講到西澳既袋鼠島大家會諗到既應該有2個： Rottnest Island，或者係Heirisson Island 今次想一次過記錄下呢2個地方 Rottnest Island Quokka就係我地有時上網見人分享selfie既短尾袋鼠仔 佢雖然咁出名 但原來係西澳少部份地區先有（我都係黎到澳洲先知） 而Rottnest Island又名"Home to the Quokka"，聽聞係最多Quokka既居住地 前文提及初初黎澳洲時我地係住YHA，而YHA無咩多，就係旅遊資訊多 溫夫人就係俾YHA入面d廣告poster吸引住話要去搵quokka 適逢溫夫人即將生日，於是我就順理成章帶溫夫人去慶生 Rottnest Island既船飛係逢星期2平d既 不過溫夫人生日就硬食都無所謂啦 去Rottnest Island都有好幾間船公司，我地當時就方便d上船公司網站直接訂 上船既地方都有得揀既 我地揀左Perth city YHA最近既天鵝蛋碼頭(第1站)，另一個上船點係Fremantle 船程大概1.5個鐘，不過睇下風景聽下船上導遊講笑時間好快過 基本上成個島都俾好清既海水圍住，四圍都係靚海景 Rottnest Island話細唔細，一般人去都會揀2種交通工具 一：單車（船公司有得直接租埋，個邊應該都有得租） 二：巴士（去到買張巴士飛，當日無限任搭） 我地出發前有稍微做下功課 知Rottnest Island好多上斜落斜 相信踩單車係同自己對腳過唔去 於是我地都係揀搭巴士 (後來有同台灣朋友傾起踩單車係連八月十五都會勁受罪 我就知我當日既選擇有幾正確) 印象中巴士飛都唔算平，但行路係無可能所以呢d錢唔慳得 巴士既時間表記得記得要拎，上面有寫邊個站幾點有車 地圖上會簡介晒島上面邊度有餐廳，游水／浮潛熱點等等 我地當然無去晒所有點，free style如我地係隨心落車四圍行四圍睇 行1-2個站先再上車 第一次落車就係溫夫人喺某站見到有Quokka 即刻就撲左落車 一落車見到一堆日本細路餵緊Quokka食紅蘿蔔 (注: 其實係唔應該摸/餵佢地) 的確，佢地正面同食野個樣係勁得意，溶化了溫夫人既心 不過其實佢地既側面，根本只係隻大老鼠！（btw, 佢條尾邊忽短) 佢地其實好Q為食，又或者話佢地自己可能搵唔到食 溫夫人只不過係拎住支水佢地都走埋去猴住，一見水就舔 我地去既時候係3月尾 天氣仲係好涼 所以只係喺海邊行下浸下腳 實在無勇氣落水 但相信夏天黎浮潛會好正！ 行下影下相都好舒服好靚！ 我地行下影下其實都用左大半日時間 如果想落埋水玩其實可以玩個兩日一夜 島上有間IGA超市買野食 總結 Rottnest Island係好靚，鐘意陽光與海灘的話一定喜歡呢度 搵Quokka當然係唔少得（溫夫人都成功同Quokka selfie) 但唔知係我地唔好彩定點 當日全日見到既Quokka加埋得10隻左右 所以一見到真係要影就好快快影！ Heirisson Island 另一個袋鼠島Heirisson Island位於柏斯市區Swan River，過條橋就差不多到 搭貓車都去到附近，不過買左車之後我地都無搭過公共交通工具了 一入到去喺河既對面仍然可以見到市區建築 可能因為我地係星期一去，完全無乜人 只係有遇見過一對野餐既情侶同遠遠地見到有工作人員揸車巡視 四圍既景觀大致上都係咁 草地同湖泊 無乜人既環境令我地覺得好輕鬆 但.. 袋鼠呢喂？ 行左應該有一個鐘，仲唔俾我周到你！？ 俾我地發現有2隻袋鼠，動作一致地攤喺籬笆邊抖涼 佢地一啲都唔怕人，仲好傲慢 溫夫人膝頭近到入埋鏡，佢都毫無反應 就係咁，溫夫人又成功好近距離同袋鼠影相 遊客角度會幾無癮，因為佢懶到好似無其他動作同表情一樣！ 而除左呢2隻高傲袋鼠之外，我地無再見到其他袋鼠 總結 呢個袋鼠島，對我地黎講唔太值得再黎 如果要搵海邊或草地野餐，柏斯市區都仲有好多選擇 而如果真係想睇袋鼠，西澳黎講我地會推介北邊既Yanchep National Park 嗰度好多野生袋鼠（之後有時間會打埋）
