Photo by Christin Hume on Unsplash又到咗Big 4 Salary Review嘅時候啦~仲記得2023年個Salary Review,我見大部分Accountant/ Auditor都有得加人工。唔知今次2024年Salary Review又會點呢?Accounting會計係一個不斷變化同進步嘅領域。可以話係現今嘅經濟入面,呢一行專業人士扮演著重要角色(都可能係會計小薯自我感覺良好)。不過以前個個都爭崩頭想入去4大做,而家就好似有越來越少大學畢業生入職嘅趨勢。不過入唔入4大都好,都要知道下會計呢一行唔同職位人工嘅概念嘅。等我地一起嚟輕鬆講下4大嘅Accountant 同Auditor人工大約係幾多啦。畢業生Fresh Grad入職後第一年係最重要嘅一年,因為係你應徵到咗大公司都會將你當作一個新人去訓練。所以人工都唔高 (~HKD18,000-20,000),但你要有一個清晰嘅目標方向:就係捱到去考牌! Photo by MD Duran on Unsplash初級階段: Associate初級階段嘅會計人,都就係我地成日講嘅 Associate,佢地在4大嘅平均人工大約~HKD20,000-25,000。然而,呢個只係起步,隨著經驗嘅累計同埋能力嘅提升,人工都會相應提高。中級階段:Senior Associate當你成為 Senior Associate,大概需要 2 到 5 年嘅資深經驗,人工都會有明顯嘅增加。Senior Associate係4大嘅平均人工大約~HKD30,000-45,000。 Photo by Firmbee.com on Unsplash高級階段:Manager係呢個階段,你已經具有足夠嘅能力同資源去管理整個團隊,你仲應該會有搵客嘅能力 (如果唔係,呢個位都做唔長㗎啦),所以,人工都會進一步提高,Manager 1到Manager 3人工大約由~HKD55,000到HKD65,000左右。升咗Manager之後,可以話人工升幅就會開始慢落嚟 (同其他公司差唔多大約每年加~3%-5%)。高層階段:Senior Manager由Manager升做Senior Manager,達到呢個階段嘅會計專業人士,佢地要有極高嘅專業知識。仲要有強勁嘅搵生意嘅能力 (如果冇搵客嘅能力,咁都可以拍個碼頭,搵個partner射住)。仲需要有非常優秀嘅領導能力同埋經驗。因此,佢地嘅薪酬會再次提升,大約~HKD75,000-85,000。 Photo by JESHOOTS.COM on Unsplash每個人嘅職業生涯都係唔同嘅,而且會計行業都係一個充滿競爭同埋挑戰嘅領域。儘管如此,只要你肯學習、努力同埋不斷進步,你就一定可以係呢個行業入面搵到自己嘅位置並得到相應嘅回報。一開始入行係辛苦啲,日日做到嘔,人工又唔太反映工作量,不過會計可以話係先苦後甜同發展目標比較明確嘅一行。會計小薯都冇咩大志向,穩定又人工唔差,最好唔洗OT就最好 (不過冇咩可能><),同埋祈求2024年嘅Salary Review可以加多啲人工!嘿嘿嘿~