我今次係分享一下初到Perth 的一星期 一開波我同溫夫人就決定stay 係 Perth YHA (青年旅舍），唔住share house 先。因為聽聞YHA 係有好多背包客，會比較易識到唔同國家嘅人交流，成個氣氛應該好熱鬧愉快。 現實總是殘酷，住左一日就覺得完全唔撚係路，伏味極之濃，所有人都非常之咁冷淡，可能我地黎得唔岩時候，又或者在下英文唔好，大家文化差異等等...基本上係各有各住，互不干涉。 所以想YHA只係適合stay2，3日就夠哂皮，唔好好似我咁撚戇尻一野book左成個星期。 放低行李，就做啲好例排嘅野，去銀行開戶口，我地揀左 Commonwealth , 係會收手續費每個月，之但係儲蓄利率可以完美cover ,加上又方便，就決定用佢啦。 Supermarket - Woolworths, Coles 就基本上成日都會行，因為YHA 可以煮野食，兩公婆都主張開頭盡量節省成本，但係行多2，3次就覺得好哂時間，走去market 行一陣，再返YHA準備早午晚三餐，其實一日嘅時間都用左好多（初頭係無咩經驗煮食方面）。我就把心一橫，決定盡快買車，外國地方，無車就等同無腳一樣。 我又好撚負碌咁一星期內就買到架二手車。 （搭巴士/火車唔係唔得, 不過個車費絕對比你自己入油揸車貴！） 我自己留意買二手車網站有三個 www.carsales.com.au gumtree.com.au Facebook 群組 最終係gumtree 睇中左架車，之後就直接聯絡賣家，去賣家屋企睇車。睇完OK但我依啲初哥邊度識睇車有冇問題，所以放低幾舊水當係按金，揸佢架車俾其他技師check check,技師檢查完會話俾你聽有咩問題有咩要整，你自己心入面就有個算盤，度下值唔值依個價錢，如果多野整嘅同賣家講價，通常都可以嘅，我架車就減左$600啦。 打住咁多先，聽日再分享。
