女人天生愛敗家! 尤其是減價的時候,三件=平時一件的時候 唔買真係對唔住自己~ 所以, 雖然秋冬裝已經登場 我仍然都要買月下貨的夏天衫 (留返下年著都抵啦~~~) 不過, 今次真係最後一次入手夏裝 免得下年無quota入新衫! 先來看ZARA的兩件小背心 1. 橙色+豹圖案 佢既料好舒服,柔軟又透氣 夏天郊遊著一流^^ (攝於有袋澳食海鮮...諗起都想再食呀!) 2. 粉紫小背心 也是長身的背心, 質料比較厚身 不過有少透, 一定要打底! 最喜歡的是背後的拉鏈設計 什牌的衣服 我個人比較看重衣服的款式多於牌子 所以, 遇到喜歡的也會王理牌子購入! 白色蕾絲上衣 純色易襯又斯文 返工著可以襯黑色西褲/唔同色的半截裙 最喜歡它胸前的蕾絲! 有胸遮一下, 無胸裝成有胸^^ 假日配牛仔褲都OK呀! 媽媽送我的: 仿LV釘珠蕾絲上衣 好多同事都激讚款~! 有好HIT的BB領 (全部有好靚O既人手釘珠!) 小公主袖的設計可以遮BYE BYE肉 入面的內里是絲質 唔使打底之餘,又非常舒服! IT大減價買的b+ab 我好耐無光顧 IT了! 一來佢愈來愈貴, 二來好多款都太CUTE、太潮 唔太O岩我斯文OL LOOK 見減價先入去睇下 點知又有收穫 HOHO 小丑領黑白金線長上衣 闊大的領走路時好飄逸~ 下擺的小裙子設計遮PAT PAT一流! 衣料好薄, 夏天著好舒服! 雖然有金線, 但唔會刮肉 螢光橙透視罩衫兩件裝 呢件我睇中好耐, 第一次減價到$2XX無買, 今次減到$1XX即買啦~ 蕾絲罩衫的花紋好靚! 另有黑/白/藍 HONEY話橙色衫我無+夏天好SHARP 咁就入一件啦~ 小蝙蝠衣袖絕對是女孩的恩物! 有修身的效果~ 而罩衫超透薄, 夏天著好通爽 炎熱的中秋節穿了去賞花燈 最後一件: 秋天快來了! 穿短袖有一點點寒意 購入了一件超適合初秋的外套 領子有珍珠及閃珠的點綴 好GRAND、好LADY 下擺更有如婚紗的蕾絲 衣袖是重點!!! 初秋還是有點熱 它的手袖是薄薄的輕紗 現在穿剛剛好呀! 同場加映: 終於購入NINE WEST的高跟鞋了! 購自中環ifc的分店, 我發現呢間比harbour city分店更齊貨又少D強國人! 等試鞋的時間都短D呀! (開心~~~) 最後一對6號都比我搵到...!!! 唔知HK的LADIES係唔係好多都著6號鞋? 好多時都缺貨呀>.< 喜歡普通的鞋款 上班及放假都襯到唔同的衫衫! 最愛蝴蝶結的設計 簡單但吸睛 根據本人多年穿高跟的經驗, 大約8-10CM的跟最好走 不太高又不太矮 對比下等大家知道實際有幾高跟先~ 穿上腳示範 不得不讚NINE WEST的皮好柔軟 第一次穿都唔刮腳 喜歡高跟的女生一定要試!!! 以上全是真金白銀的貨品 唔係好的都唔介紹比大家哦~ 下回想分享<已購置的秋裝> 大家想看嗎??? LIKE ME ON FACEBOOK:
