今日終於得閒啲打返個blog 今次分享一下我係西澳北邊嘅Road Trip 一講起Road Trip ,好多香港人一定講一世一定要試一次揸架露營車周圍去，去到邊玩到邊諸如此類咁。 我亦都俾依句野影響之下決定左我十二日嘅Road Trip。 第一樣野要做係要規劃地點同時間 最簡單就係Google map bookmark 哂自己想去嘅地方，然後將佢地連埋一齊。 睇下你自己可以有幾多日去玩，可唔可行去哂你咁多個想去嘅地方。 租車 行程果啲野就plan完，就係時候講車啦，無車點成事，用自己車Road Trip 又得，租車Road Trip 又得，自己車就要準備定保養呀檢查呀果啲野啦，租車就課金有架檢查好設備齊全嘅車，唔駛煩，所以我都係揀後者方案，租左架露營Van。 租車我就揀左Apollo，露營車都有好多類型，按自己需求去揀。我就揀左依架，可以係車度訓，又可以煮下野食。 記得就係要買保險，因為咁遠嘅地方萬一架車撞左壞左，都有保障。 (可以直接同租車買, 我地當時問過Apollo, 佢話出發當日去攞車時加就得 我地自己買全險, 印象中每日加AUD5X.00, 但唔買touchwood一撞一定賠死你, 唔好搏) 車又揀好，之後就要搵埋caravan parks 嘅位置，caravan parks 係一個Camp site, 入面有公眾浴室，洗手間，洗衣房，廚房。 其實都幾方便，泊架車入去就可以住咁滯。 我今次旅程去左6個caravan parks,基本上都係唔錯嘅，但係最好就先book定就穩撚陣，因為旺季未必有咁多位，所以我大部份都預早book好哂。 油站 入油堅係貴，不過都有方法去節省返啲。 Download apps - PetrolSpy Petrol Spy Australia by Pinecone https://itunes.apple.com/au/app/petrol-spy-australia/id826254811?mt=8 可以話你知咩地方有油站，油站係咩價位，咁樣就可以格下價去邊度入油平啲，不過偏遠地方就一定貴嫁啦。 最好計算埋架車一缸油可以行幾多公里，幾耐要入一次油，行到咁上下就要準備加油。 GPS 租車公司可以提供埋俾你不過$10/日，非常之咁唔化算。現今科技發達，用電話apps 都得啦。 Google maps Google Maps - Navigation & Transport by Google, Inc. https://itunes.apple.com/au/app/google-maps-navigation-transport/id585027354?mt=8 有網絡嘅地方就用google maps,咁無網絡呢？用offline maps ,我會推薦用 maps me. MAPS.ME – Offline Map with Navigation & Directions by MY COM https://itunes.apple.com/au/app/maps-me-offline-map-with-navigation-directions/id510623322?mt=8 入去揀定你要去嘅地區，Download 果個地區嘅offline map,咁當你去到無訊號，無人，得啲花花草草嘅荒地，佢就大排用場啦，可以幫你導航。 音樂 因為咁長嘅旅程，我地係Spotify download 定大量嘅歌可以係揸車中途無咁悶。亦都可以download 定啲電台節目黎聽都得。 之後就會直接講Road trip 嘅情況
