有睇我facebook 嘅朋友都知我有玩空中瑜伽 , 亦好明顯知道我絕對係Aerial Yoga (又稱Anti-gravity Yoga) 嘅初哥，但就因為我係小學雞程度的過來人, 好多經歷同細節仍然好深刻，等我總結一下第一堂前你要知道的事啦! 若然你仲未上過空中瑜伽，我絕對支持你準備好以下7件事後去試下堂, 可能會鍾意到上癮! (雖然呢篇文有D長, 但記住要睇到尾!! ) 1. 上堂一小時前切勿吃東西 話說我第二次去玩Aerial Yoga 係某個weekday晚上，加班到最後一刻後趕住去。我一般做運動前都唔會食正餐咁飽。但由於真係肚餓得幾緊要，所以忍唔住食左個friend一粒燒賣(真係只有一粒!)。咁就出事喇!!!!! 我一倒吊就由喉嚨谷上黎，差D嘔左出黎! 就算休息左一陣，再試都仲係黃膽水都反埋，搞到全部倒轉頭嘅動作都做唔到，浪費左一整堂:( 2. 手掌腳掌都要保持十級乾爽 上堂前，相信你都想像到好多動作會倚靠雙手捉實娟布來平衡, 所以你一定會識得上堂前洗走手上的hand cream。但你可能會忽略前一晚塗在腳掌上的潤膚露， 你以為一整晚已吸收晒就錯喇! 出少少汗, D 剩餘嘅cream 就會浮晒出黎。 由於某些動作都要腳踩瑜伽墊支撐身體，若腳掌不夠乾爽就會唔穩陣! 3. 由內至外一套瑜伽裝備 呢一點，若你有玩開瑜伽就應該會明白。若你就咁著D大領鬆身 t-shirt 、低腰闊腳褲一定會諸多顧。慮。一做D倒頭動作時,唔係倒奶就露腰；提腿或蹲下時, 就露左後面條事業線或長褲"sur" 到去大腿。又或者, 露左個bra邊就尷尷尬尬。去飲你都識著飲衫啦! 去做瑜伽就唔該著番套瑜伽衫運動bra! 唔使問都知, 我最愛一定係lululemon 啦! 你著佢D褲你一定唔會再買nike。另外, 我會建議著短袖衫玩Aerial Yoga , 因為長袖會阻住扣唔實條布, 背心又墊唔到腋下, 可能會比條布勒到痛。 原本轉載 ♥hapife.com♥ 4. 除掉頸鏈上 簡單! 倒吊時會整住塊面, 好煩! 同一道理，頭髮長要扎髻,扎馬尾又係會阻住自己。 5. 信任承托你體重的那條hammock(娟布) Aerial Yoga講求伸展同relex。下下驚死跌, 又點relex 呢? 信得過佢，你自然會敢瞓晒落去. 若果下下緊張大師咁,就好容易扯傷肌肉。 6. 有心理準備 我覺得背部和大腿肌肉伸展上, Aerial Yoga更勝普通yoga，做完係好relax! 但要有心理準備，因為初學時，好多位置和平衡點都未掌握好，在娟布縛住盤骨及腋下時，初期可能會有點痛是正常的。另外，當倒吊時會暈陀陀，也是正常的，張開眼睛望鏡就會慢慢習慣。 7. 找一個可信賴的導師 最最最最重要的分享! 話說我第一堂由朋友介紹，去左觀塘工業區上堂, 一班4個，果個miss十分專業細心, 每個動作重覆示範再從旁協助學生，我在毫無恐懼下完成左起碼10組動作。到第二次, 去左中環epic yoga上果個叫victor的男導師堂, 一班成8,9個學生, 我在倒吊時見暈, 隻腳鬆了一鬆, 差不多, 我就大叫"ah sir! 好暈呀!唔得啦! 我趺喇!" 但佢竟然冇埋黎扶我一下囉!!!! 最後我當然真係跌左落地，好彩冇扭傷條頸。不過從此我就留下陰影，唔敢去上空中瑜伽。 直至有一次跟朋友去左灣仔amico上hammock dance,以為唔會倒吊, 點知都係要...但多得呢次機會, 我遇到個超好嘅miss，佢知我超驚, 當倒吊時, 佢跪低在我旁邊說 "give me your hand, I m here for you! " 她一隻手拖著我, 另一隻手扶住我個頭, 引導我慢慢深呼吸放鬆下來。完完全全信任她, 最後我順利把動作完成，最重要係, 重拾信心，脫離陰影!!!!! 所以, 記住搵有口碑細心嘅導師! Like my Facebook!! ♥hapife facebook♥ 原本轉載 ♥hapife.com♥
