首先,要介一介紹豬後腿肉即係邊度先,顧名思義,其實就係豬嘅後腿肉,豬腿肉共分成四個部位﹕ 臀肉、林肉、針扒同銀邊,而傳統嘅火腿就係由豬後腿肉整醃成嘅。想了解多D豬嘅部位:http://www.flodinsfood.asia/zh-hant/meat/pork/ 話說,我食豬一向好少睇佢係咩部分嘅肉嘅,我覺得豬肉嘅每個部份都差唔多,亦都無咩分別。然後今日食飯嘅時候友人同我強調我食緊嘅係豬嘅後腿肉,我即刻好疑惑,豬嘅後腿肉、前腿肉、定係其他肉又有咩分別姐,咪又係一舊豬肉。點知食落,原來真係唔同! 豬後腿肉比較大舊,係成隻豬入面最大嘅肌肉群,入口啖啖大肉,簡直大滿足。而且豬後腿肉嘅煮法有好多,除左上面提到嘅可以煙醃成火腿之外,仲可以薄切製作油炸薄片、、厚切成豬扒、切絲用鑊炒、切粒燉煮等等,各種食法都滿足到,豬後腿肉真係好唔錯呀!