我上一篇文分享咗我關於SMB accounting software嘅睇法。今次,我會分享下香港幾種出名專for成長型/中大型企業嘅accounting軟件。咁分享之前,好似以前返學做project咁,我都要界題先嘅(俾我懷念下以前返學嘅時光先哈哈 :-P)。咁我先解釋一下我自己對成長型/中型和大型企業嘅定義先啦。成長型/中大型企業係規模超過小微企業但仲未達到10億美元市值基準嘅企業 (就咁睇數值10億美元好似好大咁,但其實對跨國大公司嚟講,10億美元真係只算成長型/中大型企業)。繼續睇落去,睇下香港主流會計軟件MS Dynamics,Multiable同埋Flexsystem好唔好用啦!MS Dynamics:Microsoft帝國嘅延伸Microsoft微軟係個人電腦市場地位上嘅成功,令佢可以cross-sell其他產品,而MS Dynamics就係其中一個成功嘅「cross-sell產品」。 優勢:同其他Microsoft產品相容;如果你揀用Azure雲端服務,咁就更加「安裝無憂」;香港有好多MS Dynamics合作夥伴可以俾你揀,任君選擇;你可以自行開發模組或者plug-in,去customize系統;友善使用者介面,就算唔係會計人,如果安裝左會計以外功能,系統都唔難用;MS Dynamics唔只係一個會計軟件,仲係一款全方位嘅商業軟件,涵蓋左物流、CRM、製造功能等。當你公司業務擴展個陣,你可以輕鬆開拓系統;國際品牌,咁你同老闆提議買新系統個陣,容易啲批准 (聽到係Microsoft,管理層就好似突然覺得信心大左)。缺點:除左少數大型MS Dynamics 合作夥伴之外,好多MS Dynamics 合作夥伴係香港都好少programmer或者直程冇programmer。所以客戶服務嘅品質同埋客製化質素就令人有啲擔憂;同其他全球品牌一樣,MS Dynamics 唔會提供太多本地合規功能。如果有需要,你就要額外俾錢同佢嘅合作夥伴搞呢類功能(好似 中國增值稅VAT, 越南GST, etc.)Consolidation accounting個陣,你有機會會崩潰,因為有機會要巨額訂製費 T_T;當你享受到同其他 MS 產品輕鬆相容嘅同時,其實都有樣壞處就係如果你想同 MS 競爭對手嘅產品集成,就會變得好麻煩。Flexsystem:香港會計軟件嘅老行尊對於上年紀嘅會計人嚟講,Flexsystem對佢地嚟講一定唔會陌生。傳聞Flexsystem嘅創辦人係Sunsystem嘅前員工。Flexsystem仲曾經有香港版Sunsystem嘅美譽添呀~ 優勢:所有使用者介面都以會計為中心。對於會計人嚟講非常容易理解;係香港有龐大客戶群,可以輕鬆請到有用過 Flexsystem 經驗嘅員工;就好似Sunsystem 咁,Flexsystem 也有一個工具(FIONA)俾你輕鬆Consolidation accounting。呢個工具仲令Flexsystem吸引到好多Hyperion嘅客添;龐大又成熟嘅本地支援/開發團隊,唔驚佢突然破產(唔好睇少呢點,因為執笠係啲小型會計軟件reseller/合作夥伴中係好常見嘅情況);現成嘅功能已經可以係大多數本地銀行匯入資料做銀行對帳。缺點:主要服務本地市場。好少或冇現成嘅功能嚟支持其他國家嘅合規性。如果你有外國分支機構而需要呢啲功能,customization費用會好高,開發週期仲會好長;用緊嘅設計同技術都比較舊。就算你公司有programmer,都唔可以自己開發模組/ plug-in。咁樣你就一定要經 Flexsystem 先可以做customization (不過都咁講,呢個其實係香港傳統軟件供應商嘅通病嚟嘅);由於成個系統設計都係基於voucher-based嘅,對唔係會計人嘅同事就變得好難理解,所以好多公司係系統要擴展到finance department以外個陣都被迫放棄左Flexsystem。(呢樣有經驗嘅 Oracle用家應該明我講咩);分析工具使用者介面比較遜色,仍然好依賴傳統嘅報告功能。Multiable:香港ERP軟件中嘅後起之秀上面講咗2款會計軟件,跟住要講呢款比較特別啲。嚴格嚟講,Multiable萬達寶唔將自己定位做會計軟件,而係ERP軟件。不過因為香港有好多公司都用緊 Multiable 嚟做會計,所以我都將 Multiable 加入呢篇文入面。咁究竟Multiable好唔好呢? 優勢:Multiable 有豐富嘅plug-and-play工具,可以俾唔係programmer嘅用家 (好似我咁嘅IT 外行人!) 輕鬆customize系統,咁樣仲可以慳翻大量customization嘅費用;Multiable 仲有一個工具可以做Consolidation accounting。係呢一方面,Multiable 同Flexsystem 都係同佔優勢;擁有成熟嘅本地支援/開發團隊,唔驚佢突然消失;現成嘅功能可以同大多數本地銀行資料對接,做bank reconciliation非常輕鬆;Multiable有針對中國同某些東南亞國家等香港投資者熱門投資地嘅現成合規功能;作為綜合性ERP,Multiable 全面涵蓋各種唔同功能 (finance department以外)。當你計劃擴展系統覆蓋範圍個陣,完全唔洗擔心。缺點:唔似 MS Dynamics咁國際化。當你需要24 小時支援個陣(對於一些多時區發展嘅公司好似中東、美國等地有業務嘅公司,呢類支援就係其中一個考慮),係香港辦公時間以外,回復速度就比較慢;合作夥伴網路一定冇MS Dynamics咁多;CPEX比較高。雖然它可以透過長期 TCO(總擁有成本)嚟證明佢嘅合理性,但係某啲情況下,要得到管理層預算嘅批准仍然會係一個難題;就算Multiable 係年輕嘅IT 同會計人眼中都算幾出名,但仍然有一部分老一輩管理人員對Multiable 唔太了解。需要額外嘅努力嚟說服董事會採用。點為你嘅成長型/中大型企業揀啱嘅會計軟件? Photo by Tyler Franta on Unsplash如果你只係要一個會計軟件,而冇諗住連接到sales、採購、物流、生產、project management等部門或功能,咁 Flexsystem 會係一個安全嘅選擇。如果你嘅會計軟件要同其他部門配合營運嘅話,咁Multiable 同埋 MS Dynamics 就會係更好嘅答案。咁點先知道個系統啱唔啱你公司又或者好唔好用呢?其實呢三家供應商係香港都有辦公室,所以想揀系統之前,最好嘅方法都係同佢地約時間做個demo,聽下佢地嘅presentation。