原來好耐無寫過出遊記了...今次介紹去遠D：<東龍島> 東龍島位置在香港的東邊，非常接近清水灣及港島東，可以算係最近的離島。 前往方法：三家村 <–> 東龍島 日子：逄星期六、日及公眾假期 在油塘三家村出發，乘搭由珊瑚海航運經營，來往三家村及東龍島的航班。由於要去東龍島只有一條航線，所以有機會比較多人，記得預早時間買定來回飛，回程如果趕尾班船都要預早，因為這航班只會在星期六、日及公眾假期行駛，否則會滯島，走唔到（而且士多平日也不會開放的）。寵物搭船$20/每隻(最好有繩拖住，無寫明一定要口罩，但有就拎埋,有備無患) 船程表可以在下面網站睇到 https://www.coralseaferryservice.com.hk/timetable 點擊圖片放大 碼頭附近有幾間士多，大家可以食飽飽再行，或者沿島的左邊向燈塔方向行都有1-2間士多。 成個島都好易行無咩分差路，指示牌都好清晰，沿碼頭右邊就係石刻，我就覺得無咩睇，仲要行好長樓梯由頂行到落底…得舊石，如果對歷史有興趣可以自己去睇下。而碼頭左邊就沿途見到對面海的清水灣鄉村俱樂部，再行前就見到假日士多，如果想去燈塔或營地，可以穿過假日士多(唔好沿路轉右)，再直行就會見到營地，行到營地盡頭就會見到白色的燈塔。 假日士多右邊有路去另一個營地及炮台，由於我地今次去的時候炮台封左所以無再影相俾大家睇...但東龍島真係好靚架，希望大家都ENJOY 啦
