢個唔係泡泡浴，係絕對無泡嘅！顏色淡淡，味道清香！ 用後感： 用後不會有肥皂感，不需要再度沖洗過水。淡淡花香，抹乾身後，留在身體的香味不算多。 最重要嘅係，可以一個人躺在浴缸放空約分鐘，好relaxing! 大腦輕鬆晒！ 下次去日本，再買其他牌子試試吧！ 更多文章：hapife.com
