西北澳Road Trip Day 1 14/7 Friday : pickup Campervan, pickup Stuff Perth > Geraldton > Principality of Hutt River > Pink Lake(Gregory) > Kalbarri (Camp site: Murchison River Caravan Park) 第一日嘅行程其實都幾趕 因為去拎車嘅手續比預期嘅耐 晨早8點就standby 到租車公司攪拎車手續 大家都知道外國人嘅工作效率係點 而我地就咁樣用左差唔多一個鐘頭嘅時間終於拎到架車 平時揸開細車嘅我,突然要揸架大Van真心係唔慣 好就好在我學車嘅時候係學棍Van,所以揸左一陣就拎返個手感 拎完車,返屋企整頓啲野就立即出發 Perth > Geraldton 430 km (4 hrs 30 mins) Geraldton > Principality of Hutt River 93 km (1 hr 20 mins) Principality of Hutt River > Pink Lake(Gregory) 46 km (50 mins) Pink Lake(Gregory) > Kalbarri (Camp site: Murchison Caravan Park) 67 km (45 mins) 睇到上面嘅公里同時間預計 第一日就要揸7粒幾鐘車,而啲景點就真係會變做走馬看花咁...家上拎車嘅時間俾預期耐左 我地差唔多9:40am先真正開車 第一次揸咁耐車,好多野都比原定嘅計劃有出入 而我地因爲時間關係,就無去到Principality of Hutt River 直接尻衝去粉紅湖。 雖然去唔成,但橫掂做過功課就分享一下 Principality of Hutt River就係有名既“國中國” 相傳呢度既創建人Leonard Casley走法律罅成功爭取獨立自成一國 Leonard從此自名國王更為家庭成員封銜 其實上網睇相片分享呢個國家相當細亦十分簡陋 最特別(亦最吸引溫夫人要去)之處 就係佢有發行自己國家既貨幣同郵票 溫夫人表示想收集佢地既貨幣(同澳幣兌率係1:1)俾家姐兼想由呢度寄postcard紀念 可惜因為時間關係(“國中國”4PM就收皮)為溫夫人帶黎遺憾.... 當去到粉紅湖嘅時候,果種震撼真係唔係講笑 個湖竟然乾左一半咁滯,粉紅...?係邊呀? 真係唔覺得有粉紅色....要好勉勉強強咁就哂角度同光嘅反射先影到佢叫做粉紅湖。 誓估唔到我辛辛苦苦揸成5粒幾鐘車嘅第一個景點係咁伏.... 咁就影左陣相hea一陣就再飛車去我地第一個Caravan Park 休息 點擊圖片放大 夜晚check-in Kalbarri National Park附近既Murchison caravan park 呢度好大好舒服 設備好齊全 浴室全獨立連廁所 個日落view仲好靚(介紹樓盤咩) 整理好所有野準備休息 第1次訓露營車 車上面張床墊其實幾薄 但意外地係幾舒適幾好訓 第1日既行程算係一般順利 粉紅湖唔粉紅 又去少左個景點 只有期待接住落黎既日子會有所驚喜吧