初到的一星期 上回講到岩岩一星期內就買左架車， 揀咩車就睇自己喜好同需求啦。 我打算代步而又鍾意細車，所以揀左架細車啦。 好啦，買車仲有啲手續嘅，網路上都大把教學，我都唔獻醜打出黎，費時冼你地啦。 車都買埋啦，咁大嘅支出之後，都應該開始著手去搵返個安樂窩sharehouse)同埋搵野做。 野心極之大嘅我地主要都係睇Facebook 群組去搵,有啲sharehouse 房東係會介紹埋工作俾你，而我地就主力focus 依一類型嘅sharehouse (因為已經send CV send到灰) 香港人...心急搵錢呀嘛, 你懂的。 所以我地就好快咁離開鬼地方YHA 而搵工嘅途徑係搵工網(Gumtree, Seek等等)，背包客棧，中介 而我就主力咁係搵工網同背包客棧度搵。 海量嘅CV同留言發出都無回音，澳洲Perth 真係咁難搵工咩？ 不過我又負碌撞棍咁係背包客棧度搵到工。有時運氣都佔7成呀。 工又搵到，屋又搵埋，車又買埋，真係覺得啲野好快就攪掂哂咁，一時之間覺得好唔真實咁。最重要嘅係，連溫夫人都同一時間搵到野做，就正正係房東介紹嘅。 其他野就下回再分享。
