西北澳Road Trip Day 2 15/7 Saturday : Kalbarri National Park (Quad Bike Tour + Nature's Window) 提到Kalbarri National Park一定係第1時間聯想到「世界之窗」 大鄉里如我以前聽「世界之窗」呢個term只係會聯想到深圳好似有個咁既主題公園 我諗正正係呢啲一點一滴既無知 先更突顯到我地真正經由旅遊去開眼界 始終算係某程度上既進步 而我地亦唔介意分享俾大家知（笑吧 如你喜歡） Kalbarri National Park其實好大 要玩應該可以玩返好幾日 我覺得plan行程其中一個好方法就係睇下佢有咩tours Kalbarri都好多tours可以揀 而我地都預先報左1個tour係揸越野車！ 官網就有好多Tour可以報：https://www.kalbarri.org.au/tours 喺澳洲我知道有d Quad Bike tour係唔要求司機要有車牌 不過呢度要 不過如果無車牌都唔怕 只係冇得揸但可以坐後座既 一樣咁爽！ 佢有個服務幾好 就係佢會有shuttle bus黎接你 咁當然係局限於某d caravan park reception同附近既渡假村 我地揀左係早上9:00am既Tour 去到車場揀完岩size頭盔兼聽一下講解就可以出發 全程會有工作人員車喺頭尾take care住 一有人太慢太快 或太偏離路線帶頭既工作人員都會停 等所有車集合先繼續開 所以大家盡量小心 廢事大家揸得興起時又要要停晒喺度 我同溫夫人既戰車（夫人唔識揸車） 車隊集合 黃色車係單人座既 最右邊嗰架係家庭車，一家大細既可以考慮呢種 整整2個半鐘既Quad Bike Tour都主要係遊沙漠同海邊 配上天然既風浪同藍天白雲 風景係靚到dum一聲！ 有限時速但或者因為高高低低既起伏 你依然會覺得好刺激好玩 tour仲包你一個tea break 將車停喺海邊 飲杯茶食件餅 望住個海景 睇住d浪打埋黎 明明岩岩仲揸住架車風馳電掣緊 下一秒你就靜落黎感受自然 由唔同角度去望同一個海 又係另一種味道 完左呢個Tour返去Caravan park抖下食個午餐就準備出發Nature's Window Murchison River Caravan Park > Nature's Window 37km (50 mins) 呢度有樣野想提提大家 要去Nature's Window係要經一個位叫Z Bend 而呢條路係進行緊一啲工程 於是乎喺某d月份某d日子佢會封路唔俾你過 所以大家如果想去最好提前去佢官網check清楚先出發 我地就好好彩無撞到佢封路既日子去 (溫夫人話當時佢肉廠有內地同事表示佢去時係的確封左 但佢地直接搬開圍欄就入左 雖然係無俾人發現但當然呢種做法我地唔主張) 俾完National Park入場費再洗入d泊低架車就可以準備出發！ （停車場附近有廁所建議大家可以去定先 呢類類似行山既運動當然都係呼籲大家著舒適既鞋 但亦有人著拖鞋） 一落車其實個景已經相當壯觀 除左最開初既路係有人舖過之外 之後既路都基本上係呢種磚紅色既岩石 一層一層 世界之窗都係咁黎 但其實立眼睇似木頭堆多d 感覺都幾化學（溫夫人：浪漫d得唔得） 四圍都係呢種景 其實都幾震撼 唔駛行好遠 其實已經會搵到呢個National Park既最大賣點: Nature's Window 或者係沿路行過黎已經望到唔少壯觀景色 當真係見到嗰一刻 真係覺得「嗯.. 個名改得幾有Gimmick」 由於Nature's Window實在係太多人影相 我地行左去附近其他位影相 我覺得四圍既風景比起Nature's Window一啲都唔遜色 呢張相我同溫夫人都勁鐘意(似唔似李香蘭？) 當人群稍稍散去 我地再行返去Nature's Window影相 試下真係走入去個Window度望下有冇咩不一樣的景色 事實上個景都係差不多 但當你坐到入去 就好似入左一條隧道一樣 變得好寧靜 嗰一刻 有少少「世界是我的」既感覺 令我認同返佢既價值 「世界是我的」既感覺唔敢太長 因為現實中既你知道 後面仲有人等住影相！ 再行遠多少少我地感覺景色無特別唔同就折返嚕 呢一晚都係訓返day 1既caravan park 好好休息day 3去貝殼沙灘！
